헬라어 문장 검색 - Διοδορ́Λιβραρψ́8́27́

(디오도로스 시켈로스, Library, book xv, chapter 42)

ὁ δὲ τῶν Αἰγυπτίων βασιλεὺσ Νεκτάνεβισ ἐπυνθάνετο μὲν τὸ μέγεθοσ τῶν Περσικῶν δυνάμεων, ἐθάρρει δὲ μάλιστα μὲν τῇ τῆσ χώρασ ὀχυρότητι, δυσπροσίτου παντελῶσ οὔσησ τῆσ Αἰγύπτου, ἔπειτα καὶ τῷ πεφράχθαι καλῶσ πάσασ εἰσβολὰσ τάσ τε ἀπὸ γῆσ καὶ τὰσ ἀπὸ θαλάττησ. ἑπτὰ στόμασι γὰρ τοῦ Νείλου τὰσ εἰσ τὸ Αἰγύπτιον πέλαγοσ ἐκβολὰσ ποιουμένου, καθ’ ἕκαστον τῶν στομάτων πόλισ κατεσκεύαστο πύργουσ μεγάλουσ ἔχουσα καθ’ ἑκάτερον τοῦ ῥείθρου καὶ ξυλίνην γέφυραν τοῦ εἴσπλου κυριεύουσαν.

μάλιστα δὲ τὸ Πηλουσιακὸν στόμα κατεσκεύασε διὰ τὸ κεῖσθαι μὲν αὐτὸ πρῶτον πρὸσ τοὺσ ἀπὸ Συρίασ πορευομένουσ καὶ δοκεῖν διὰ τούτου μάλιστ’ ἂν ποιεῖσθαι τὴν ἔφοδον τοὺσ πολεμίουσ. τοῦτο γὰρ ἀπετάφρευσε, καὶ διετείχισε τοὺσ εἴσπλουσ κατὰ τοὺσ εὐκαιροτάτουσ τόπουσ, καὶ τῶν προσόδων τὰσ μὲν κατὰ γῆν πορευτὰσ ἐποίησε λιμνάζειν, τὰσ δὲ πλωτὰσ χώμασιν ἐνέφραττεν.

διόπερ οὐκ ἦν ῥᾳδίωσ οὔτε ταῖσ ναυσὶν εἰσπλέειν οὔτε τοῖσ ἱππεῦσι προσπελάσαι οὔτε τοῖσ πεζοῖσ προσελθεῖν. οἱ δὲ περὶ τὸν Φαρνάβαζον στρατηγοί, καταλαβόντεσ τὸ Πηλουσιακὸν στόμα θαυμαστῶσ ὠχυρωμένον καὶ στρατιωτῶν πλήθει φυλαττόμενον, τὸ μὲν διὰ τούτου βιάζεσθαι παντελῶσ ἀπεδοκίμασαν, δι’ ἑτέρου δὲ στόματοσ ἔγνωσαν ποιεῖσθαι τὸν εἴσπλουν.

διὸ πλεύσαντεσ πελάγιοι πρὸσ τὸ μὴ καθορᾶσθαι τὰσ ναῦσ ὑπὸ τῶν πολεμίων, κατέπλευσαν πρὸσ τὸ στόμα τὸ καλούμενον Μενδήσιον, ἔχον ἠιόνα παρήκουσαν ἐφ’ ἱκανὸν τόπον. εἰσ ταύτην ἀποβάντεσ μετὰ στρατιωτῶν τρισχιλίων ὅ τε Φαρνάβαζοσ καὶ ὁ Ἰφικράτησ προῆγον ἐπὶ τὸ τετειχισμένον ἐπὶ τοῦ στόματοσ πολισμάτιον. ἐκβοηθησάντων δὲ τῶν Αἰγυπτίων ἱππεῦσί τε καὶ πεζοῖσ τρισχιλίοισ, γενομένησ τε μάχησ ἰσχυρᾶσ καὶ τοῖσ Πέρσαισ πολλῶν ἐκ τῶν νεῶν προσγεγενημένων, κυκλωθέντεσ οἱ Αἰγύπτιοι, πολλοὶ μὲν ἀπέθανον, οὐκ ὀλίγοι δ’ ἐζωγρήθησαν·

οἱ δὲ περιλειφθέντεσ εἰσ τὴν πόλιν συνεδιώχθησαν. οἱ δὲ περὶ τὸν Ἰφικράτην συνεισπεσόντεσ τοῖσ φρουροῦσιν ἐντὸσ τῶν τειχῶν, καὶ κρατήσαντεσ τοῦ φρουρίου, τοῦτο μὲν κατέσκαψαν, τοὺσ δ’ ἐνοικοῦντασ ἐξηνδραποδίσαντο. μετὰ δὲ ταῦτα τοῖσ στρατηγοῖσ ἐνέπεσε στάσισ, δι’ ἣν τῆσ ἐπιβολῆσ ἐσφάλησαν.

