Xenophon, Memorabilia, Ἀπομνημονευμάτων Γ, chapter 11 3:

οὕτω μὲν δὴ πορευθέντεσ πρὸσ τὴν Θεοδότην καὶ καταλαβόντεσ ζωγράφῳ τινὶ παρεστηκυῖαν ἐθεάσαντο. παυσαμένου δὲ τοῦ ζωγράφου, ὦ ἄνδρεσ, ἔφη ὁ Σωκράτησ, πότερον ἡμᾶσ δεῖ μᾶλλον Θεοδότῃ χάριν ἔχειν, ὅτι ἡμῖν τὸ κάλλοσ ἑαυτῆσ ἐπέδειξεν, ἢ ταύτην ἡμῖν, ὅτι ἐθεασάμεθα; ἆρ’ εἰ μὲν ταύτῃ ὠφελιμωτέρα ἐστὶν ἡ ἐπίδειξισ, ταύτην ἡμῖν χάριν ἑκτέον, εἰ δὲ ἡμῖν ἡ θέα, ἡμᾶσ ταύτῃ;