Homer, Odyssey, Book 7 15:

αὐτὰρ ἐπεὶ τό γ’ ἄκουσ’ ἱερὸν μένοσ Ἀλκινόοιο, χειρὸσ ἑλὼν Ὀδυσῆα δαί̈φρονα ποικιλομήτην ὦρσεν ἀπ’ ἐσχαρόφιν καὶ ἐπὶ θρόνου εἷσε φαεινοῦ, υἱὸν ἀναστήσασ ἀγαπήνορα Λαοδάμαντα, ὅσ οἱ πλησίον ἷζε, μάλιστα δέ μιν φιλέεσκεν. χέρνιβα δ’ ἀμφίπολοσ προχόῳ ἐπέχευε φέρουσα καλῇ χρυσείῃ ὑπὲρ ἀργυρέοιο λέβητοσ, νίψασθαι· παρὰ δὲ ξεστὴν ἐτάνυσσε τράπεζαν. σῖτον δ’ αἰδοίη ταμίη παρέθηκε φέρουσα, εἴδατα πόλλ’ ἐπιθεῖσα, χαριζομένη παρεόντων. αὐτὰρ ὁ πῖνε καὶ ἦσθε πολύτλασ δῖοσ Ὀδυσσεύσ. καὶ τότε κήρυκα προσέφη μένοσ Ἀλκινόοιο·