헬라어 문장 검색 - ΧενοπήΜεμοραβ́3́10́

(크세노폰, Memorabilia, Ἀπομνημονευμάτων Γ, chapter 10)

ἀλλὰ μὴν καὶ εἴ ποτε τῶν τὰσ τέχνασ ἐχόντων καὶ ἐργασίασ ἕνεκα χρωμένων αὐταῖσ διαλέγοιτό τινι, καὶ τούτοισ ὠφέλιμοσ ἦν. εἰσελθὼν μὲν γάρ ποτε πρὸσ Παρράσιον τὸν ζωγράφον καὶ διαλεγόμενοσ αὐτῷ, ἆρα, ἔφη, ὦ Παρράσιε, γραφική ἐστιν εἰκασία τῶν ὁρωμένων; τὰ γοῦν κοῖλα καὶ τὰ ὑψηλὰ καὶ τὰ σκοτεινὰ καὶ τὰ φωτεινὰ καὶ τὰ σκληρὰ καὶ τὰ μαλακὰ καὶ τὰ τραχέα καὶ τὰ λεῖα καὶ τὰ νέα καὶ τὰ παλαιὰ σώματα διὰ τῶν χρωμάτων ἀπεικάζοντεσ ἐκμιμεῖσθε. ἀληθῆ λέγεισ, ἔφη.

καὶ μὴν τά γε καλὰ εἴδη ἀφομοιοῦντεσ, ἐπειδὴ οὐ ῥᾴδιον ἑνὶ ἀνθρώπῳ περιτυχεῖν ἄμεμπτα πάντα ἔχοντι, ἐκ πολλῶν συνάγοντεσ τὰ ἐξ ἑκάστου κάλλιστα οὕτωσ ὅλα τὰ σώματα καλὰ ποιεῖτε φαίνεσθαι. ποιοῦμεν γάρ, ἔφη, οὕτωσ.

τί γάρ; ἔφη, τὸ πιθανώτατον καὶ ἥδιστον καὶ φιλικώτατον καὶ ποθεινότατον καὶ ἐρασμιώτατον ἀπομιμεῖσθε τῆσ ψυχῆσ ἦθοσ; ἢ οὐδὲ μιμητόν ἐστι τοῦτο; πῶσ γὰρ ἄν, ἔφη, μιμητὸν εἰή, ὦ Σώκρατεσ, ὃ μήτε συμμετρίαν μήτε χρῶμα μήτε ὧν σὺ εἶπασ ἄρτι μηδὲν ἔχει μηδὲ ὅλωσ ὁρατόν ἐστιν; ἆρ’ οὖν, ἔφη, γίγνεται ἐν ἀνθρώπῳ τό τε φιλοφρόνωσ καὶ τὸ ἐχθρῶσ βλέπειν πρόσ τινασ;

ἔμοιγε δοκεῖ, ἔφη. οὐκοῦν τοῦτό γε μιμητὸν ἐν τοῖσ ὄμμασι; καὶ μάλα, ἔφη. ἐπὶ δὲ τοῖσ τῶν φίλων ἀγαθοῖσ καὶ τοῖσ κακοῖσ ὁμοίωσ σοι δοκοῦσιν ἔχειν τὰ πρόσωπα οἵ τε φροντίζοντεσ καὶ οἱ μή; μὰ Δί’ οὐ δῆτα, ἔφη· ἐπὶ μὲν γὰρ τοῖσ ἀγαθοῖσ φαιδροί, ἐπὶ δὲ τοῖσ κακοῖσ σκυθρωποὶ γίγνονται. οὐκοῦν, ἔφη, καὶ ταῦτα δυνατὸν ἀπεικάζειν; καὶ μάλα, ἔφη.

