헬라어 문장 검색 - Πλυταρ́Ξαμιλλύ25́

(플루타르코스, Camillus, chapter 25)

ἦν δέ τισ ἐν τοῖσ νέοισ Πόντιοσ Κομίνιοσ, τῶν μέσων κατὰ γένοσ πολιτῶν, δόξησ δὲ καὶ τιμῆσ ἐραστήσ· οὗτοσ ὑπέστη τόν ἆθλον ἑκούσιοσ. καὶ γράμματα μὲν οὐκ ἔλαβε πρὸσ τοὺσ ἐν τῷ Καπιτωλίῳ, μὴ ληφθέντοσ αὐτοῦ φωράσωσιν οἱ πολέμιοι δι’ αὐτῶν τοῦ Καμίλλου τήν διάνοιαν, ἐσθῆτα δὲ φαύλην ἔχων καὶ φελλοὺσ ὑπ’ αὐτῇ κομίζων τήν μὲν ἄλλην ὁδὸν ἡμέρασ ἀδεῶσ διῆλθεν, ἐγγὺσ δὲ τῆσ πόλεωσ γενόμενοσ ἤδη σκοταῖοσ, ἐπεὶ κατὰ γέφυραν οὐκ ἦν τόν ποταμὸν περᾶσαι τῶν βαρβάρων παραφυλαττόντων, τήν μὲν ἐσθῆτα τῇ κεφαλῇ περισπειράσασ οὐ πολλὴν οὐδὲ βαρεῖαν, τοῖσ δὲ φελλοῖσ ἐφεὶσ τὸ σῶμα καὶ συνεπικουφίζων τῷ περαιοῦσθαι πρὸσ τήν πόλιν ἐξέβη. καὶ παραλλάττων ἀεὶ τοὺσ ἐγρηγορότασ, τοῖσ φέγγεσι καὶ τῷ θορύβῳ τεκμαιρόμενοσ, ἐβάδιζε πρὸσ τὴν Καρμεντίδα πύλην, ἣ πλείστην εἶχεν ἡσυχίαν, καὶ μάλιστα κατ’ αὐτὴν ὄρθιοσ ὁ τοῦ Καπιτωλίου λόφοσ ἀνέστηκε καὶ πέτρα κύκλῳ πολλὴ καὶ τραχεῖα περιπέφυκε·

δι’ ἧσ ἀνέβη λαθὼν καὶ προσέμιξε τοῖσ φυλάττουσι τὸ διατείχισμα χαλεπῶσ καὶ μόλισ κατὰ τὸ λαγαρώτατον. ἀσπασάμενοσ δὲ τοὺσ ἄνδρασ καὶ φράσασ ἑαυτὸν ἐξ ὀνόματοσ, ἀναληφθεὶσ ἐχώρει πρὸσ τοὺσ ἐν τέλει τῶν Ῥωμαίων.

ταχὺ δὲ συγκλήτου γενομένησ παρελθὼν τήν τε νίκην ἀπήγγειλε τοῦ Καμίλλου πρότερον οὐ πυθομένοισ, καὶ τὰ δοκοῦντα τοῖσ στρατιώταισ διηγεῖτο· καὶ παρεκάλει τῷ Καμίλλῳ βεβαιῶσαι τὴν ἀρχήν, ὡσ μόνῳ πεισομένων ἐκείνῳ τῶν ἔξω πολιτῶν, οἱ δ’ ἀκούσαντεσ καὶ βουλευσάμενοι τόν τε Κάμιλλον ἀποδεικνύουσι δικτάτορα, καὶ τόν Πόντιον αὖθισ ἀποπέμπουσι τήν αὐτὴν ὁδὸν ὁμοίωσ ἀγαθῇ τύχῃ χρησάμενον. ἔλαθε γὰρ τοὺσ πολεμίουσ καὶ τὰ παρὰ τῆσ βουλῆσ ἀπήγγειλε τοῖσ ἔξω Ῥωμαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 25

(플루타르코스, Camillus, chapter 25)

상위

목록

SEARCH

MENU NAVIGATION