헬라어 문장 검색 - ΧενοπήΜεμοραβ́3́13́

(크세노폰, Memorabilia, Ἀπομνημονευμάτων Γ, chapter 13)

ὀργιζομένου δέ ποτέ τινοσ, ὅτι προσειπών τινα χαίρειν οὐκ ἀντιπροσερρήθη, γελοῖον, ἔφη, τό, εἰ μὲν τὸ σῶμα κάκιον ἔχοντι ἀπήντησάσ τῳ, μὴ ἂν ὀργίζεσθαι, ὅτι δὲ τὴν ψυχὴν ἀγροικοτέρωσ διακειμένῳ περιέτυχεσ, τοῦτό σε λυπεῖ. ἄλλου δὲ λέγοντοσ ὅτι ἀηδῶσ ἐσθίοι, Ἀκουμενόσ, ἔφη, τούτου φάρμακον ἀγαθὸν διδάσκει.

ἐρομένου δέ, ποῖον; παύσασθαι ἐσθίοντα, ἔφη· καὶ ἥδιόν τε καὶ εὐτελέστερον καὶ ὑγιεινότερον διάξειν παυσάμενον. ἄλλου δ’ αὖ λέγοντοσ ὅτι θερμὸν εἰή παρ’ ἑαυτῷ τὸ ὕδωρ ὃ πίνοι, ὅταν ἄρ’, ἔφη, βούλῃ θερμῷ λούσασθαι, ἕτοιμον ἔσται σοι.

ἐνθυμοῦ οὖν, ἔφη, ὅτι κινδυνεύεισ δυσαρεστότεροσ εἶναι τῶν τε οἰκετῶν καὶ τῶν ἀρρωστούντων. ἀλλὰ ψυχρόν, ἔφη, ἐστὶν ὥστε λούσασθαι. ἆρ’ οὖν, ἔφη, καὶ οἱ οἰκέται σου ἄχθονται πίνοντέσ τε αὐτὸ καὶ λούμενοι αὐτῷ; μὰ τὸν Δί’, ἔφη· ἀλλὰ καὶ πολλάκισ τεθαύμακα ὡσ ἡδέωσ αὐτῷ πρὸσ ἀμφότερα ταῦτα χρῶνται. πότερον δέ, ἔφη, τὸ παρὰ σοὶ ὕδωρ θερμότερον πιεῖν ἐστιν ἢ τὸ ἐν Ἀσκληπιοῦ; τὸ ἐν Ἀσκληπιοῦ, ἔφη. πότερον δὲ λούσασθαι ψυχρότερον τὸ παρὰ σοὶ ἢ τὸ ἐν Ἀμφιαράου; τὸ ἐν Ἀμφιαράου, ἔφη. κολάσαντοσ δέ τινοσ ἰσχυρῶσ ἀκόλουθον, ἤρετο τί χαλεπαίνοι τῷ θεράποντι, ὅτι, ἔφη, ὀψοφαγίστατόσ τε ὢν βλακότατόσ ἐστι καὶ φιλαργυρώτατοσ ὢν ἀργότατοσ.

ἤδη ποτὲ οὖν ἐπεσκέψω, πότεροσ πλειόνων πληγῶν δεῖται, σὺ ἢ ὁ θεράπων; φοβουμένου δέ τινοσ τὴν εἰσ Ὀλυμπίαν ὁδόν, τί, ἔφη, φοβῇ τὴν πορείαν;

οὐ καὶ οἴκοι σχεδὸν ὅλην τὴν ἡμέραν περιπατεῖσ; καὶ ἐκεῖσε πορευόμενοσ περιπατήσασ ἀριστήσεισ, περιπατήσασ δειπνήσεισ καὶ ἀναπαύσῃ. οὐκ οἶσθα ὅτι, εἰ ἐκτείναισ τοὺσ περιπάτουσ, οὓσ ἐν πέντε ἢ ἓξ ἡμέραισ περιπατεῖσ, ῥᾳδίωσ ἂν Ἀθήνηθεν εἰσ Ὀλυμπίαν ἀφίκοιο; χαριέστερον δὲ καὶ προεξορμᾶν ἡμέρᾳ μιᾷ μᾶλλον ἢ ὑστερίζειν. τὸ μὲν γὰρ ἀναγκάζεσθαι περαιτέρω τοῦ μετρίου μηκύνειν τὰσ ὁδοὺσ χαλεπόν, τὸ δὲ μιᾷ ἡμέρᾳ πλείουσ πορευθῆναι πολλὴν ῥᾳστώνην παρέχει. κρεῖττον οὖν ἐν τῇ ὁρμῇ σπεύδειν ἢ ἐν τῇ ὁδῷ. ἄλλου δὲ λέγοντοσ ὡσ παρετάθη μακρὰν ὁδὸν πορευθείσ, ἤρετο αὐτὸν εἰ καὶ φορτίον ἔφερε, μὰ Δί’ οὐκ ἔγωγ’, ἔφη, ἀλλὰ τὸ ἱμάτιον.

μόνοσ δ’ ἐπορεύου, ἔφη, ἢ καὶ ἀκόλουθόσ σοι ἠκολούθει; ἠκολούθει, ἔφη. πότερον κενόσ, ἔφη, ἢ φέρων τι; φέρων νὴ Δί’, ἔφη, τά τε στρώματα καὶ τἆλλα σκεύη. καὶ πῶσ τι, ἔφη, ἀπήλλαχεν ἐκ τῆσ ὁδοῦ; ἐμοὶ μὲν δοκεῖ, ἔφη, βέλτιον ἐμοῦ. τί οὖν; ἔφη, εἰ τὸ ἐκείνου φορτίον ἔδει σε φέρειν, πῶσ ἂν οἰεί διατεθῆναι; κακῶσ νὴ Δί’, ἔφη· μᾶλλον δὲ οὐδ’ ἂν ἐδυνήθην κομίσαι. τὸ οὖν τοσούτῳ ἧττον τοῦ παιδὸσ δύνασθαι πονεῖν πῶσ ἠσκημένου δοκεῖ σοι ἀνδρὸσ εἶναι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 13

(크세노폰, Memorabilia, Ἀπομνημονευμάτων Γ, chapter 13)

상위

목록

SEARCH

MENU NAVIGATION