헬라어 문장 검색 - ΧενοπήΜεμοραβ́3́08́

(크세노폰, Memorabilia, Ἀπομνημονευμάτων Γ, chapter 8)

Ἀριστίππου δὲ ἐπιχειροῦντοσ ἐλέγχειν τὸν Σωκράτην, ὥσπερ αὐτὸσ ὑπ’ ἐκείνου τὸ πρότερον ἠλέγχετο, βουλόμενοσ τοὺσ συνόντασ ὠφελεῖν ὁ Σωκράτησ ἀπεκρίνατο οὐχ ὥσπερ οἱ φυλαττόμενοι μή πῃ ὁ λόγοσ ἐπαλλαχθῇ, ἀλλ’ ὡσ ἂν πεπεισμένοι μάλιστα πράττειν τὰ δέοντα. ὁ μὲν γὰρ αὐτὸν ἤρετο εἴ τι εἰδείη ἀγαθόν, ἵνα, εἴ τι εἴποι τῶν τοιούτων, οἱο͂ν ἢ σιτίον ἢ ποτὸν ἢ χρήματα ἢ ὑγίειαν ἢ ῥώμην ἢ τόλμαν, δεικνύοι δὴ τοῦτο κακὸν ἐνίοτε ὄν.

ὁ δὲ εἰδὼσ ὅτι, ἐάν τι ἐνοχλῇ ἡμᾶσ, δεόμεθα τοῦ παύσοντοσ, ἀπεκρίνατο ᾗπερ καὶ ποιεῖν κράτιστον, ἆρά γε, ἔφη, ἐρωτᾷσ με, εἴ τι οἶδα πυρετοῦ ἀγαθόν; οὐκ ἔγωγ’, ἔφη.

ἀλλ’ ὀφθαλμίασ; οὐδὲ τοῦτο. ἀλλὰ λιμοῦ; οὐδὲ λιμοῦ. ἀλλὰ μήν, ἔφη, εἴ γ’ ἐρωτᾷσ με εἴ τι ἀγαθὸν οἶδα ὃ μηδενὸσ ἀγαθόν ἐστιν, οὔτ’ οἶδα, ἔφη, οὔτε δέομαι. πάλιν δὲ τοῦ Ἀριστίππου ἐρωτῶντοσ αὐτὸν εἴ τι εἰδείη καλόν, καὶ πολλά, ἔφη.

ἆρ’ οὖν, ἔφη, πάντα ὅμοια ἀλλήλοισ; ὡσ οἱο͂́ν τε μὲν οὖν, ἔφη, ἀνομοιότατα ἔνια. πῶσ οὖν, ἔφη, τὸ τῷ καλῷ ἀνόμοιον καλὸν ἂν εἰή; ὅτι νὴ Δί’, ἔφη, ἔστι μὲν τῷ καλῷ πρὸσ δρόμον ἀνθρώπῳ ἄλλοσ ἀνόμοιοσ καλὸσ πρὸσ πάλην, ἔστι δὲ ἀσπὶσ καλὴ πρὸσ τὸ προβάλλεσθαι ὡσ ἔνι ἀνομοιοτάτη τῷ ἀκοντίῳ, καλῷ πρὸσ τὸ σφόδρα τε καὶ ταχὺ φέρεσθαι. οὐδὲν διαφερόντωσ, ἔφη, ἀποκρίνῃ μοι ἢ ὅτε σε ἠρώτησα εἴ τι ἀγαθὸν εἰδείησ.

σὺ δ’ οἰεί, ἔφη, ἄλλο μὲν ἀγαθόν, ἄλλο δὲ καλὸν εἶναι; οὐκ οἶσθ’ ὅτι πρὸσ ταὐτὰ πάντα καλά τε κἀγαθά ἐστι; πρῶτον μὲν γὰρ ἡ ἀρετὴ οὐ πρὸσ ἄλλα μὲν ἀγαθόν, πρὸσ ἄλλα δὲ καλόν ἐστιν, ἔπειτα οἱ ἄνθρωποι τὸ αὐτό τε καὶ πρὸσ τὰ αὐτὰ καλοί τε κἀγαθοὶ λέγονται, πρὸσ τὰ αὐτὰ δὲ καὶ τὰ σώματα τῶν ἀνθρώπων καλά τε κἀγαθὰ φαίνεται, πρὸσ ταὐτὰ δὲ καὶ τἆλλα πάντα οἷσ ἄνθρωποι χρῶνται καλά τε κἀγαθὰ νομίζεται, πρὸσ ἅπερ ἂν εὔχρηστα ᾖ. ἆρ’ οὖν, ἔφη, καὶ κόφινοσ κοπροφόροσ καλόν ἐστι;

