헬라어 문장 검색 - Αππιαν́ΤηεΞιϝί4́03́

(아피아노스, The Civil Wars, book 4, chapter 3)

Πρῶτοσ δ’ ἦν ἐν τοῖσ προγράφουσι Λέπιδοσ, καὶ πρῶτοσ ἐν τοῖσ προγραφομένοισ ὁ ἀδελφὸσ ὁ Λεπίδου Παῦλοσ, καὶ δεύτεροσ ἦν τῶν προγραφόντων Ἀντώνιοσ καὶ δεύτεροσ τῶν προγραφομένων ὁ θεῖοσ ὁ Ἀντωνίου Λεύκιοσ, οἵδε μέν, ὅτι πρῶτοι πολεμίουσ αὐτοὺσ ἐψηφίσαντο. τρίτοσ δὲ καὶ τέταρτοσ ἦν τῶν ἐν ἑτέρῳ πίνακι προκειμένων ἐσ τὸ μέλλον ὑπάτων Πλάγκου μὲν ὁ ἀδελφὸσ Πλώτιοσ, Ἀσινίου δὲ ὁ πενθερὸσ Κοΐντιοσ. καὶ οὐ κατ’ ἀξίωσιν ἄρα μόνην οἵδε τῶν ἄλλων προύκειντο μᾶλλον ἢ ἐσ θάμβοσ καὶ δυσελπιστίαν, μηδένα ῥύσεσθαί τινα προσδοκᾶν. ἦν δὲ καὶ Θωράνιοσ ἐν τοῖσ προγεγραμμένοισ, λεγόμενοσ ὑπό τινων ἐπιτροπεῦσαι Καίσαροσ. ἅμα δὲ ταῖσ προγραφαῖσ αἵ τε πύλαι κατείχοντο καὶ ὅσαι ἄλλαι τῆσ πόλεωσ ἔξοδοί τε καὶ λιμένεσ ἢ ἕλη καὶ τέλματα ἢ εἴ τι ἄλλο ἐσ φυγὴν ὕποπτον ἦν ἢ ἐσ λαθραίουσ καταφυγάσ· τήν τε χώραν ἐπετέτραπτο τοῖσ λοχαγοῖσ ἐρευνᾶν περιθέουσι, καὶ ἐγίγνετο πάντα ὁμοῦ. Εὐθὺσ οὖν ἦν ἀνά τε τὴν χώραν καὶ ἀνὰ τὴν πόλιν, ὡσ ἕκαστόσ πῃ συνελαμβάνετο, ἀνδρολήψια αἰφνίδια πολλὰ καὶ τρόποι τῶν φόνων ποικίλοι τῶν τε κεφαλῶν ἀποτομαὶ τοῦ μισθοῦ χάριν ἐσ ἐπίδειξιν φυγαί τε ἀπρεπεῖσ καὶ σχήματα ἄτοπα ἐκ τοῦ πρὶν περιφανοῦσ.

κατέδυνον γὰρ οἱ μὲν ἐσ φρέατα, οἱ δὲ ἐσ τὰσ ὑπονόμουσ τάφρουσ ἐπὶ τὰ ἀκάθαρτα, οἱ δὲ ἐσ καπνώδεισ ὑπωροφίασ ἢ τῶν τεγῶν ταῖσ κεραμίσι βυομέναισ ὑπεκάθηντο μετὰ σιγῆσ βαθυτάτησ. ἐδεδοίκεσαν γὰρ οὐχ ἧσσον τῶν σφαγέων οἱ μὲν γυναῖκασ ἢ παῖδασ οὐκ εὐμενῶσ σφίσιν ἔχοντασ, οἱ δὲ ἐξελευθέρουσ τε καὶ θεράποντασ, οἱ δὲ καὶ δανεισμάτων χρήστασ ἢ χωρίων γείτονασ ἐπιθυμίᾳ τῶν χωρίων. ἐπανάστασισ γὰρ δὴ πάντων, ὅσα τέωσ ὕπουλα ἦν, ἀθρόα τότε ἐγίγνετο καὶ ἀθέμιστοσ μεταβολὴ βουλευτῶν ἀνδρῶν, ὑπάτων ἢ στρατηγῶν ἢ δημάρχων, ἔτι τάσδε τὰσ ἀρχὰσ μετιόντων ἢ ἐν αὐταῖσ γεγονότων, ἐσ πόδασ ἰδίου θεράποντοσ ῥιπτουμένων σὺν ὀλοφύρσεσι καὶ σωτῆρα καὶ κύριον τὸν οἰκέτην τιθεμένων. οἴκτιστον δὲ ἦν, ὅτε καὶ ταῦτα ὑποστάντεσ οὐκ ἐλεηθεῖεν. Ἰδέα τε πᾶσα κακῶν ἦν, οὐχ ὡσ ἐν στάσεσιν ἢ πολέμου καταλήψεσιν·

