헬라어 문장 검색 - Πλυταρ́Ξαμιλλύ37́

(플루타르코스, Camillus, chapter 37)

ὁ δὲ Κάμιλλοσ ἐπὶ χιλιαρχίαν ἕκτην καλούμενοσ παρῃτεῖτο, γεγονὼσ μὲν ἡλικίασ ἤδη πρόσω καί πού τινα καί φθόνον δεδιὼσ καί νέμεσιν ἐπὶ δόξῃ τοσαύτῃ καί κατορθώμασιν· ἡ δὲ φανερωτάτη τῶν αἰτιῶν ἦν ἀρρωστία σώματοσ· ἐτύγχανε γὰρ νοσῶν περὶ τὰσ ἡμέρασ ἐκείνασ. οὐ μὴν π.

,ρῆκεν αὐτῷ τὴν ἀρχὴν ὁ δῆμοσ, ἀλλὰ βοῶν μήτε ἱππεύοντοσ αὐτοῦ μήτε ὁπλομαχοῦντοσ ἐν τοῖσ ἀγῶσι δεῖσθαι, βουλευομένου δὲ μόνον καί προστάττοντοσ, ἠνάγκασεν ὑποστῆναι τὴν στρατηγίαν καί μεθ’ ἑνὸσ τῶν συναρχόντων Λευκίου Φουρίου τὸν στρατὸν ἄγειν εὐθὺσ ἐπὶ τοὺσ πολεμίουσ. οὗτοι δ’ ἦσαν Πραινεστῖνοι καί Οὐολοῦσκοι μετὰ πολλῆσ δυνάμεωσ τὴν συμμαχίδα τῶν Ῥωμαίων πορθοῦντεσ. ἐξελθὼν δὲ καί παραστρατοπεδεύσασ τοῖσ πολεμίοισ αὐτὸσ μὲν ἠξίου τρίβειν τὸν πόλεμον χρόνῳ, κἂν εἰ μάχησ δεήσειε ῥώσασ τὸ σῶμα διαγωνίσασθαι, Λευκίου δὲ τοῦ συνάρχοντοσ ἐπιθυμίᾳ δόξησ φερομένου πρὸσ τὸν κίνδυνον ἀκατασχέτωσ καί συνεξορμῶντοσ ἅμα ταξιάρχουσ καί λοχαγούσ, φοβηθεὶσ μὴ φθόνῳ δή τινι δοκῇ κατόρθωμα καί φιλοτιμίαν ἀφαιρεῖσθαι νέων ἀνδρῶν συνεχώρησεν ἄκων ἐκείνῳ παρατάξαι τὴν δύναμιν, αὐτὸσ δὲ διὰ τὴν ἀσθένειαν ὑπελείφθη μετ’ ὀλίγων ἐν τῷ στρατοπέδῳ.

τοῦ δὲ Λευκίου προπετῶσ χρησαμένου τῇ μάχῃ καί σφαλέντοσ, αἰσθόμενοσ τὴν τροπὴν τῶν Ῥωμαίων οὐ κατέσχεν αὑτόν, ἀλλ’ ἀναθορὼν ἐκ τῆσ στιβάδοσ ἀπήντα μετὰ τῶν ὀπαδῶν ἐπὶ τὰσ πύλασ τοῦ χάρακοσ, διὰ τῶν φευγόντων ὠθούμενοσ εἰσ τοὺσ διώκοντασ, ὥστε τοὺσ μὲν εὐθὺσ ἀναστρέφειν καί συνακολουθεῖν, τοὺσ δὲ προσφερομένουσ ἔξωθεν ἵστασθαι πρὸ αὐτοῦ καὶ συνασπίζειν, παρεγγυῶντασ ἀλλήλοισ μὴ ἀπολείπεσθαι τοῦ στρατηγοῦ, τότε μὲν οὖν οὕτωσ ἀπετράποντο τῆσ διώξεωσ οἱ πολέμιοι·

τῇ δ’ ὑστεραίᾳ προαγαγὼν τὴν δύναμιν ὁ Κάμιλλοσ καί συνάψασ μάχην αὐτούσ τε νικᾷ κατὰ κράτοσ καὶ τὸν χάρακα λαμβάνει συνεισπεσὼν τοῖσ φεύγουσι καί διαφθείρασ τοὺσ πλείστουσ, ἐκ δὲ τούτου πυθόμενοσ πόλιν Σατρίαν ὑπὸ Τυρρηνῶν ἑαλωκέναι καί τοὺσ οἰκήτορασ ἀπεσφάχθαι Ῥωμαίουσ ἅπαντασ ὄντασ, τὴν μὲν πολλὴν καί βαρεῖαν τῆσ δυνάμεωσ εἰσ Ῥώμην ἀπέστειλεν, αὐτὸσ δὲ τοὺσ ἀκμάζοντασ μάλιστα καί προθυμοτάτουσ ἀναλαβών ἐπέβαλε τοῖσ τὴν πόλιν ἔχουσι Τυρρηνοῖσ καί κρατήσασ τοὺσ μὲν ἐξήλασεν αὐτῶν, τοὺσ δὲ ἀπέκτεινεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 37

(플루타르코스, Camillus, chapter 37)

상위

목록

SEARCH

MENU NAVIGATION