헬라어 문장 검색 - Πλυταρ́Ξαμιλλύ35́

(플루타르코스, Camillus, chapter 35)

γεγονότων δὲ τούτων ἀπολιπὼν ἐπὶ τὸν στρατοπέδου τὸν υἱὸν Λεύκιον φύλακα τῶν ἡλωκότων ἀνθρώπων καὶ χρημάτων αὐτόσ εἰσ τὴν τῶν πολεμίων ἐνέβαλε. καὶ τὴν Αἰκανῶν πόλιν ἐξελὼν καὶ προσαγαγόμενοσ τοὺσ Οὐολούσκουσ εὐθὺσ ἦγε τὴν στρατιὰν πρὸσ τὸ Σούτριον, οὔπω τὰ συμβεβηκότα τοῖσ Σούτριον πεπυσμένοσ, ἀλλ’ ὡσ ἔτι κινδυνεύουσι καὶ πολιορκουμένοισ ὑπὸ τῶν Τυρρηνῶν βοηθῆσαι σπεύδων. οἱ δ’ ἔτυχον ἤδη τὴν μὲν πόλιν τοῖσ πολεμίοισ παραδεδωκότεσ, αὐτοὶ δὲ πάντων ἐνδεεῖσ ἐν ἱματίοισ μόνον ἀφειμένοι·

καὶ καθ’ ὁδὸν ὄντι τῷ Καμίλλῳ μετὰ παίδων καὶ γυναικῶν ἀπήντων ὀδυρόμενοι τὰσ ἑαυτῶν τύχασ. ὁ δὲ Κάμιλλοσ αὐτόσ τε πρὸσ τὴν ὄψιν ἐπικλασθεὶσ καὶ τοὺσ Ῥωμαίουσ ὁρῶν ἐμφυομένων αὐτοῖσ τῶν Σουτρίνων δακρύοντασ καὶ δυσανασχετοῦντασ ἐπὶ τοῖσ γεγενημένοισ, ἔγνω μὴ ποιεῖσθαι τῆσ τιμωρίασ ἀναβολήν, ἀλλ’ εὐθὺσ ἄγειν ἐπὶ τὸ Σούτριον ἐκείνησ τῆσ ἡμέρασ, λογιζόμενοσ ἀνθρώπουσ εὐδαίμονα καὶ πλουσίαν πόλιν ἄρτι κατειληφότασ καὶ μηδένα τῶν πολεμίων ὑπολελοιπότασ ἐν αὐτῇ μηδὲ προσδεχομένουσ ἔξωθεν, ἐκλελυμένουσ παντάπασι καὶ ἀφυλάκτουσ εὑρήσειν ὀρθῶσ λογισάμενοσ, οὐ γὰρ μόνον τὴν χώραν ἔλαθε διελθών, ἀλλὰ καὶ πρὸσ ταῖσ πύλαισ γενόμενοσ καὶ τὰ τείχη καταλαβών· ἐφύλαττε γὰρ οὐδείσ, ἀλλ’ ἐν οἴνῳ καὶ συνουσίαισ ἦσαν ἐσκεδασμένοι κατὰ τὰσ οἰκίασ.

ἐπεὶ δὲ ᾔσθοντο τοὺσ πολεμίουσ κρατοῦντασ ἤδη, οὕτω διέκειντο μοχθηρῶσ ὑπὸ πλησμονῆσ καὶ μέθησ, ὡσ μηδὲ πρὸσ φυγὴν ὁρμῆσαι πολλούσ, ἀλλ’ ἐν ταῖσ οἰκίαισ αἴσχιστα πάντων ὑπομένοντασ ἀποθνῄσκειν ἢ παραδιδόναι σφᾶσ αὐτοὺσ τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 35

(플루타르코스, Camillus, chapter 35)

상위

목록

SEARCH

MENU NAVIGATION