헬라어 문장 검색 - Πλυταρ́Ξαμιλλύ10́

(플루타르코스, Camillus, chapter 10)

οὕτωσ δὲ τῆσ πολιορκίασ κατεφρόνουν οἱ Φαλέριοι τῷ πανταχόθεν ἐξωχυρῶσθαι πιστεύοντεσ, ὥστε πλὴν τῶν τὰ τείχη φυλαττόντων τοὺσ ἄλλουσ ἐν ἱματίοισ κατὰ τὴν πόλιν ἀναστρέφεσθαι, τοὺσ δὲ παῖδασ αὐτῶν εἴσ τε τὰ διδασκαλεῖα φοιτᾶν καὶ παρὰ τὰ τείχη περιπατήσοντασ καὶ γυμνασομένουσ ὑπὸ τοῦ διδασκάλου καταβιβάζεσθαι. κοινῷ γὰρ ἐχρῶντο τῷ διδασκάλῳ, ὥσπερ Ἕλληνεσ, οἱ Φαλέριοι, βουλόμενοι συντρέφεσθαι καὶ συναγελάζεσθαι μετ’ ἀλλήλων εὐθὺσ ἐξ ἀρχῆσ τοὺσ παῖδασ. οὗτοσ οὖν ὁ διδάσκαλοσ ἐπιβουλεύων τοῖσ Φαλερίοισ διὰ τῶν παίδων ἐξῆγεν αὐτοὺσ ἡμέρασ ἑκάστησ ὑπὸ τὸ τεῖχοσ ἐγγὺσ τὸ πρῶτον, εἶτ’ ἀπῆγεν αὖθισ εἴσω γυμνασαμένουσ, ἐκ δὲ τούτου κατὰ μικρὸν ὑπάγων εἴθισε θαρρεῖν ὡσ πολλῆσ οὔσησ ἀδείασ, καὶ τέλοσ ἔχων ἅπαντασ εἰσ τοὺσ προφύλακασ τῶν Ῥωμαίων ἐνέβαλε καὶ παρέδωκεν, ἄγειν κελεύσασ πρὸσ τὸν Κάμιλλον.

ἀχθεὶσ δὲ καὶ καταστὰσ εἰσ μέσον ἔλεγε παιδευτὴσ μέν εἶναι καὶ διδάσκαλοσ, τὴν δὲ πρὸσ ἐκεῖνον χάριν ἀντὶ τούτων ἑλόμενοσ τῶν δικαίων, ἥκειν αὐτῷ τὴν πόλιν ἐν τοῖσ παισὶ κομίζων, δεινὸν οὖν ἀκούσαντι τὸ ἔργον ἐφάνη Καμίλλῳ·

εἰσὶ δὲ καὶ πολέμων ὅμωσ τινὲσ νόμοι τοῖσ ἀγαθοῖσ ἀνδράσι, καὶ τὸ νικᾶν οὐχ οὕτω διωκτέον, ὥστε μὴ φεύγειν τὰσ ἐκ κακῶν καὶ ἀσεβῶν ἔργων χάριτασ ἀρετῇ γὰρ οἰκείᾳ τὸν μέγαν στρατηγόν, οὐκ ἀλλοτρίᾳ θαρροῦντα κακίᾳ χρῆναι στρατεύειν, προσέταξε τοῖσ ὑπηρέταισ τοῦ μέν ἀνθρώπου καταρρηγνύναι τὰ ἱμάτια καὶ τὰσ χεῖρασ ὀπίσω περιάγειν, τοῖσ δὲ παισὶ διαδοῦναι ῥάβδουσ καὶ μάστιγασ, ὅπωσ κολάζοντεσ τὸν προδότην ἐλαύνωσιν εἰσ τὴν πόλιν.

ἄρτι δὲ τῶν Φαλερίων ᾐσθημένων τὴν τοῦ διδασκάλου προδοσίαν καὶ τὴν μέν πόλιν, οἱο͂ν εἰκὸσ, ἐπὶ συμφορᾷ τηλικαύτῃ θρήνου κατέχοντοσ, ἀνδρῶν δ’ ὁμοῦ καὶ γυναικῶν ἐπὶ τὰ τείχη καὶ τὰσ πύλασ σὺν οὐδενὶ λογισμῷ φερομένων, προσῆγον οἱ παῖδεσ τὸν διδάσκαλον γυμνὸν καὶ δεδεμένον προπηλακίζοντεσ, τὸν δὲ Κάμιλλον σωτῆρα καὶ πατέρα καὶ θεὸν ἀνακαλοῦντεσ, ὥστε μὴ μόνον τοῖσ γονεῦσι τῶν παίδων, ἀλλὰ καὶ τοῖσ ἄλλοισ πολίταισ ταῦθ’ ὁρῶσι θαῦμα τε καὶ πόθον ἐμπεσεῖν τῆσ τοῦ Καμίλλου δικαιοσύνησ.

καὶ συνδραμόντεσ εἰσ ἐκκλησίαν πρέσβεισ ἔπεμψαν ἐκείνῳ τὰ καθ’ ἑαυτοὺσ ἐπιτρέποντεσ, οὓσ ὁ Κάμιλλοσ ἀπέστειλεν εἰσ Ῥώμην.

ἐν δὲ τῇ βουλῇ καταστάντεσ εἶπον, ὅτι, Ῥωμαῖοι τῆσ νίκησ τὴν δικαιοσύνην προτιμήσαντεσ ἐδίδαξαν αὐτοὺσ τὴν ἧτταν ἀγαπῆσαι πρὸ τῆσ ἐλευθερίασ, οὐ τοσοῦτον τῇ δυνάμει λείπεσθαι δοκοῦντασ, ὅσον ἡττᾶσθαι τῆσ ἀρετῆσ ὁμολογοῦντασ.

ἀποδούσησ δὲ τῆσ βουλῆσ πάλιν ἐκείνῳ τὸ κρῖναι καὶ διαιτῆσαι ταῦτα, χρήματα λαβὼν παρὰ τῶν Φαλερίων καὶ φιλίαν πρὸσ ἅπαντασ Φαλίσκουσ θέμενοσ ἀνεχώρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 10

(플루타르코스, Camillus, chapter 10)

상위

목록

SEARCH

MENU NAVIGATION