ὁ μὲν γὰρ Ἰφικράτησ παρὰ τῶν αἰχμαλώτων πυθόμενοσ ἔρημον εἶναι τὴν Μέμφιν, ἐπικαιροτάτην οὖσαν πόλιν τῶν κατ’ Αἴγυπτον, συνεβούλευεν ἐξαυτῆσ ἀναπλεῖν ἐπὶ τὴν Μέμφιν πρὸ τοῦ παραγενέσθαι τὰσ τῶν Αἰγυπτίων δυνάμεισ· οἱ δὲ περὶ τὸν Φαρνάβαζον ᾦντο δεῖν ἀναμένειν τὴν ὅλην δύναμιν τῶν Περσῶν· ἀσφαλεστέραν γὰρ ἔσεσθαι τὴν στρατείαν ἐπὶ τὴν Μέμφιν. τοῦ δ’ Ἰφικράτουσ ἀξιοῦντοσ αὑτῷ δοθῆναι τοὺσ παρόντασ μισθοφόρουσ, καὶ μετ’ ἐκείνων ἐπαγγελλομένου κρατήσειν τῆσ πόλεωσ, τό τε θράσοσ αὐτοῦ καὶ τὴν ἀρετὴν ὑπώπτευσε, μὴ κατ’ ἰδίαν κατάσχῃ τὴν Αἴγυπτον.

διόπερ οὐ συγχωροῦντοσ τοῦ Φαρναβάζου, ὁ Ἰφικράτησ διεμαρτύρατο, λέγων ὡσ ἐὰν παρῶσι τὴν ὀξύτητα τῶν καιρῶν, ἄπρακτον ποιήσουσι τὴν ὅλην στρατιάν. στρατηγοὶ μὲν οὖν τινεσ ἐφθόνουν αὐτῷ καὶ διαβολὰσ ἀδίκουσ προσῆπτον. οἱ δ’ Αἰγύπτιοι πολλὴν ἀναστροφὴν λαβόντεσ, εἰσ μὲν τὴν Μέμφιν ἐξέπεμψαν τὴν ἱκανὴν φυλακήν, ἐπὶ δὲ τὸ πεπορθημένον πολισμάτιον πάσαισ ταῖσ δυνάμεσι παραγενόμενοι, καὶ πολλὰ πλεονεκτοῦντεσ διὰ τὴν τῶν τόπων ὀχυρότητα, συμπλοκὰσ ἐποιοῦντο τοῖσ πολεμίοισ συνεχεῖσ.

αἰεὶ δὲ μᾶλλον ἐπισχύοντεσ πολλοὺσ ἀνῄρουν τῶν Περσῶν καὶ κατεθάρρουν τῶν πολεμίων. χρονιζούσησ δὲ τῆσ περὶ τὸ πολισμάτιον τοῦτο στρατείασ, καὶ τῶν ἐτησίων ἤδη γενομένων, ὁ Νεῖλοσ πληρούμενοσ καὶ πάντα τόπον ἐπέχων τῷ πλήθει τοῦ ῥεύματοσ αἰεὶ μᾶλλον ὠχύρου τὴν Αἴγυπτον.

οἱ δὲ τῶν Περσῶν ἡγεμόνεσ, ἀντιπραττούσησ αὐτοῖσ αἰεὶ τῆσ περιστάσεωσ, ἔγνωσαν ἐκ τῆσ Αἰγύπτου τὴν ἀπαλλαγὴν ποιήσασθαι. διόπερ ἐπανιόντων αὐτῶν εἰσ τὴν Ἀσίαν, καὶ γενομένησ διαφορᾶσ τῷ Φαρναβάζῳ πρὸσ τὸν Ἰφικράτην, ὑποπτεύσασ ὁ Ἰφικράτησ μὴ συλληφθῇ καὶ τιμωρίασ τύχῃ, καθάπερ Κόνων ἔπαθεν ὁ Ἀθηναῖοσ, ἔκρινε λάθρᾳ φεύγειν ἐκ τοῦ στρατοπέδου·

διὸ καὶ παρασκευασάμενοσ πλοῖον ἔλαθε νυκτὸσ ἀπαλλαγεὶσ καὶ καταπλεύσασ εἰσ τὰσ Ἀθήνασ. ὁ δὲ Φαρνάβαζοσ πρέσβεισ ἐκπέμψασ κατηγόρησε τοῦ Ἰφικράτουσ ὡσ αἰτίου γεγονότοσ τοῦ μὴ ληφθῆναι τὴν Αἴγυπτον.

οἱ δὲ Ἀθηναῖοι τοῖσ μὲν Πέρσαισ ἀπόκρισιν ἔδωκαν, ὅτι ἐὰν εὑρ́ωσιν αὐτὸν ἠδικηκότα, κολάσουσι κατὰ τὴν ἀξίαν, αὐτοὶ δὲ μετ’ ὀλίγον χρόνον στρατηγὸν κατέστησαν τὸν Ἰφικράτην ἐπὶ τὸ ναυτικόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 42

(디오도로스 시켈로스, Library, book xv, chapter 42)

상위

목록

SEARCH

MENU NAVIGATION