Xenophon, Memorabilia, Ἀπομνημονευμάτων Γ, chapter 3 12:

λέγεισ, ἔφη, σὺ τὸν ἵππαρχον πρὸσ τοῖσ ἄλλοισ ἐπιμελεῖσθαι δεῖν καὶ τοῦ λέγειν δύνασθαι; σὺ δ’ ᾤου, ἔφη, χρῆναι σιωπῇ ἱππαρχεῖν; ἢ οὐκ ἐντεθύμησαι ὅτι, ὅσα τε νόμῳ μεμαθήκαμεν κάλλιστα ὄντα, δι’ ὧν γε ζῆν ἐπιστάμεθα, ταῦτα πάντα διὰ λόγου ἐμάθομεν, καὶ εἴ τι ἄλλο καλὸν μανθάνει τισ μάθημα, διὰ λόγου μανθάνει, καὶ οἱ ἄριστα διδάσκοντεσ μάλιστα λόγῳ χρῶνται καὶ οἱ τὰ σπουδαιότατα μάλιστα ἐπιστάμενοι κάλλιστα διαλέγονται;