헬라어 문장 검색 - Πλυταρ́Αρταχερ́11́

(플루타르코스, Artaxerxes, chapter 11)

ἡ δὲ Κτησίου διήγησισ, ὡσ ἐπιτεμόντι πολλὰ συντόμωσ ἀπαγγεῖλαι, τοιαύτη τίσ ἐστι. Κῦροσ ἀποκτείνασ Ἀρταγέρσην ἤλαυνεν εἰσ αὐτὸν βασιλέα τὸν ἵππον, καὶ αὐτὸσ εἰσ ἐκεῖνον, ἀμφότεροι σιωπῇ· φθάνει δὲ βαλὼν Ἀριαῖοσ ὁ Κύρου φίλοσ βασιλέα, καὶ οὐκ ἔτρωσε· βασιλεὺσ δὲ ἀφεὶσ τὸ δόρυ Κύρου μὲν οὐκ ἔτυχε, Σατιφέρνην δέ, πιστὸν ἄνδρα Κύρῳ καὶ γενναῖον, ἔβαλε καὶ ἀπέκτεινε. Κῦροσ δ’ ἐπ’ αὐτὸν ἐξακοντίσασ διὰ τοῦ θώρακοσ ἔτρωσε τὸ στῆθοσ, ὅσον ἐνδῦναι δύο δακτύλουσ τὸ ἀκόντιον, πεσεῖν δὲ αὐτὸν ὑπὸ τῆσ πληγῆσ ἀπὸ τοῦ ἵππου.

"Ἐξίστασθε, πενιχροί.

τοῦτο δὲ περσιστὶ πολλάκισ αὑτοῦ βοῶντοσ, οἱ μὲν ἐξίσταντο προσκυνοῦντεσ, ἀποπίπτει δὲ τῆσ κεφαλῆσ ἡ τιάρα τοῦ Κύρου. καὶ παρατρέχων νεανίασ Πέρσησ ὄνομα Μιθριδάτησ ἀκοντίῳ βάλλει τὸν κρόταφον αὑτοῦ παρὰ τὸν ὀφθαλμόν, ἀγνοῶν ὅστισ εἰή. πολὺ δὲ αἷμα τοῦ τραύματοσ ἐκβαλόντοσ ἰλιγγιάσασ καὶ καρωθεὶσ ὁ Κῦροσ ἔπεσε, καὶ ὁ μὲν ἵπποσ ὑπεκφυγὼν ἐπλάζετο, τὸν δ’ ἐφίππειον πῖλον ἀπορρυέντα λαμβάνει τοῦ τὸν Κῦρον βαλόντοσ ἀκόλουθοσ αἵματοσ περίπλεω, τὸν δὲ Κῦρον ἐκ τῆσ πληγῆσ ἀναφέροντα χαλεπῶσ καὶ μόλισ εὐνοῦχοί τινεσ ὀλίγοι παρόντεσ ἐπεχείρουν ἐπ’ ἄλλον ἵππον ἀναθέσθαι καὶ σῴζειν.

ἀδυνάτωσ δ’ ἔχοντα καὶ δι’ αὑτοῦ προθυμούμενον βαδίζειν ὑπολαβόντεσ ἦγον, τῷ μὲν σώματι καρηβαροῦντα καὶ σφαλλόμενον, οἰόμενον δὲ νικᾶν ἀκούοντα τῶν φευγόντων ἀνακαλουμένων Κῦρον βασιλέα καὶ φείδεσθαι δεομένων.

ἐν δὲ τούτῳ Καύνιοί τινεσ ἄνθρωποι κακόβιοι καὶ ἄποροι καὶ ταπεινῶν ὑπουργημάτων ἕνεκα τῇ τοῦ βασιλέωσ στρατιᾷ παρακολουθοῦντεσ ἔτυχον συναναμιχθέντεσ ὡσ φίλοισ τοῖσ περὶ τὸν Κῦρον ὡσ δὲ μόλισ· συνεῖδον τὰ ἐπιθωρακίδια φοινικᾶ, λευκοῖσ χρωμένων τῶν βασιλικῶν ἁπάντων, ἔγνωσαν πολεμίουσ ὄντασ, εἷσ οὖν ἐκείνων ἐτόλμησεν ἀγνοῶν ἐξόπισθεν βαλεῖν τὸν Κῦρον ἀκοντίῳ.

τῆσ δὲ περὶ τὴν ἰγνύαν φλεβὸσ ἀναρραγείσησ πεσὼν ὁ Κῦροσ ἅμα παίει πρόσ τινι λίθῳ τὸν τετρωμένον κρόταφον καὶ ἀποθνῄσκει, τοιοῦτοσ μὲν ὁ Κτησίου λόγοσ, ᾧ καθάπερ ἀμβλεῖ ξιφιδίῳ μόλισ ἀναιρῶν τὸν ἄνθρωπον ἀνῄρηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 11

(플루타르코스, Artaxerxes, chapter 11)

상위

목록

SEARCH

MENU NAVIGATION