헬라어 텍스트

Plutarch, Camillus, chapter 9

(플루타르코스, Camillus, chapter 9)

τῶν δὲ δημάρχων αὖθισ ἐπεγειρόντων τὸν περὶ τοῦ διοικισμοῦ νόμον, ὁ πρὸσ Φαλίσκουσ πόλεμοσ ἐν καιρῷ παραφανεὶσ ἔδωκε τοῖσ πρώτοισ ἀνδράσιν ἀρχαιρεσιάσαι κατὰ γνώμην καὶ Κάμιλλον ἀποδείξαι μεθ’ ἑτέρων πέντε χιλίαρχον, ὡσ τῶν πραγμάτων ἡγεμόνοσ δεομένων ἀξίωμα καὶ δόξαν μετ’ ἐμπειρίασ ἔχοντοσ, ψηφισαμένου δὲ τοῦ δήμου λαβὼν δύναμιν ὁ Κάμιλλοσ εἰσ τὴν Φαλίσκων ἐνέβαλε· καὶ πόλιν ἐρυμνὴν κατεσκευασμένην πᾶσιν εἰσ πόλεμον καλῶσ Φαλερίουσ ἐπολιόρκει, τὸ μὲν ἑλεῖν οὐ μικρὸν ἔργον οὐδὲ χρόνου τοῦ τυχόντοσ ἡγούμενοσ, ἄλλωσ δὲ τρίβειν τοὺσ πολίτασ καὶ περισπᾶν βουλόμενοσ, ὡσ μὴ σχολάζοιεν οἴκοι καθήμενοι δημαγωγεῖσθαι καὶ στασιάζειν.

ἐπιεικῶσ γὰρ ἀεὶ φαρμάκῳ τούτῳ χρώμενοι διετέλουν, ὥσπερ ἰατροὶ, τὰ ταρακτικὰ πάθη τῆσ πολιτείασ ἔξω τρέποντεσ.