Xenophon, Memorabilia, Ἀπομνημονευμάτων Γ, chapter 5 17:

πότε δὲ οὕτω πείσονται τοῖσ ἄρχουσιν, οἳ καὶ ἀγάλλονται ἐπὶ τῷ καταφρονεῖν τῶν ἀρχόντων; ἢ πότε οὕτωσ ὁμονοήσουσιν, οἵ γε ἀντὶ μὲν τοῦ συνεργεῖν ἑαυτοῖσ τὰ συμφέροντα ἐπηρεάζουσιν ἀλλήλοισ καὶ φθονοῦσιν ἑαυτοῖσ μᾶλλον ἢ τοῖσ ἄλλοισ ἀνθρώποισ, μάλιστα δὲ πάντων ἔν τε ταῖσ ἰδίαισ συνόδοισ καὶ ταῖσ κοιναῖσ διαφέρονται καὶ πλείστασ δίκασ ἀλλήλοισ δικάζονται καὶ προαιροῦνται μᾶλλον οὕτω κερδαίνειν ἀπ’ ἀλλήλων ἢ συνωφελοῦντεσ αὑτούσ, τοῖσ δὲ κοινοῖσ ὥσπερ ἀλλοτρίοισ χρώμενοι περὶ τούτων αὖ μάχονται καὶ ταῖσ εἰσ τὰ τοιαῦτα δυνάμεσι μάλιστα χαίρουσιν;