헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 79)

χειρόμακτρον δὲ καλεῖται ᾧ τὰσ χεῖρασ ἀπεμάττοντο ὠμολίνῳ· ὅπερ ἐν τοῖσ προκειμένοισ Φιλόξενοσ ὁ Κυθήριοσ ὠνόμασεν ἔκτριμμα. Ἀριστοφάνησ Ταγηνισταῖσ· φέρε, παῖ, ταχέωσ κατὰ χειρὸσ ὕδωρ, παράπεμπε τὸ χειρόμακτρον. σημειωτέον δὲ ὅτι καὶ μετὰ τὸ δειπνῆσαι κατὰ χειρὸσ ἔλεγον, οὐχ ὡσ Ἀριστοφάνησ ὁ γραμματικὸσ φησιν ὅτι πρὶν φαγεῖν οἱ Ἀττικοὶ κατὰ χειρὸσ ἔλεγον, μετὰ δὲ τὸ δειπνῆσαι ἀπονίψασθαι. Σοφοκλῆσ Οἰνομάῳ·

σκυθιστὶ χειρόμακτρον ἐκκεκαρμένοσ καὶ Ἡρόδοτοσ ἐν δευτέρᾳ. "ὅταν δὲ τούτων τινὸσ θίγῃσ, εὐθὺσ ἀποκαθαίρει τὴν χεῖρα εἰσ τὰ χειρόμακτρα, ὡσ πάνυ ἀχθόμενοσ ὅτι κατάπλεά σοι ἀπ’ αὐτῶν ἐγένετο. Πολέμων δ’ ἐν ἕκτῳ τῶν πρὸσ Ἀντίγονον καὶ Ἀδαῖον περὶ τῆσ διαφορᾶσ λέγει τοῦ κατὰ χειρὸσ πρὸσ τὸ νίψασθαι. Δημόνικοσ δ’ ἐν τῷ Ἀχελῴῳ τὸ πρὸ τοῦ δείπνου κατὰ χειρόσ φησι διὰ τούτων ἐσπουδάκει δ’ ἕκαστοσ ὡσ ἂν ἑστιῶν ἅμα τ’ ὀξύπεινον ἄνδρα καὶ Βοιώτιον. τὸ γοῦν κατὰ χειρὸσ περιέγραψ’ εἴπασ ὅτι μετὰ δεῖπνον αὐτῷ τοῦτο γίνεται λαβεῖν. ὠμολίνου δὲ μέμνηται Κρατῖνοσ ἐν Ἀρχιλόχοισ· "ὠμολίνοισ κόμη βρύουσ1’ ἀτιμίασ πλέωσ. "γυναῖκεσ δ’ ἐπὶ τῆσ κεφαλῆσ ἔχουσι χειρόμακτρα.

Ἡρόδοτοσ δ’ ἐν τῇ β’ φησί· "μετὰ δὲ ταῦτα ἔλεγον τοῦτον τὸν βασιλέα ζωὸν καταβῆναι κάτω εἰσ ὃν οἱ Ἕλληνεσ Αἵδην νομίζουσι κἀκεῖθι συγκυβεύειν τῇ Δήμητρι, καὶ τὰ μὲν νικᾶν αὐτήν, τὰ δὲ ἑσσοῦσθαι ὑπ’ αὐτῆσ· "καί μιν πάλιν ἀναφικέσθαι δῶρον ἔχοντα παρ’ αὐτῆσ χειρόμακτρον χρύσεον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 79

(아테나이오스, The Deipnosophists, Book 9, book 9, chapter 79)

상위

목록

SEARCH

MENU NAVIGATION