헬라어 문장 검색 - Πλυταρ́Ξαμιλλύ39́

(플루타르코스, Camillus, chapter 39)

καὶ τῶν πραγμάτων δι’ ἀναρχίασ φερομένων ἐσ μείζονασ ταραχάσ ἀποδείκνυται δικτάτωρ ὁ Κάμιλλοσ ὑπὸ τῆσ βουλῆσ ἄκοντι τῷ δήμῳ τὸ τέταρτον, οὐδ’ αὐτὸσ ὢν πρόθυμοσ οὐδὲ βουλόμενοσ ἐναντιοῦσθαι πρὸσ ἀνθρώπουσ παρρησίαν ἔχοντασ ἀπὸ πολλῶν καὶ μεγάλων ἀγώνων πρὸσ αὐτόν, ὡσ πλείονα μετ’ αὐτῶν διαπεπραγμένοσ ἐν στρατηγίαισ ἢ μετὰ τῶν πατρικίων ἐν πολιτείαισ, καὶ νῦν διὰ φθόνον ἐκείνων ᾑρημένοσ ὑπ’ αὐτῶν, ὅπωσ ἢ καταλύσειε τὸν δῆμον ἰσχύσασ ἢ καταλυθείη μὴ κρατήσασ. οὐ μὴν ἀλλὰ πειρώμενοσ ἀμύνειν τοῖσ παροῦσι, τὴν ἡμέραν γνοὺσ, ἐν ᾗ νομοθετεῖν οἱ δήμαρχοι διενοοῦντο, προέγραψε στρατιᾶσ κατάλογον καὶ μετεκάλει τὸν δῆμον ἐκ τῆσ ἀγορᾶσ εἰσ τὸ πεδίον μεγάλασ ζημίασ ἀπειλῶν κατὰ τοῦ μὴ ὑπακούσαντοσ.

τῶν δὲ δημάρχων ἐκεῖθεν αὖ πάλιν ἀντανισταμένων ταῖσ ἀπειλαῖσ καὶ διομνυμένων πέντε μυριάσιν ἀργυρίου ζημιώσειν, εἰ μὴ παύσαιτο τοῦ δήμου τὸν νόμον ἀφαιρούμενοισ καὶ τὴν ψῆφον, εἴτε δείσασ φυγὴν ἑτέραν καὶ καταδίκην, ὡσ ἀνδρὶ πρεσβύτῃ καὶ κατειργασμένῳ μεγάλα μὴ πρέπουσαν, εἴτε τοῦ δήμου τὴν βίαν ἄμαχον οὖσαν καὶ δυσνίκητον ὑπερβαλέσθαι μὴ δυνάμενοσ μηδὲ βουλόμενοσ, τότε μὲν ὑπεχώρησεν οἴκαδε·

ταῖσ δ’ ἑξῆσ ἡμέραισ σκηψάμενοσ ἀρρωστεῖν ἐξωμόσατο τὴν ἀρχήν. ἡ δὲ σύγκλητοσ ἕτερον δικτάτορα κατέστησε·

κἀκεῖνοσ ἀποδείξασ ἵππαρχον αὐτὸν τὸν ἡγεμόνα τῆσ στάσεωσ Στόλωνα παρῆκεν ἐπικυρῶσαι τὸν νόμον τὸν μάλιστα λυποῦντα τοὺσ πατρικίουσ, ἐκέλευσε δ’ οὗτοσ μηδένα πλέθρων πεντακοσίων πλείονα χώραν κεκτῆσθαι. τότε μὲν οὖν λαμπρὸσ ὁ Στόλων ἐγεγόνει τῇ ψήφῳ κρατήσασ· ὀλίγῳ δ’ ὕστερον αὐτὸσ ἑάλω κεκτημένοσ ὅσην ἔχειν ἐκώλυεν ἑτέρουσ, καὶ κατὰ τὸν αὑτοῦ νόμον δίκην ἔδωκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 39

(플루타르코스, Camillus, chapter 39)

상위

목록

SEARCH

MENU NAVIGATION