헬라어 문장 검색 - Πλυταρ́Ξαμιλλύ23́

(플루타르코스, Camillus, chapter 23)

τῆσ δὲ πολιορκίασ μῆκοσ λαμβανούσησ ἐπισιτισμοῦ τοῖσ Γαλάταισ ἔδει· καὶ διελόντεσ ἑαυτοὺσ οἱ μὲν τῷ βασιλεῖ παραμένοντεσ ἐφρούρουν τὸ Καπιτώλιον, οἱ δὲ τὴν χώραν περιιόντεσ ἐλεηλάτουν καὶ τὰσ κώμασ ἐπόρθουν προσπίπτοντεσ, οὐχ ὁμοῦ πάντεσ, ἄλλοι δ’ ἄλλῃ καθ’ ἡγεμονίασ καὶ συντάγματα, τῷ μέγα φρονεῖν ὑπὸ τῶν εὐτυχημάτων καὶ δεδιέναι μηδὲν ἀποσκιδνάμενοι. τὸ δὲ πλεῖστον αὐτῶν καὶ μάλιστα συντεταγμένον ἐχώρει πρὸσ τὴν Ἀρδεατῶν πόλιν, ἐν ᾗ διέτριβε Κάμιλλοσ ἀργῶν ταῖσ πράξεσι μετὰ τὴν φυγὴν καὶ ἰδιωτεύων, ἐλπίδασ δὲ λαμβάνων καὶ διαλογισμοὺσ οὐχὶ τὸ λαθεῖν καὶ διαφυγεῖν τοὺσ πολεμίουσ ἀγαπῶντοσ ἀνδρόσ, ἀλλ’ ὅπωσ, εἰ παραγένοιτο καιρὸσ, ἀμυνεῖται σκοποῦντοσ.

διὸ καὶ τοὺσ Ἀρδεάτασ ὁρῶν πλήθει μὲν ἱκανοὺσ ὄντασ, ἐνδεεῖσ δὲ τόλμησ δι’ ἀπειρίαν καὶ μαλακίαν τῶν στρατηγῶν, ἐνέβαλε λόγον εἰσ τοὺσ νέουσ πρῶτον, ὡσ οὐ χρὴ τὴν Ῥωμαίων ἀτυχίαν ἀνδρείαν Κελτῶν νομίζειν, οὐδ’ ἃ κακῶσ φρονήσασι συνέβη παθεῖν ἐκείνοισ ἔργα τῶν οὐδὲν εἰσ τὸ νικῆσαι παρασχόντων, ἀλλὰ τύχησ ἐπίδειξιν ἡγεῖσθαι.

καλὸν μὲν οὖν εἶναι καὶ διὰ κινδύνων ἀπώσασθαι πόλεμον ἀλλόφυλον καὶ βαρβαρικόν, ᾧ τοῦ κρατεῖν πέρασ, ὥσπερ τῷ πυρὶ, διαφθαρῆναι τὸ νικώμενον οὐ μὴν ἀλλὰ καὶ θαρροῦσι καὶ προθυμουμένοισ αὐτοῖσ ἀκίνδυνον ἐν καιρῷ τὴν νίκην παρέξειν.

τούτουσ τοὺσ λόγουσ τῶν νέων δεξαμένων ἐπὶ τοὺσ ἄρχοντασ ᾔει καὶ τοὺσ προβούλουσ τῶν Ἀρδεατῶν ὁ Κάμιλλοσ. ὡσ δὲ κἀκείνουσ συνέπεισεν, ὥπλισε τοὺσ ἐν ἡλικίᾳ πάντασ καὶ συνεῖχε τοῦ τείχουσ ἐντόσ, ἀγνοεῖσθαι βουλόμενοσ ὑπὸ τῶν πολεμίων ἐγγὺσ ὄντων, ἐπεὶ δὲ τὴν χώραν ἱππασάμενοι καὶ βαρεῖσ ὄντεσ ὑπὸ πλήθουσ τῶν ἀγομένων καὶ φερομένων ἀμελῶσ καὶ ὀλιγώρωσ ἐν τῷ πεδίῳ κατεστρατοπέδευσαν, ἐκ δὲ τούτου νὺξ ἐπῆλθε μεθύουσιν αὐτοῖσ καὶ σιωπὴ κατέσχε τὸ στρατόπεδον, πυθόμενοσ ταῦτα παρὰ τῶν κατασκόπων ὁ Κάμιλλοσ ἐξῆγε τοὺσ Ἀρδεάτασ· καὶ διελθὼν καθ’ ἡσυχίαν τὸν μεταξὺ τόπον περὶ μέσασ νύκτασ προσέμιξε τῷ χάρακι κραυγῇ τε χρώμενοσ πολλῇ καὶ ταῖσ σάλπιγξι πανταχόθεν ἐκταράττων ἀνθρώπουσ κακῶσ ὑπὸ μέθησ καὶ μόλισ ἐκ τῶν ὕπνων ἀναφέροντασ πρὸσ τὸν θόρυβον.

ὀλίγοι μὲν οὖν ἀνανήψαντεσ ἐν τῷ φόβῳ καὶ διασκευασάμενοι τοὺσ περὶ τὸν Κάμιλλον ὑπέστησαν, ὥστ’ ἀμυνόμενοι πεσεῖν τοὺσ δὲ πλείστουσ ἔτι κρατουμένουσ ὕπνῳ καὶ οἴνῳ καταλαμβάνοντεσ ἀνόπλουσ ἔκτεινον.

ὅσοι δὲ νυκτὸσ ἀπέδρασαν ἐκ τοῦ χάρακοσ οὐ πολλοί, τούτουσ μεθ’ ἡμέραν σποράδασ ἐν τῇ χώρᾳ διαφερομένουσ ἐπελαύνοντεσ ἱππεῖσ διέφθειρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 23

(플루타르코스, Camillus, chapter 23)

상위

목록

SEARCH

MENU NAVIGATION