헬라어 문장 검색 - Πλυταρ́Ξαμιλλύ19́

(플루타르코스, Camillus, chapter 19)

ἐγένετο δ’ ἡ μάχη μετὰ τροπὰσ θερινὰσ περὶ τήν πανσέληνον, ᾗ καὶ πρότερον ἡμέρᾳ μέγα πάθοσ συνέβη τὸ περὶ τοὺσ Φαβίουσ· τριακόσιοι γὰρ ἐκ τοῦ γένουσ ἄνδρεσ ὑπὸ Τυρρηνῶν ἀνῃρέθησαν. ἐκράτησε δὲ τήν ἡμέραν ἀπὸ τῆσ δευτέρασ ἥττησ Ἀλιάδα μέχρι νῦν καλεῖσθαι διὰ τὸν ποταμόν. περὶ δ’ ἡμερῶν ἀποφράδων εἴτε χρὴ τίθεσθαί τινασ, εἴτε ὀρθῶσ Ἡράκλειτοσ ἐπέπληξεν Ἡσιόδῳ τὰσ μὲν ἀγαθὰσ ποιουμένῳ, τὰσ δὲ φαύλασ, ὡσ ἀγνοοῦντι φύσιν ἡμέρασ ἁπάσησ μίαν οὖσαν, ἑτέρωθι διηπόρηται. τῇ δ’ ὑποκειμένῃ γραφῇ τὸ μνημονεῦσαι παραδειγμάτων ὀλίγων ἴσωσ ἂν ἁρμόσειε.

τοῦτο μὲν τοίνυν Βοιωτοῖσ Ἱπποδρομίου μηνόσ, ὡσ δ’ Ἀθηναῖοι καλοῦσιν Ἑκατομβαιῶνοσ, ἱσταμένου πέμπτῃ δύο λαβεῖν συνέβη νίκασ ἐπιφανεστάτασ, αἷσ τοὺσ Ἕλληνασ ἠλευθέρωσαν, τήν τε περὶ Λεῦκτρα καὶ τήν ἐπὶ Κερησσῷ ταύτησ πρότερον ἔτεσι πλείοσιν ἢ διακοσίοισ, ὅτε Λατταμύαν καὶ Θεσσαλοὺσ ἐνίκησαν. τοῦτο δ’ αὖ πάλιν Πέρσαι μηνὸσ Βοηδρομιῶνοσ ἕκτῃ μὲν ἐν Μαραθῶνι, τρίτῃ δ’ ἐν Πλαταιαῖσ ἅμα καὶ περὶ Μυκάλην ἡττήθησαν ὑπὸ τῶν Ἑλλήνων, πέμπτῃ δὲ φθίνοντοσ ἐν Ἀρβήλοισ.

οἱ δ’ Ἀθηναῖοι καὶ τήν περὶ Νάξον ἐνίκων ναυμαχίαν, ἧσ Χαβρίασ ἐστρατήγει, τοῦ Βοηδρομιῶνοσ περὶ τήν πανσέληνον, ἐν δὲ Σαλαμῖνι περὶ τὰσ εἰκάδασ, ὡσ ἡμῖν ἐν τῷ Περὶ ἡμερῶν ἀποδέδεικται. ἐνήνοχε δὲ καὶ ὁ Θαργηλιὼν μὴν τοῖσ βαρβάροισ ἐπιδήλωσ ἀτυχίασ·

καὶ γὰρ Ἀλέξανδροσ ἐπὶ Γρανικῷ τοὺσ βασιλέωσ στρατηγοὺσ Θαργηλιῶνοσ ἐνίκησε, καὶ Καρχηδόνιοι περὶ Σικελίαν ὑπὸ Τιμολέοντοσ ἡττῶντο τῇ ἑβδόμῃ φθίνοντοσ, περὶ ἣν δοκεῖ καὶ τὸ Ἴλιον ἁλῶναι, Θαργηλιῶνοσ, ὡσ Ἔφοροσ καὶ Καλλισθένησ καὶ Δαμάστησ καὶ Φύλαρχοσ ἱστορήκασιν. ἀνάπαλιν δ’ ὁ Μεταγειτνιών, ὃν Βοιωτοὶ Πάνεμον καλοῦσιν, τοῖσ Ἕλλησιν οὐκ εὐμενὴσ γέγονε.

τούτου γὰρ τοῦ μηνὸσ ἑβδόμῃ καὶ τήν ἐν Κρανῶνι μάχην ἡττηθέντεσ ὑπ’ Ἀντιπάτρου τελέωσ ἀπώλοντο, καὶ πρότερον ἐν Χαιρωνείᾳ μαχόμενοι πρὸσ Φίλιππον ἠτύχησαν. τῆσ δ’ αὐτῆσ ἡμέρασ ταύτησ ἐν τῷ Μεταγειτνιῶνι κατὰ τὸν αὐτὸν ἐνιαυτὸν οἱ μετ’ Ἀρχιδάμου διαβάντεσ εἰσ Ἰταλίαν ὑπὸ τῶν ἐκεῖ βαρβάρων διεφθάρησαν. Καρχηδόνιοι δὲ τὴν ἐνάτην φθίνοντοσ ὡσ τὰ πλεῖστα καὶ μέγιστα τῶν ἀτυχημάτων αὐτοῖσ ἀεὶ φέρουσαν παραφυλάττουσιν.

οὐκ ἀγνοῶ δ’ ὅτι περὶ τὸν τῶν μυστηρίων καιρὸν αὖθισ Θῆβαί τε κατεσκάφησαν ὑπὸ Ἀλεξάνδρου, καὶ μετὰ ταῦτα φρουρὰν Ἀθηναῖοι Μακεδόνων ἐδέξαντο περὶ αὐτὴν τήν εἰκάδα τοῦ Βοηδρομιῶνοσ, ᾗ τὸν μυστικὸν Ιἄκχον ἐξάγουσιν. ὁμοίωσ δὲ Ῥωμαῖοι τῆσ αὐτῆσ ἡμέρασ πρότερον μὲν ὑπὸ Κίμβρων τὸ μετὰ Καιπίωνοσ ἀπέβαλον στρατόπεδον, ὕστερον δὲ Λουκούλλου στρατηγοῦντοσ Ἀρμενίουσ καὶ Τιγράνην ἐνίκησαν.

Ἄτταλοσ δ’ ὁ βασιλεὺσ καὶ Πομπήιοσ Μᾶγνοσ ἐν τοῖσ ἑαυτῶν γενεθλίοισ ἀπέθανον. καὶ ὅλωσ ἐστὶ πολλοὺσ ἐπ’ ἀμφότερα ταῖσ αὐταῖσ χρησαμένουσ ἀποδεῖξαι περιόδοισ. ἀλλὰ Ῥωμαίοισ αὕτη μία τῶν μάλιστα ἀποφράδων ἐστί, καὶ δι’ αὐτὴν ἑκάστου μηνὸσ ἕτεραι δύο, τῆσ πρὸσ τὸ συμβὰν εὐλαβείασ καὶ δεισιδαιμονίασ ἐπὶ πλεῖον, ὥσπερ εἰώθε, ῥυείσησ.

ταῦτα μὲν οὖν ἐν τῷ Περὶ αἰτίων Ῥωμαϊκῶν ἐπιμελέστερον διῄρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 19

(플루타르코스, Camillus, chapter 19)

상위

목록

SEARCH

MENU NAVIGATION