ἀλλὰ μὴν καὶ τὸ μεγαλοπρεπέσ τε καὶ ἐλευθέριον καὶ τὸ ταπεινόν τε καὶ ἀνελεύθερον καὶ τὸ σωφρονικόν τε καὶ φρόνιμον καὶ τὸ ὑβριστικόν τε καὶ ἀπειρόκαλον καὶ διὰ τοῦ προσώπου καὶ διὰ τῶν σχημάτων καὶ ἑστώτων καὶ κινουμένων ἀνθρώπων διαφαίνει. ἀληθῆ λέγεισ, ἔφη. οὐκοῦν καὶ ταῦτα μιμητά; καὶ μάλα, ἔφη. πότερον οὖν, ἔφη, νομίζεισ ἥδιον ὁρᾶν τοὺσ ἀνθρώπουσ δι’ ὧν τὰ καλά τε κἀγαθὰ καὶ ἀγαπητὰ ἤθη φαίνεται ἢ δι’ ὧν τὰ αἰσχρά τε καὶ πονηρὰ καὶ μισητά; πολὺ νὴ Δί’, ἔφη, διαφέρει, ὦ Σώκρατεσ. πρὸσ δὲ Κλείτωνα τὸν ἀνδριαντοποιὸν εἰσελθών ποτε καὶ διαλεγόμενοσ αὐτῷ, ὅτι μέν, ἔφη, ὦ Κλείτων, καλοὶ οὓσ ποιεῖσ δρομέασ τε καὶ παλαιστὰσ καὶ πύκτασ καὶ παγκρατιαστάσ, ὁρῶ τε καὶ οἶδα·

ὃ δὲ μάλιστα ψυχαγωγεῖ διὰ τῆσ ὄψεωσ τοὺσ ἀνθρώπουσ, τὸ ζωτικὸν φαίνεσθαι, πῶσ τοῦτο ἐνεργάζῃ τοῖσ ἀνδριᾶσιν; ἐπεὶ δὲ ἀπορῶν ὁ Κλείτων οὐ ταχὺ ἀπεκρίνατο, ἆρ’, ἔφη, τοῖσ τῶν ζώντων εἴδεσιν ἀπεικάζων τὸ ἔργον ζωτικωτέρουσ ποιεῖσ φαίνεσθαι τοὺσ ἀνδριάντασ;

καὶ μάλα, ἔφη. οὐκοῦν τά τε ὑπὸ τῶν σχημάτων κατασπώμενα καὶ τἀνασπώμενα ἐν τοῖσ σώμασι καὶ τὰ συμπιεζόμενα καὶ τὰ διελκόμενα καὶ τὰ ἐντεινόμενα καὶ τὰ ἀνιέμενα ἀπεικάζων ὁμοιότερά τε τοῖσ ἀληθινοῖσ καὶ πιθανώτερα ποιεῖσ φαίνεσθαι; πάνυ μὲν οὖν, ἔφη.

τὸ δὲ καὶ τὰ πάθη τῶν ποιούντων τι σωμάτων ἀπομιμεῖσθαι οὐ ποιεῖ τινα τέρψιν τοῖσ θεωμένοισ; εἰκὸσ γοῦν, ἔφη. οὐκοῦν καὶ τῶν μὲν μαχομένων ἀπειλητικὰ τὰ ὄμματα ἀπεικαστέον, τῶν δὲ νενικηκότων εὐφραινομένων ἡ ὄψισ μιμητέα; σφόδρα γ’, ἔφη. δεῖ ἄρα, ἔφη, τὸν ἀνδριαντοποιὸν τὰ τῆσ ψυχῆσ ἔργα τῷ εἴδει προσεικάζειν. πρὸσ δὲ Πιστίαν τὸν θωρακοποιὸν εἰσελθών, ἐπιδείξαντοσ αὐτοῦ τῷ Σωκράτει θώρακασ εὖ εἰργασμένουσ, νὴ τὴν Ἥραν, ἔφη, καλόν γε, ὦ Πιστία, τὸ εὑρ́ημα τὸ τὰ μὲν δεόμενα σκέπησ τοῦ ἀνθρώπου σκεπάζειν τὸν θώρακα, ταῖσ δὲ χερσὶ μὴ κωλύειν χρῆσθαι.

ἀτάρ, ἔφη, λέξον μοι, ὦ Πιστία, διὰ τί οὔτ’ ἰσχυροτέρουσ οὔτε πολυτελεστέρουσ τῶν ἄλλων ποιῶν τοὺσ θώρακασ πλείονοσ πωλεῖσ;

