Xenophon, Memorabilia, Ἀπομνημονευμάτων Γ, chapter 6 15:

ἀλλὰ μέντοι, ἔφη ὁ Σωκράτησ, οὐδ’ ἂν τὸν ἑαυτοῦ ποτε οἶκον καλῶσ τισ οἰκήσειεν, εἰ μὴ πάντα μὲν εἴσεται ὧν προσδεῖται, πάντων δὲ ἐπιμελόμενοσ ἐκπληρώσει. ἀλλ’ ἐπεὶ ἡ μὲν πόλισ ἐκ πλειόνων ἢ μυρίων οἰκιῶν συνέστηκε, χαλεπὸν δ’ ἐστὶν ἅμα τοσούτων οἴκων ἐπιμελεῖσθαι, πῶσ οὐχ ἕνα τὸν τοῦ θείου πρῶτον ἐπειράθησ αὐξῆσαι; δεῖται δέ. κἂν μὲν τοῦτον δύνῃ, καὶ πλείοσιν ἐπιχειρήσεισ· ἕνα δὲ μὴ δυνάμενοσ ὠφελῆσαι πῶσ ἂν πολλούσ γε δυνηθείησ; ὥσπερ, εἴ τισ ἓν τάλαντον μὴ δύναιτο φέρειν, πῶσ οὐ φανερὸν ὅτι πλείω γε φέρειν οὐδ’ ἐπιχειρητέον αὐτῷ;