οὐ γάρ, ὡσ ἐν ἐκείνοισ, τὸν μὲν ἀντιστασιώτην ἢ πολέμιον ἐδεδοίκεσαν, τοῖσ δ’ οἰκείοισ σφᾶσ ἐπέτρεπον, ἀλλὰ καὶ τούσδε τῶν σφαγέων μᾶλλον ἐδεδοίκεσαν, οὐδὲν μὲν αὐτοὺσ ὡσ ἐν πολέμῳ καὶ στάσει δεδιότασ, σφίσι δὲ αὐτίκα γιγνομένουσ ἐξ οἰκείων πολεμίουσ, ἢ δι’ ὕπουλον ἔχθραν ἢ ὑπὸ τῶν ἐπικεκηρυγμένων σφίσι γερῶν ἢ διὰ τὸν ἐν ταῖσ οἰκίαισ χρυσόν τε καὶ ἄργυρον. ἄπιστοσ γὰρ δὴ διὰ ταῦτα ἀθρόωσ ἕκαστοσ ἐσ τὸν οἰκεῖον ἐγίγνετο καὶ τὸ σφέτερον κέρδοσ τοῦ πρὸσ αὐτὸν ἐλέου προυτίθει· ὁ δὲ πιστὸσ ἢ εὔνουσ ἐδεδίει βοηθεῖν ἢ κρύπτειν ἢ συνειδέναι δι’ ὁμοιότητα τῶν ἐπιτιμίων. ἔσ τε τὸ ἔμπαλιν αὐτοῖσ τοῦ πρώτου τῶν ἑπτακαίδεκα ἀνδρῶν δέουσ περιέστη. τότε μὲν γὰρ οὐ προγραφέντοσ οὐδενόσ, ἀλλά τινων ἄφνω συλλαμβανομένων πάντεσ ἐδεδοίκεσαν ὅμοια καὶ συνήσπιζον ἀλλήλοισ· ἐπὶ δὲ ταῖσ προγραφαῖσ οἱ μὲν αὐτίκα πᾶσιν ἔκδοτοι γεγένηντο, οἱ δὲ ἐν ἀμερίμνῳ περὶ σφῶν καὶ ἐπὶ κέρδει γενόμενοι τοὺσ ἄλλουσ ἐπὶ μισθῷ τοῖσ σφαγεῦσιν ἐκυνηγέτουν. ὁ δὲ λοιπὸσ ὅμιλοσ, οἱ μὲν τὰσ οἰκίασ τῶν ἀναιρουμένων διήρπαζον, καὶ τὸ κέρδοσ αὐτοὺσ ἀπο τῆσ συνέσεωσ τῶν παρόντων κακῶν ἐψυχαγώγει· οἱ δὲ ἐμφρονέστεροί τε καὶ ἐπιεικεῖσ ἐτεθήπεσαν ὑπὸ ἐκπλήξεωσ, καὶ ἦν αὐτοῖσ παραλογώτερον, ὅτε μάλιστα ἐνθυμηθεῖεν, ὅτι τὰσ μὲν ἄλλασ πόλεισ ἐλυμήναντο στάσεισ καὶ περιέσωσαν ὁμόνοιαι, τὴν δὲ καὶ αἱ στάσεισ τῶν ἀρχόντων προαπώλεσαν καὶ ἡ ὁμόνοια τοιάδε ἐργάζεται. Ἔθνῃσκον δὲ οἱ μὲν ἀμυνόμενοι τοὺσ ἀναιροῦντασ, οἱ δ’ οὐκ ἀμυνόμενοι ὡσ οὐχ ὑπὸ τῶνδε ἀδικούμενοι, εἰσὶ δ’ οἳ καὶ σφᾶσ αὐτοῦσ λιμῷ τε ἑκουσίῳ δαπανῶντεσ καὶ βρόχοισ χρώμενοι καὶ τὰ σώματα καταποντοῦντεσ ἢ ῥιπτοῦντεσ ἀπὸ τῶν τεγῶν ἢ ἐσ πῦρ ἐναλλόμενοι ἢ τοῖσ σφαγεῦσιν ὑπίσχοντεσ ἢ καὶ μεταπεμπόμενοι βραδύνοντασ, ἕτεροι δὲ κρυπτόμενοι καὶ λιπαροῦντεσ ἀπρεπῶσ ἢ διωθούμενοι τὸ κακὸν ἢ ὠνούμενοι.

