Epictetus, Works, book 2, Πρὸσ Ἐπικουρείουσ καὶ Ἀκαδημαικούσ. 26:

" εὖ, φιλόσοφε· ἐπίμενε, πεῖθε τοὺσ νέουσ, ἵνα πλείονασ ἔχωμεν ταὐτά σοι πεπονθότασ καὶ λέγοντασ. ἐκ τούτων τῶν λόγων ηὐξήθησαν ἡμῖν αἱ εὐνομούμεναι πόλεισ, Λακεδαίμων διὰ τούτουσ τοὺσ λόγουσ ἐγένετο, Λυκοῦργοσ ταῦτα τὰ πείσματα ἐνεποίησεν αὐτοῖσ διὰ τῶν νόμων αὐτοῦ καὶ τῆσ παιδείασ, ὅτι οὔτε τὸ δουλεύειν αἰσχρόν ἐστι μᾶλλον ἢ καλὸν οὔτε τὸ ἐλευθέρουσ εἶναι καλὸν μᾶλλον ἢ αἰσχρόν, οἱ ἐν Θερμοπύλαισ ἀποθανόντεσ διὰ ταῦτα τὰ δόγματα ἀπέθανον, Ἀθηναῖοι δὲ τὴν πόλιν διὰ ποίουσ ἄλλουσ λόγουσ ἀπέλιπον;