헬라어 문장 검색 - Αρριαν́Αναβασί1́07́

(아리아노스, Anabasis, book 1, chapter 6)

ἑκατὸν καὶ εἴκοσι τὸ βάθοσ τῆσ φάλαγγοσ. ἐπὶ τὸ κέρασ δὲ ἑκατέρωθεν διακοσίουσ ἱππέασ ἐπιτάξασ παρήγγελλε σιγῇ ἔχειν τὸ παραγγελλόμενον ὀξέωσ δεχομένουσ. καὶ τὰ μὲν πρῶτα ἐσήμηνεν ὀρθὰ ἀνατεῖναι τὰ δόρατα τοὺσ ὁπλίτασ, ἔπειτα ἀπὸ ξυνθήματοσ ἀποτεῖναι ἐσ προβολήν, καὶ νῦν μὲν ἐσ τὸ δεξιὸν ἐγκλῖναι τῶν δοράτων τὴν σύγκλεισιν, αὖθισ δὲ ἐπὶ τὰ ἀριστερά.

καὶ αὐτὴν δὲ τὴν φάλαγγα ἔσ τε τὸ πρόσω ὀξέωσ ἐκίνησε καὶ ἐπὶ τὰ κέρατα ἄλλοτε ἄλλῃ παρήγαγε. καὶ οὕτω πολλὰσ τάξεισ τάξασ τε καὶ μετακοσμήσασ ἐν ὀλίγῳ χρόνῳ κατὰ τὸ εὐώνυμον οἱο͂ν ἔμβολον ποιήσασ τῆσ φάλαγγοσ ἐπῆγεν ἐπὶ τοὺσ πολεμίουσ.

οἱ δὲ πάλαι μὲν ἐθαύμαζον τήν τε ὀξύτητα ὁρῶντεσ καὶ τὸν κόσμον τῶν δρωμένων· τότε δὲ προσάγοντασ ἤδη τοὺσ ἀμφὶ Ἀλέξανδρον οὐκ ἐδέξαντο, ἀλλὰ λείπουσι τοὺσ πρώτουσ λόφουσ. ὁ δὲ καὶ ἐπαλαλάξαι ἐκέλευσε τοὺσ Μακεδόνασ καὶ τοῖσ δόρασι δουπῆσαι πρὸσ τὰσ ἀσπίδασ·

οἱ δὲ Ταυλάντιοι ἔτι μᾶλλον ἐκπλαγέντεσ πρὸσ τῆσ βοῆσ ὡσ πρὸσ τὴν πόλιν ἐπανήγαγον σπουδῇ τὸν στρατόν. Ἀλέξανδροσ δὲ λόφον τινὰσ κατέχοντασ ἰδὼν οὐ πολλοὺσ τῶν πολεμίων, παῤ ὃν αὐτῷ ἡ πάροδοσ ἐγίγνετο, παρήγγειλε τοῖσ σωματοφύλαξι καὶ τοῖσ ἀμφ̓ αὑτὸν ἑταίροισ, ἀναλαβόντασ τὰσ ἀσπίδασ ἀναβαίνειν ἐπὶ τοὺσ ἵππουσ καὶ ἐλαύνειν ἐπὶ τὸν γήλοφον·

ἐκεῖσε δὲ ἐλθόντασ, εἰ ὑπομένοιεν οἱ κατειληφότεσ τὸ χωρίον, τοὺσ ἡμίσεασ καταπηδῆσαι ἀπὸ τῶν ἵππων καὶ ἀναμιχθέντασ τοῖσ ἱππεῦσι πεζοὺσ μάχεσθαι. οἱ δὲ πολέμιοι τὴν ὁρμὴν τὴν Ἀλεξάνδρου ἰδόντεσ λείπουσι τὸν γήλοφον καὶ παρεκκλίνουσιν ἐφ̓ ἑκάτερα τῶν ὀρῶν.

ἔνθα δὴ καταλαβὼν Ἀλέξανδροσ τὸν γήλοφον σὺν τοῖσ ἑταίροισ τούσ τε Ἀγριᾶνασ μεταπέμπεται καὶ τοὺσ τοξότασ, ὄντασ ἐσ δισχιλίουσ· τοὺσ δὲ ὑπασπιστὰσ διαβαίνειν τὸν ποταμὸν ἐκέλευσε καὶ ἐπὶ τούτοισ τὰσ τάξεισ τῶν Μακεδόνων· ὁπότε δὲ διαβάντεσ τύχοιεν, ἐπ̓ ἀσπίδα ἐκτάσσεσθαι, ὡσ πυκνὴν εὐθὺσ διαβάντων φαίνεσθαι τὴν φάλαγγα· αὐτὸσ δὲ ἐν προφυλακῇ ὢν ἀπὸ τοῦ λόφου ἀφεώρα τῶν πολεμίων τὴν τὴν ὁρμήν. οἱ δέ, ὁρῶντεσ διαβαίνουσαν τὴν δύναμιν, κατὰ τὰ ὄρη ἀντεπῄεσαν, ὡσ τοῖσ μετὰ Ἀλεξάνδρου ἐπιθησόμενοι τελευταίοισ ἀποχωροῦσιν.