νὴ Δί’, ἔφη, καὶ χρυσῆ γε ἀσπὶσ αἰσχρόν, ἐὰν πρὸσ τὰ ἑαυτῶν ἔργα ὁ μὲν καλῶσ πεποιημένοσ ᾖ, ἡ δὲ κακῶσ. λέγεισ σύ, ἔφη, καλά τε καὶ αἰσχρὰ τὰ αὐτὰ εἶναι; καὶ νὴ Δί’ ἔγωγ’, ἔφη, ἀγαθά τε καὶ κακά·

πολλάκισ γὰρ τό γε λιμοῦ ἀγαθὸν πυρετοῦ κακόν ἐστι καὶ τὸ πυρετοῦ ἀγαθὸν λιμοῦ κακόν ἐστι· πολλάκισ δὲ τὸ μὲν πρὸσ δρόμον καλὸν πρὸσ πάλην αἰσχρόν, τὸ δὲ πρὸσ πάλην καλὸν πρὸσ δρόμον αἰσχρόν· πάντα γὰρ ἀγαθὰ μὲν καὶ καλά ἐστι πρὸσ ἃ ἂν εὖ ἔχῃ, κακὰ δὲ καὶ αἰσχρὰ πρὸσ ἃ ἂν κακῶσ. καὶ οἰκίασ δὲ λέγων τὰσ αὐτὰσ καλάσ τε εἶναι καὶ χρησίμουσ παιδεύειν ἔμοιγ’ ἐδόκει, οἱάσ χρή, οἰκοδομεῖσθαι.

ἐπεσκόπει δὲ ὧδε· ἆρά γε τὸν μέλλοντα οἰκίαν, οἱάν χρή, ἔχειν τοῦτο δεῖ μηχανᾶσθαι, ὅπωσ ἡδίστη τε ἐνδιαιτᾶσθαι καὶ χρησιμωτάτη ἔσται; τούτου δὲ ὁμολογουμένου, οὐκοῦν ἡδὺ μὲν θέρουσ ψυχεινὴν ἔχειν, ἡδὺ δὲ χειμῶνοσ ἀλεεινήν;

ἐπειδὴ δὲ καὶ τοῦτο συμφαῖεν, οὐκοῦν ἐν ταῖσ πρὸσ μεσημβρίαν βλεπούσαισ οἰκίαισ τοῦ μὲν χειμῶνοσ ὁ ἥλιοσ εἰσ τὰσ παστάδασ ὑπολάμπει, τοῦ δὲ θέρουσ ὑπὲρ ἡμῶν αὐτῶν καὶ τῶν στεγῶν πορευόμενοσ σκιὰν παρέχει. οὐκοῦν, εἴ γε καλῶσ ἔχει ταῦτα οὕτω γίγνεσθαι, οἰκοδομεῖν δεῖ ὑψηλότερα μὲν τὰ πρὸσ μεσημβρίαν, ἵνα ὁ χειμερινὸσ ἥλιοσ μὴ ἀποκλείηται, χθαμαλώτερα δὲ τὰ πρὸσ ἄρκτον, ἵνα οἱ ψυχροὶ μὴ ἐμπίπτωσιν ἄνεμοι· ὡσ δὲ συνελόντι εἰπεῖν, ὅποι πάσασ ὡρ́ασ αὐτόσ τε ἂν ἥδιστα καταφεύγοι καὶ τὰ ὄντα ἀσφαλέστατα τιθοῖτο, αὕτη ἂν εἰκότωσ ἡδίστη τε καὶ καλλίστη οἴκησισ εἰή·

γραφαὶ δὲ καὶ ποικιλίαι πλείονασ εὐφροσύνασ ἀποστεροῦσιν ἢ παρέχουσι. ναοῖσ γε μὴν καὶ βωμοῖσ χώραν ἔφη εἶναι πρεπωδεστάτην ἥτισ ἐμφανεστάτη οὖσα ἀστιβεστάτη εἰή· ἡδὺ μὲν γὰρ ἰδόντασ προσεύξασθαι, ἡδὺ δὲ ἁγνῶσ ἔχοντασ προσιέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 8

(크세노폰, Memorabilia, Ἀπομνημονευμάτων Γ, chapter 8)

상위

목록

SEARCH

MENU NAVIGATION