헬라어 문장 검색 - Πλυταρ́Αριστιδ́14́

(플루타르코스, Ἀριστείδης, chapter 14)

μετὰ ταῦτα Μαρδόνιοσ, ᾧ πλεῖστον ἐδόκει διαφέρειν, τῶν Ἑλλήνων ἀπεπειρᾶτο, τὴν ἵππον ἀθρόαν αὐτοῖσ ἐφεὶσ καθεζομένοισ ὑπὸ τὸν πρόποδα τοῦ Κιθαιρῶνοσ ἐν χωρίοισ ὀχυροῖσ καὶ πετρώδεσι πλὴν Μεγαρέων. οὗτοι δὲ τρισχίλιοι τὸ πλῆθοσ ὄντεσ ἐν τοῖσ ἐπιπέδοισ μᾶλλον ἐστρατοπεδεύοντο. διὸ καὶ κακῶσ ἔπασχον ὑπὸ τῆσ ἵππου ῥυείσησ ἐπ’ αὐτοὺσ καὶ προσβολὰσ ἐχούσησ πανταχόθεν. ἔπεμπον οὖν ἄγγελον κατὰ τάχοσ πρὸσ Παυσανίαν βοηθεῖν κελεύοντεσ, ὡσ οὐ δυνάμενοι καθ’ αὑτοὺσ ὑποστῆναι τὸ τῶν βαρβάρων πλῆθοσ.

ταῦτα Παυσανίασ ἀκούων, ἤδη δὲ καὶ καθορῶν ἀποκεκρυμμένον ἀκοντισμάτων καὶ τοξευμάτων πλήθει τὸ στρατόπεδον τῶν Μεγαρέων καὶ συνεσταλμένουσ αὐτοὺσ εἰσ ὀλίγον, αὐτὸσ μὲν ἀμήχανοσ ἦν πρὸσ ἱππότασ ἀμύνειν ὁπλιτικῇ φάλαγγι καὶ βαρείᾳ τῇ Σπαρτιατῶν, τοῖσ δ’ ἄλλοισ στρατηγοῖσ καὶ λοχαγοῖσ τῶν Ἑλλήνων περὶ αὐτὸν οὖσι προὔθετο ζῆλον ἀρετῆσ καὶ φιλοτιμίασ, εἰ δή τινεσ ἑκόντεσ ἀναδέξαιντο προαγωνίσασθαι καὶ βοηθῆσαι τοῖσ Μεγαρεῦσι. τῶν δ’ ἄλλων ὀκνούντων Ἀριστείδησ ἀναδεξάμενοσ ὑπὲρ τῶν Ἀθηναίων τὸ ἔργον ἀποστέλλει τὸν προθυμότατον τῶν λοχαγῶν Ὀλυμπιόδωρον, ἔχοντα τοὺσ ὑπ’ αὐτῷ τεταγμένουσ λογάδασ τριακοσίουσ καὶ τοξότασ ἀναμεμιγμένουσ σὺν αὐτοῖσ.

τούτων δὲ ὀξέωσ διασκευασαμένων καὶ προσφερομένων δρόμῳ, Μασίστιοσ ὁ τῶν βαρβάρων ἵππαρχοσ, ἀνὴρ ἀλκῇ τε θαυμαστὸσ μεγέθει τε καὶ κάλλει σώματοσ περιττόσ, ὡσ κατεῖδεν, ἐναντίον ἐπιστρέψασ τὸν ἵππον εἰσ αὐτοὺσ ἤλαυνε.

τῶν δ’ ἀνασχομένων καὶ συμβαλόντων ἦν ἀγὼν καρτερόσ, ὡσ πεῖραν ἐν τούτῳ τοῦ παντὸσ λαμβανόντων. ἐπεὶ δὲ τοξευθεὶσ ὁ ἵπποσ τὸν Μασίστιον ἀπέρριψε καὶ πεσὼν ὑπὸ βάρουσ τῶν ὅπλων αὐτόσ τε δυσκίνητοσ ἦν ἀναφέρειν καὶ τοῖσ Ἀθηναίοισ ἐπικειμένοισ καὶ παίουσι δυσμεταχείριστοσ, οὐ μόνον στέρνα καὶ κεφαλήν, ἀλλὰ καὶ τὰ γυῖα χρυσῷ καὶ χαλκῷ καὶ σιδήρῳ καταπεφραγμένοσ, τοῦτον μὲν ᾗ τὸ κράνοσ ὑπέφαινε τὸν ὀφθαλμὸν ἀκοντίου στύρακι παίων τισ ἀνεῖλεν, οἱ δ’ ἄλλοι Πέρσαι προέμενοι τὸν νεκρὸν ἔφευγον.

ἐγνώσθη δὲ τοῦ κατορθώματοσ τὸ μέγεθοσ τοῖσ Ἕλλησιν οὐκ ἀπὸ τῶν νεκρῶν τοῦ πλήθουσ, ὀλίγοι γὰρ οἱ πεσόντεσ ἦσαν, ἀλλὰ τῷ πένθει τῶν βαρβάρων.

καὶ γὰρ ἑαυτοὺσ ἔκειραν ἐπὶ τῷ Μασιστίῳ καὶ ἵππουσ καὶ ἡμιόνουσ, οἰμωγῆσ τε καὶ κλαυθμοῦ τὸ πεδίον ἐνεπίμπλασαν, ὡσ ἄνδρα πολὺ πρῶτον ἀρετῇ καὶ δυνάμει μετά γε Μαρδόνιον αὐτὸν ἀποβαλόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 14

(플루타르코스, Ἀριστείδης, chapter 14)

상위

목록

SEARCH

MENU NAVIGATION