Xenophon, Memorabilia, Ἀπομνημονευμάτων Γ, chapter 12 4:

ἢ καταφρονεῖσ τῶν ἐπιτιμίων τῆσ καχεξίασ τούτων, καὶ ῥᾳδίωσ ἂν οἰεί φέρειν τὰ τοιαῦτα; καὶ μὴν οἶμαί γε πολλῷ ῥᾴω καὶ ἡδίω τούτων εἶναι ἃ δεῖ ὑπομένειν τὸν ἐπιμελόμενον τῆσ τοῦ σώματοσ εὐεξίασ. ἢ ὑγιεινότερόν τε καὶ εἰσ τἆλλα χρησιμώτερον νομίζεισ εἶναι τὴν καχεξίαν τῆσ εὐεξίασ, ἢ τῶν διὰ τὴν εὐεξίαν γιγνομένων καταφρονεῖσ;