Athenaeus, The Deipnosophists, Book 9, book 9, chapter 33

ἦσαν δὲ καὶ ἡμίκραιραι πολλαὶ δελφάκων, μνημονεύει δ’ αὐτῶν Κρώβυλοσ ἐν Ψευδυποβολιμαίῳ · εἰσῆλθεν ἡμίκραιρα τακερὰ δέλφακοσ. ταύτησ μὰ τὸν Δί’ οὐχὶ κατέλιπον δ’ ἐγὼ οὐδέν. μετὰ δὲ ταῦτα ὁ καλούμενοσ κρεωκάκκαβοσ. κρέα δ’ ἐστὶ ταῦτα συγκεκομμένα μεθ’ αἵματοσ καὶ λίπουσ ἐν ζωμῷ γεγλυκασμένῳ. ὁ Μυρτίλοσ ἔφη. "Ἀντικλείδησ δ’ ἐν η’ Νόστων ’ ἐν δείπνῳ, ’ φησίν, μελλόντων Χίων ὑπ’ Ἐρυθραίων ἐξ ἐπιβουλῆσ ἀναιρεῖσθαι μαθών τισ τὸ μέλλον γίνεσθαι ἔφη ὦ Χῖοι, πολλὴ γὰρ Ἐρυθραίουσ ἔχει ὕβρισ, φεύγετε δειπνήσαντεσ ὑὸσ κρέα μηδὲ μένειν βοῦν. ’ ἀναβράστων δὲ κρεῶν μνημονεύει Ἀριστομένησ Γόησιν οὕτωσ · "καὶ ὄρχεισ ἤσθιον, οὓσ καὶ νεφροὺσ ἐκάλουν Φιλιππίδησ ἐν τῇ Ἀνανεώσει Γναθαίνησ τῆσ ἑταίρασ τὸ γαστρίμαργον ἐμφανίζων λέγει· "ἔπειτ’ ἐπὶ τούτοισ πᾶσιν ἧκ’ ὄρχεισ φέρων πολλούσ, τὰ μὲν οὖν γύναια τἄλλ’ ἠκκίζετο, ὁ ἡ δ’ ἀνδροφόνοσ Γνάθαιν’ ἀναγελάσασ1’ ἅμα · "καλοί γε φησίν, ’ οἱ νεφροί, νὴ τὴν φίλην Δήμητρα. "’ καὶ δύ’ ἁρπάσασα κατέπιεν, ὥσθ’ ὑπτίουσ ὑπὸ τοῦ γέλωτοσ καταπεσεῖν.