ὁ δὲ πελαζόντων ἤδη αὐτὸσ ἐκθεῖ σῦν τοῖσ ἀμφ̓ αὑτόν, καὶ ἡ φάλαγξ, ὡσ διὰ τοῦ ποταμοῦ ἐπιοῦσα, ἐπηλάλαξεν· οἱ δὲ πολέμιοι πάντων ἐπὶ σφᾶσ ἐλαυνόντων ἐγκλίναντεσ ἔφευγον· καὶ ἐν τούτῳ ἐπῆγεν Ἀλέξανδροσ τούσ τε Ἀγριᾶνασ καὶ τοὺσ τοξότασ δρόμῳ ὡσ ἐπὶ τὸν ποταμόν. καὶ πρῶτοσ μὲν αὐτὸσ φθάσασ διαβαίνει· τοῖσ τελευταίοισ δὲ ὡσ εἶδεν ἐπικειμένουσ τοὺσ πολεμίουσ ἐπιστήσασ ἐπὶ τῇ ὄχθῃ τὰσ μηχανὰσ ἐξακοντίζειν ὡσ πορρωτάτω ἀπ̓ αὐτῶν ἐκέλευσεν ὅσα ἀπὸ μηχανῶν βέλη ἐξακοντίζεται, καὶ τοὺσ τοξότασ δὲ ἐκ μέσου τοῦ ποταμοῦ ἐκτοξεύειν, ἐπεσβάντασ καὶ τούτουσ.

καὶ οἱ μὲν ἀμφὶ τὸν Γλαυκίαν εἴσω βέλουσ παρελθεῖν οὐκ ἐτόλμων, οἱ Μακεδόνεσ δὲ ἐν τούτῳ ἀσφαλῶσ ἐπέρασαν τὸν ποταμόν, ὥστε οὐδεὶσ ἀπέθανεν ἐν τῇ ἀποχωρήσει αὐτῶν. Τρίτῃ δὲ ἀπ̓ ἐκείνησ ἡμέρᾳ καταμαθὼν Ἀλέξανδροσ κακῶσ αὐλιζομένουσ τοὺσ ἀμφὶ Κλεῖτον καὶ Γλαυκίαν, καὶ οὔτε φυλακὰσ ἐν τῇ τάξει αὐτοῖσ φυλαττομένασ οὔτε χάρακα ἢ τάφρον προβεβλημένουσ, οἱᾶ δὴ ξὺν φόβῳ ἀπηλλάχθαι οἰομένων Ἀλέξανδρον, ἐσ μῆκοσ τε οὐκ ὠφέλιμον ἀποτετα[γ]μένην αὐτοῖσ τὴν τάξιν, ὑπὸ νύκτα ἔτι λαθὼν διαβαίνει τὸν ποταμόν, τούσ τε ὑπασπιστὰσ ἅμα οἷ ἄγων καὶ τοὺσ Ἀγριᾶνασ καὶ τοὺσ τοξότασ καὶ τὴν Περδίκκου καὶ Κοίνου τάξιν.

καὶ προστέτακτο μὲν ἀκολουθεῖν τὴν ἄλλην στρατιάν·

ὡσ δὲ καιρὸν εἶδεν εἰσ ἐπίθεσιν, οὐ προσμείνασ ὁμοῦ γενέσθαι πάντασ ἐφῆκε τοὺσ τοξότασ καὶ τοὺσ Ἀγριᾶνασ· οἱ δὲ ἀπροσδόκητοί τε ἐπιπεσόντεσ καὶ φάλαγγι κατὰ κέρασ, ᾗπερ ἀσθενεστάτοισ αὐτοῖσ καρτερωτάτῃ τῇ ἐμβολῇ προσμίξειν ἔμελλον, τοὺσ μὲν ἔτι ἐν ταῖσ εὐναῖσ κατέκτεινον, τοὺσ δὲ φεύγοντασ εὐμαρῶσ αἱροῦντεσ, ὥστε πολλοὶ μὲν αὐτοῦ ἐγκατελήφθησαν καὶ ἀπέθανον, πολλοὶ δὲ ἐν τῇ ἀποχωρήσει ἀτάκτῳ καὶ φοβερᾷ γενομένῃ· οὐκ ὀλίγοι δὲ καὶ ζῶντεσ ἐλήφθησαν. ἐγένετο δὲ ἡ δίωξισ τοῖσ ἀμφὶ Ἀλέξανδρον μέχρι πρὸσ τὰ ὄρη τῶν Ταυλαντίων·

ὅσοι δὲ καὶ ἀπέφυγον αὐτῶν, γυμνοὶ τῶν ὅπλων διεσώθησαν. Κλεῖτοσ δὲ ἐσ τὴν πόλιν τὸ πρῶτον καταφυγὼν ἐμπρήσασ τὴν πόλιν ἀπηλλάγη παρὰ Γλαυκίαν ἐσ Ταυλαντίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 6

(아리아노스, Anabasis, book 1, chapter 6)

상위

목록

SEARCH

MENU NAVIGATION