헬라어 문장 검색 - Πλυταρ́Αρταχερ́30́

(플루타르코스, Artaxerxes, chapter 30)

ἡ μὲν οὖν ἐπιβουλὴ τοιοῦτον ἔσχε τέλοσ, ὁ δὲ Ὦχοσ ἤδη μὲν ἦν ταῖσ ἐλπίσι λαμπρόσ ὑπὸ τῆσ Ἀτόσσησ ἐπαιρόμενοσ, ἔτι δὲ ἐφοβεῖτο τῶν μὲν γνησίων τὸν ὑπόλοιπον Ἀριάσπην, τῶν δὲ νόθων Ἀρσάμην. ὁ μὲν γὰρ Ἀριάσπησ οὐ διὰ τὸ πρεσβύτεροσ εἶναι τοῦ Ὤχου, πρᾶοσ δὲ καὶ ἁπλοῦσ καὶ φιλάνθρωποσ, ἠξιοῦτο βασιλεύειν ὑπὸ τῶν Περσῶν ὁ δὲ Ἀρσάμησ καὶ νοῦν ἔχειν ἐδόκει καὶ μάλιστα τῷ πατρὶ προσφιλὴσ ὢν οὐκ ἐλάνθανε τὸν Ὦχον. ἐπιβουλεύων οὖν ἀμφοτέροισ καὶ δολερὸσ ὢν ὁμοῦ καὶ φονικόσ ἐχρήσατο τῇ μὲν ὠμότητι τῆσ φύσεωσ πρὸσ τὸν Ἀρσάμην, τῇ δὲ κακουργίᾳ καὶ δεινότητι πρὸσ τὸν Ἀριάσπην.

ὑπέπεμψε γὰρ πρὸσ αὐτὸν εὐνούχουσ καὶ φίλουσ βασιλέωσ ἀπειλάσ τινασ ἀεὶ καὶ λόγουσ φοβεροὺσ ἀπαγγέλλοντασ, ὡσ τοῦ πατρὸσ ἐγνωκότοσ ἀποκτιννύειν αὐτὸν ὠμῶσ καὶ ἐφυβρίστωσ. οἱ δὲ ταῦτα καθ’ ἡμέραν ἐκφέρειν δοκοῦντεσ ὡσ ἀπόρρητα, καὶ τὰ μὲν μέλλειν, τὰ δὲ ὅσον οὔπω πράσσειν βασιλέα λέγοντεσ, οὕτωσ ἐξέπληξαν τὸν ἄνθρωπον καὶ τοσαύτην ἐνέβαλον πτοίαν αὐτῷ καὶ ταραχὴν καὶ δυσθυμίαν εἰσ τοὺσ λογισμούσ, ὥστε φάρμακον σκευάσαντα τῶν θανασίμων καὶ πιόντα τοῦ ζῆν ἀπαλλαγῆναι.

πυθόμενοσ δὲ ὁ βασιλεὺσ τὸν τρόπον τῆσ τελευτῆσ, ἐκεῖνον μὲν ἀπέκλαυσε, τὴν δ’ αἰτίαν ὑπώπτευεν.

ἐλέγχειν δὲ καὶ ζητεῖν ἐξαδυνατῶν διὰ γῆρασ ἔτι μᾶλλον ἠσπάζετο τὸν Ἀρσάμην, καὶ δῆλοσ ἦν μάλιστα πιστεύων ἐκείνῳ καὶ παρρησιαζόμενοσ. ὅθεν οἱ περὶ τὸν Ὦχον οὐκ ἀνεβάλοντο τὴν πρᾶξιν, ἀλλ’ Ἀρπάτην υἱὸν Τηριβάζου παρασκευάσαντεσ ἀπέκτειναν δι’ ἐκείνου τὸν ἄνθρωπον. ἦν μὲν οὖν ἐπὶ ῥοπῆσ μικρᾶσ ὁ Ἀρτοξέρξησ διὰ τὸ γῆρασ ἤδη τότε·

προσπεσόντοσ δὲ αὐτῷ τοῦ περὶ τὸν Ἀρσάμην πάθουσ οὐδὲ ὀλίγον ἀντέσχεν, ἀλλ’ εὐθὺσ ὑπὸ λύπησ καὶ δυσθυμίασ ἀπεσβέσθη, βιώσασ μὲν ἐνενήκοντα καὶ τέσσαρα ἔτη, βασιλεύσασ δὲ δύο καὶ ἑξήκοντα, δόξασ δὲ πρᾶοσ εἶναι καὶ φιλυπήκοοσ οὐχ ἥκιστα διὰ τὸν υἱὸν Ὦχον ὠμότητι καὶ μιαιφονίᾳ πάντασ ὑπερβαλόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 30

(플루타르코스, Artaxerxes, chapter 30)

상위

목록

SEARCH

MENU NAVIGATION