οἱ δὲ καὶ παρὰ γνώμην τῶν τριῶν ἀνδρῶν, ὑπ’ ἀγνοίασ ἢ κατ’ ἐπιβουλήν, ἀπώλλυντο. καὶ δῆλοσ ἦν ὁ μὴ προγραφεὶσ νέκυσ, ὅτε οἱ προσκέοιτο ἡ κεφαλή· τῶν γὰρ δὴ προγεγραμμένων ἐν ἀγορᾷ προυτίθεντο παρὰ τοῖσ βήμασιν, ἔνθα ἔδει κομίσαντασ ἀντιλαβεῖν τὰ ἀγαθά. ἴση δ’ ἦν ἑτέρων σπουδὴ καὶ ἀρετή, γυναικῶν τε καὶ παιδίων καὶ ἀδελφῶν καὶ θεραπόντων, περισῳζόντων τε καὶ συμμηχανωμένων πολλὰ καὶ συναποθνῃσκόντων, ὅτε μὴ τύχοιεν ὧν ἐπενόουν· οἱ δὲ καὶ ἐπανῄρουν σφᾶσ ἀνῃρημένοισ. τῶν δὲ ἐκφυγόντων οἱ μὲν ὑπὸ ναυαγίων ἀπώλλυντο, ἐσ πάντα σφίσι τῆσ τύχησ ἐπιβαρούσησ, οἱ δὲ ἐπανήχθησαν ἐκ παραλόγων ἐπί τε ἀρχὰσ τῆσ πόλεωσ καὶ στρατηγίασ πολέμων καὶ θριάμβουσ. οὕτωσ ὁ καιρὸσ ἦν ἐκεῖνοσ ἐπίδειξισ παραδοξολογίασ. Καὶ τάδε ἐγίγνετο οὐκ ἐν ἰδιώτιδι πόλει οὐδὲ ἐν ἀσθενεῖ καὶ σμικρῷ βασιλείῳ, ἀλλὰ τὴν δυνατωτάτην καὶ τοσούτων ἐθνῶν καὶ γῆσ καὶ θαλάσσησ ἡγεμονίδα διέσειεν ὁ θεόσ, ἐκ πολλοῦ ἄρα ἐσ τὴν νῦν καθιστάμενοσ εὐταξίαν.

ἐγένετο μὲν οὖν τοιάδε ἕτερα ἐν αὐτῇ κατά τε Σύλλαν καὶ ἔτι πρὸ ἐκείνου Γάιον Μάριον, ὧν ὁμοίωσ τὰ γνωριμώτατα τῶν κακῶν ἐν τοῖσ περὶ ἐκείνων ἀνελεξάμην, καὶ προσῆν ἐκείνοισ ἀταφία· ταῦτα δὲ ἀξιώσει τε τῶν τριῶν ἀνδρῶν καὶ τοῦ ἑνὸσ αὐτῶν μάλιστα ἀρετῇ καὶ τύχῃ, τὴν ἀρχὴν συστησαμένου τε ἐσ ἕδραν ἀσφαλῆ καὶ γένοσ καὶ ὄνομα τὸ νῦν ἄρχον ἀφ’ ἑαυτοῦ καταλιπόντοσ, ἐπιφανέστερα. ὧν τὰ λαμπρὰ καὶ τὰ χείρω γενόμενα ἐν μνήμῃ τε μᾶλλον ὄντα, ὅτι καὶ τελευταῖα γέγονεν, ἐπελεύσομαι νῦν, οὐ πάντα οὑ̓ γὰρ ἀξιαφήγητον ἀναίρεσισ ἁπλῆ καὶ φυγὴ ἢ τῶν τριῶν ἀνδρῶν τισι συγγνόντων ὕστερον ἐπάνοδοσ ἢ ἐπανελθόντων ἀφανὴσ καταβίωσισ̓, ἀλλ’ ὅσα παραλογώτατα ὄντα μάλιστα ἂν ἐκπλήξειε καὶ πιστεύειν ποιήσειε τοῖσ προλεγομένοισ. πολλὰ δέ ἐστι, καὶ πολλοὶ Ῥωμαίων ἐν πολλαῖσ βίβλοισ αὐτὰ συνέγραψαν ἐφ’ ἑαυτῶν· ὀλίγα δὲ ἐγὼ καθ’ ἑκάστην ἰδέαν, ἐσ πίστιν ἑκάστησ καὶ ἐσ εὐδαιμόνισμα τῶν νῦν παρόντων, ἐπὶ κεφαλαίου διὰ τὸ μῆκοσ ἀναγράψω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 3

(아피아노스, The Civil Wars, book 4, chapter 3)

상위

목록

SEARCH

MENU NAVIGATION