헬라어 문장 검색 - ΑριστόΡηετορί3́05́

(아리스토텔레스, 수사학, Book 3, chapter 5)

ὁ μὲν οὖν λόγοσ συντίθεται ἐκ τούτων, ἔστι δ’ ἀρχὴ τῆσ λέξεωσ τὸ ἑλληνίζειν· τοῦτο δ’ ἐστὶν ἐν πέντε, πρῶτον μὲν ἐν τοῖσ συνδέσμοισ, ἂν ἀποδιδῷ τισ ὡσ πεφύκασι πρότεροι καὶ ὕστεροι γίγνεσθαι ἀλλήλων, οἱο͂ν ἔνιοι ἀπαιτοῦσιν, ὥσπερ ὁ μέν καὶ ὁ ἐγὼ μέν ἀπαιτεῖ τὸν δέ καὶ τὸν ὁ δέ. δεῖ δὲ ἑώσ μέμνηται ἀνταποδιδόναι ἀλήλλοισ, καὶ μήτε μακρὰν ἀπαρτᾶν μήτε σύνδεσμον πρὸ συνδέσμου ἀποδιδόναι τοῦ ἀναγκαίου· ὀλιγαχοῦ γὰρ ἁρμόττει.

"ἐγὼ μέν, ἐπεί μοι εἶπεν ἦλθε γὰρ Κλέων δεόμενόσ τε καὶ ἀξιῶν, ἐπορευόμην παραλαβὼν αὐτούσ" . ἐν τούτοισ γὰρ πολλοὶ πρὸ τοῦ ἀποδοθησομένου συνδέσμου προεμβέβληνται σύνδεσμοι· ἐὰν δὲ πολὺ τὸ μεταξὺ γένηται τοῦ ἐπορευόμην, ἀσαφέσ. ἓν μὲν δὴ τὸ εὖ ἐν τοῖσ συνδέσμοισ, δεύτερον δὲ τὸ τοῖσ ἰδίοισ ὀνόμασι λέγειν καὶ μὴ τοῖσ περιέχουσιν.

τρίτον μὴ ἀμφιβόλοισ.

τοῦτο δ’ ἂν μὴ τἀναντία προαιρῆται, ὅπερ ποιοῦσιν ὅταν μηδὲν μὲν ἔχωσι λέγειν, προσποιῶνται δέ τι λέγειν· οἱ γὰρ τοιοῦτοι ἐν ποιήσει λέγουσιν ταῦτα, οἱο͂ν Ἐμπεδοκλῆσ· φενακίζει γὰρ τὸ κύκλῳ πολὺ ὄν, καὶ πάσχουσιν οἱ ἀκροαταὶ ὅπερ οἱ πολλοὶ παρὰ τοῖσ μάντεσιν· ὅταν γὰρ λέγωσιν ἀμφίβολα, συμπαρανεύουσιν ‐ Κροῖσοσ Ἅλυν διαβὰσ μεγάλην ἀρχὴν καταλύσει , ‐ καὶ διὰ τὸ ὅλωσ ἔλαττον εἶναι ἁμάρτημα διὰ τῶν γενῶν τοῦ πράγματοσ λέγουσιν οἱ μάντεισ· τύχοι γὰρ ἄν τισ μᾶλλον ἐν τοῖσ ἀρτιασμοῖσ ἄρτια ἢ περισσὰ εἰπὼν μᾶλλον ἢ πόσα ἔχει, καὶ τὸ ὅτι ἔσται ἢ τὸ πότε, διὸ οἱ χρησμολόγοι οὐ προσορίζονται τὸ πότε. ἅπαντα δὴ ταῦτα ὅμοια, ὥστ’ ἂν μὴ τοιούτου τινὸσ ἕνεκα, φευκτέον. τέταρτον, ὡσ Πρωταγόρασ τὰ γένη τῶν ὀνομάτων διῄρει, ἄρρενα καὶ θήλεα καὶ σκεύη·

δεῖ γὰρ ἀποδιδόναι καὶ ταῦτα ὀρθῶσ· "ἡ δ’ ἐλθοῦσα καὶ διαλεχθεῖσα ᾤχετο" .

πέμπτον ἐν τῷ τὰ πολλὰ καὶ ὀλίγα καὶ ἓν ὀρθῶσ ὀνομάζειν· "οἱ δ’ ἐλθόντεσ ἔτυπτόν με" . ὅλωσ δὲ δεῖ εὐανάγνωστον εἶναι τὸ γεγραμμένον καὶ εὔφραστον· ἔστιν δὲ τὸ αὐτό· ὅπερ οἱ πολλοὶ σύνδεσμοι οὐκ ἔχουσιν, οὐδ’ ἃ μὴ ῥᾴδιον διαστίξαι, ὥσπερ τὰ Ἡρακλείτου. τὰ γὰρ Ἡρακλείτου διαστίξαι ἔργον διὰ τὸ ἄδηλον εἶναι ποτέρῳ πρόσκειται, τῷ ὕστερον ἢ τῷ πρότερον, οἱο͂ν ἐν τῇ ἀρχῇ αὐτῇ τοῦ συγγράμματοσ· φησὶ γὰρ "τοῦ λόγου τοῦδ’ ἐόντοσ ἀεὶ ἀξύνετοι ἄνθρωποι γίγνονται" · ἄδηλον γὰρ τὸ ἀεί, πρὸσ ποτέρῳ <δεῖ> διαστίξαι. ἔτι τόδε ποιεῖ σολοικίζειν, τὸ μὴ ἀποδιδόναι, ἐὰν μὴ ἐπιζευγνύῃσ ὃ ἀμφοῖν ἁρμόττει, οἱο͂ν ἢ ψόφῳ καὶ χρώματι τὸ μὲν ἰδὼν οὐ κοινόν, τὸ δ’ αἰσθόμενοσ κοινόν·

ἀσαφῆ δὲ ἂν μὴ προθεὶσ εἴπῃσ, μέλλων πολλὰ μεταξὺ ἐμβάλλειν, οἱο͂ν "ἔμελλον γὰρ διαλεχθεὶσ ἐκείνῳ τάδε καὶ τάδε καὶ ὧδε πορεύεσθαι" , ἀλλὰ μὴ "ἔμελλον γὰρ διαλεχθεὶσ πορεύεσθαι, εἶτα τάδε καὶ τάδε καὶ ὧδε ἐγένετο" .

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 5

(아리스토텔레스, 수사학, Book 3, chapter 5)

상위

목록

SEARCH

MENU NAVIGATION