Xenophon, Memorabilia, Ἀπομνημονευμάτων Γ, chapter 10 5:

ἆρ’ οὖν, ἔφη, γίγνεται ἐν ἀνθρώπῳ τό τε φιλοφρόνωσ καὶ τὸ ἐχθρῶσ βλέπειν πρόσ τινασ; ἔμοιγε δοκεῖ, ἔφη. οὐκοῦν τοῦτό γε μιμητὸν ἐν τοῖσ ὄμμασι; καὶ μάλα, ἔφη. ἐπὶ δὲ τοῖσ τῶν φίλων ἀγαθοῖσ καὶ τοῖσ κακοῖσ ὁμοίωσ σοι δοκοῦσιν ἔχειν τὰ πρόσωπα οἵ τε φροντίζοντεσ καὶ οἱ μή; μὰ Δί’ οὐ δῆτα, ἔφη· ἐπὶ μὲν γὰρ τοῖσ ἀγαθοῖσ φαιδροί, ἐπὶ δὲ τοῖσ κακοῖσ σκυθρωποὶ γίγνονται. οὐκοῦν, ἔφη, καὶ ταῦτα δυνατὸν ἀπεικάζειν;