ὅτι, ἔφη, ὦ Σώκρατεσ, εὐρυθμοτέρουσ ποιῶ. τὸν δὲ ῥυθμόν, ἔφη, πότερα μέτρῳ ἢ σταθμῷ ἀποδεικνύων πλείονοσ τιμᾷ; οὐ γὰρ δὴ ἴσουσ γε πάντασ οὐδὲ ὁμοίουσ οἶμαί σε ποιεῖν, εἴ γε ἁρμόττοντασ ποιεῖσ. ἀλλὰ νὴ Δί’, ἔφη, ποιῶ· οὐδὲν γὰρ ὄφελόσ ἐστι θώρακοσ ἄνευ τούτου. οὐκοῦν, ἔφη, σώματά γε ἀνθρώπων τὰ μὲν εὔρυθμά ἐστι, τὰ δὲ ἄρρυθμα;

πάνυ μὲν οὖν, ἔφη. πῶσ οὖν, ἔφη, τῷ ἀρρύθμῳ σώματι ἁρμόττοντα τὸν θώρακα εὔρυθμον ποιεῖσ; ὥσπερ καὶ ἁρμόττοντα, ἔφη· ὁ ἁρμόττων γάρ ἐστιν εὔρυθμοσ.

δοκεῖσ μοι, ἔφη ὁ Σωκράτησ, τὸ εὔρυθμον οὐ καθ’ ἑαυτὸ λέγειν, ἀλλὰ πρὸσ τὸν χρώμενον, ὥσπερ ἂν εἰ φαίησ ἀσπίδα, ᾧ ἂν ἁρμόττῃ, τούτῳ εὔρυθμον εἶναι, καὶ χλαμύδα, καὶ τἆλλα ὡσαύτωσ ἐοίκεν ἔχειν τῷ σῷ λόγῳ. ἴσωσ δὲ καὶ ἄλλο τι οὐ μικρὸν ἀγαθὸν τῷ ἁρμόττειν πρόσεστι.

δίδαξον, ἔφη, ὦ Σώκρατεσ, εἴ τι ἔχεισ. ἧττον, ἔφη, τῷ βάρει πιέζουσιν οἱ ἁρμόττοντεσ τῶν ἀναρμόστων τὸν αὐτὸν σταθμὸν ἔχοντεσ. οἱ μὲν γὰρ ἀνάρμοστοι ἢ ὅλοι ἐκ τῶν ὤμων κρεμάμενοι ἢ καὶ ἄλλο τι τοῦ σώματοσ σφόδρα πιέζοντεσ δύσφοροι καὶ χαλεποὶ γίγνονται· οἱ δὲ ἁρμόττοντεσ, διειλημμένοι τὸ βάροσ τὸ μὲν ὑπὸ τῶν κλειδῶν καὶ ἐπωμίδων, τὸ δ’ ὑπὸ τῶν ὤμων, τὸ δὲ ὑπὸ τοῦ στήθουσ, τὸ δὲ ὑπὸ τοῦ νώτου, τὸ δὲ ὑπὸ τῆσ γαστρόσ, ὀλίγου δεῖν οὐ φορήματι, ἀλλὰ προσθήματι ἐοίκασιν. εἴρηκασ, ἔφη, αὐτὸ δι’ ὅπερ ἔγωγε τὰ ἐμὰ ἔργα πλείστου ἄξια νομίζω εἶναι.

ἔνιοι μέντοι τοὺσ ποικίλουσ καὶ τοὺσ ἐπιχρύσουσ θώρακασ μᾶλλον ὠνοῦνται. ἀλλὰ μήν, ἔφη, εἴ γε διὰ ταῦτα μὴ ἁρμόττοντασ ὠνοῦνται, κακὸν ἔμοιγε δοκοῦσι ποικίλον τε καὶ ἐπίχρυσον ὠνεῖσθαι. ἀτάρ, ἔφη, τοῦ σώματοσ μὴ μένοντοσ, ἀλλὰ τοτὲ μὲν κυρτουμένου, τοτὲ δὲ ὀρθουμένου, πῶσ ἂν ἀκριβεῖσ θώρακεσ ἁρμόττοιεν;

οὐδαμῶσ, ἔφη. λέγεισ, ἔφη, ἁρμόττειν οὐ τοὺσ ἀκριβεῖσ, ἀλλὰ τοὺσ μὴ λυποῦντασ ἐν τῇ χρείᾳ. αὐτόσ, ἔφη, τοῦτο λέγεισ, ὦ Σώκρατεσ, καὶ πάνυ ὀρθῶσ ἀποδέχῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 10

(크세노폰, Memorabilia, Ἀπομνημονευμάτων Γ, chapter 10)

상위

목록

SEARCH

MENU NAVIGATION