헬라어 문장 검색 - Ηομερ́Οδψσσεψ́10́0́014́

(호메로스, 오디세이아, Book 10 14:)

"ἔνθεν δὲ προτέρω πλέομεν ἀκαχήμενοι ἦτορ, ἄσμενοι ἐκ θανάτοιο, φίλουσ ὀλέσαντεσ ἑταίρουσ. Αἰαίην δ’ ἐσ νῆσον ἀφικόμεθ’· ἔνθα δ’ ἔναιε Κίρκη ἐυπλόκαμοσ, δεινὴ θεὸσ αὐδήεσσα, αὐτοκασιγνήτη ὀλοόφρονοσ Αἰήταο· ἄμφω δ’ ἐκγεγάτην φαεσιμβρότου Ηἐλίοιο μητρόσ τ’ ἐκ Πέρσησ, τὴν Ὠκεανὸσ τέκε παῖδα. ἔνθα δ’ ἐπ’ ἀκτῆσ νηὶ κατηγαγόμεσθα σιωπῇ ναύλοχον ἐσ λιμένα, καί τισ θεὸσ ἡγεμόνευεν. ἔνθα τότ’ ἐκβάντεσ δύο τ’ ἤματα καὶ δύο νύκτασ κείμεθ’ ὁμοῦ καμάτῳ τε καὶ ἄλγεσι θυμὸν ἔδοντεσ. ἀλλ’ ὅτε δὴ τρίτον ἦμαρ ἐυπλόκαμοσ τέλεσ’ Ηὤσ, καὶ τότ’ ἐγὼν ἐμὸν ἔγχοσ ἑλὼν καὶ φάσγανον ὀξὺ καρπαλίμωσ παρὰ νηὸσ ἀνήιον ἐσ περιωπήν, εἴ πωσ ἔργα ἴδοιμι βροτῶν ἐνοπήν τε πυθοίμην. ἔστην δὲ σκοπιὴν ἐσ παιπαλόεσσαν ἀνελθών, καί μοι ἐείσατο καπνὸσ ἀπὸ χθονὸσ εὐρυοδείησ, Κίρκησ ἐν μεγάροισι, διὰ δρυμὰ πυκνὰ καὶ ὕλην. μερμήριξα δ’ ἔπειτα κατὰ φρένα καὶ κατὰ θυμὸν ἐλθεῖν ἠδὲ πυθέσθαι, ἐπεὶ ἴδον αἴθοπα καπνόν. ὧδε δέ μοι φρονέοντι δοάσσατο κέρδιον εἶναι, πρῶτ’ ἐλθόντ’ ἐπὶ νῆα θοὴν καὶ θῖνα θαλάσσησ δεῖπνον ἑταίροισιν δόμεναι προέμεν τε πυθέσθαι. ἀλλ’ ὅτε δὴ σχεδὸν ἠᾶ κιὼν νεὸσ ἀμφιελίσσησ, καὶ τότε τίσ με θεῶν ὀλοφύρατο μοῦνον ἐόντα, ὅσ ῥά μοι ὑψίκερων ἔλαφον μέγαν εἰσ ὁδὸν αὐτὴν ἧκεν. ὁ μὲν ποταμόνδε κατήιεν ἐκ νομοῦ ὕλησ πιόμενοσ· δὴ γάρ μιν ἔχεν μένοσ ἠελίοιο. τὸν δ’ ἐγὼ ἐκβαίνοντα κατ’ ἄκνηστιν μέσα νῶτα πλῆξα· τὸ δ’ ἀντικρὺ δόρυ χάλκεον ἐξεπέρησε, κὰδ δ’ ἔπεσ’ ἐν κονίῃσι μακών, ἀπὸ δ’ ἔπτατο θυμόσ. τῷ δ’ ἐγὼ ἐμβαίνων δόρυ χάλκεον ἐξ ὠτειλῆσ εἰρυσάμην· τὸ μὲν αὖθι κατακλίνασ ἐπὶ γαίῃ εἰάσ’· αὐτὰρ ἐγὼ σπασάμην ῥῶπάσ τε λύγουσ τε, πεῖσμα δ’, ὅσον τ’ ὄργυιαν, ἐυστρεφὲσ ἀμφοτέρωθεν πλεξάμενοσ συνέδησα πόδασ δεινοῖο πελώρου, βῆν δὲ καταλοφάδεια φέρων ἐπὶ νῆα μέλαιναν ἔγχει ἐρειδόμενοσ, ἐπεὶ οὔ πωσ ἠε͂ν ἐπ’ ὤμου χειρὶ φέρειν ἑτέρῃ· μάλα γὰρ μέγα θηρίον ἠε͂ν. κὰδ’ δ’ ἔβαλον προπάροιθε νεόσ, ἀνέγειρα δ’ ἑταίρουσ μειλιχίοισ ἐπέεσσι παρασταδὸν ἄνδρα ἕκαστον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Odyssey, Book 10 14:

(호메로스, 오디세이아, Book 10 14:)

상위

목록

SEARCH

MENU NAVIGATION