Epictetus, Works, book 2, Πῶσ ἀγωνιστέον πρὸσ τὰσ φαντασίασ.

(에픽테토스, Works, book 2, Πῶσ ἀγωνιστέον πρὸσ τὰσ φαντασίασ.)

Πᾶσα ἕξισ καὶ δύναμισ ὑπὸ τῶν καταλλήλων ἔργων συνέχεται καὶ αὔξεται, ἡ περιπατητικὴ ὑπὸ τοῦ περιπατεῖν, ἡ τροχαστικὴ ὑπὸ τοῦ τρέχειν. ἂν θέλῃσ ἀναγνωστικὸσ εἶναι, ἀναγίγνωσκε·

ἂν γραφικόσ, γράφε. ὅταν δὲ τριάκοντα ἐφεξῆσ ἡμέρασ μὴ ἀναγνῷσ, ἀλλ’ ἄλλο τι πράξῃσ, γνώσῃ τὸ γινόμενον. οὕτωσ κἂν ἀναπέσῃσ δέκα ἡμέρασ, ἀναστὰσ ἐπιχείρησον μακροτέραν ὁδὸν περιπατῆσαι καὶ ὄψει, πῶσ σου τὰ σκέλη παραλύεται.

καθόλου οὖν εἴ τι ποιεῖν ἐθέλῃσ, ἑκτικὸν ποίει αὐτό·

εἴ τι μὴ ποιεῖν ἐθέλῃσ, μὴ ποίει αὐτό, ἀλλ’ ἔθισον ἄλλο τι πράττειν μᾶλλον ἀντ’ αὐτοῦ. οὕτωσ ἔχει καὶ ἐπὶ τῶν ψυχικῶν·

ὅταν ὀργισθῇσ, γίγνωσκε ὅτι οὐ μόνον σοι τοῦτο γέγονεν κακόν, ἀλλ’ ὅτι καὶ τὴν ἕξιν ηὔξησασ καὶ ὡσ πυρὶ φρύγανα παρέβαλεσ. ὅταν ἡττηθῇσ τινοσ ἐν συνουσίᾳ, μὴ τὴν μίαν ἧτταν ταύτην λογίζου, ἀλλ’ ὅτι καὶ τὴν ἀκρασίαν σου τέτροφασ, ἐπηύξησασ.

ἀδύνατον γὰρ ἀπὸ τῶν καταλλήλων ἔργων μὴ καὶ τὰσ ἕξεισ καὶ τὰσ δυνάμεισ τὰσ μὲν ἐμφύεσθαι μὴ πρότερον οὔσασ, τὰσ δ’ ἐπιτείνεσθαι καὶ ἰσχυροποιεῖσθαι.

Οὕτωσ ἀμέλει καὶ τὰ ἀρρωστήματα ὑποφύεσθαι λέγουσιν οἱ φιλόσοφοι.

ὅταν γὰρ ἅπαξ ἐπιθυμήσῃσ ἀργυρίου, ἂν μὲν προσαχθῇ λόγοσ εἰσ αἴσθησιν ἄξ[ι]ων τοῦ κακοῦ, πέπαυταί τε ἡ ἐπιθυμία καὶ τὸ ἡγεμονικὸν ἡμῶν εἰσ τὸ ἐξαρχῆσ ἀποκατέστη· ἐὰν δὲ μηδὲν προσαγάγῃσ εἰσ θεραπείαν, οὐκέτι εἰσ ταὐτὰ ἐπάνεισιν, ἀλλὰ πάλιν ἐρεθισθὲν ὑπὸ τῆσ καταλλήλου φαντασίασ θᾶττον ἢ πρότερον ἐξήφθη πρὸσ τὴν ἐπιθυμίαν.

καὶ τούτου συνεχῶσ γινομένου τυλοῦται λοιπὸν καὶ τὸ ἀρρώστημα βεβαιοῖ τὴν φιλαργυρίαν. ὁ γὰρ πυρέξασ, εἶτα παυσάμενοσ οὐχ ὁμοίωσ ἔχει τῷ πρὸ τοῦ πυρέξαι, ἂν μή τι θεραπευθῇ εἰσ ἅπαν.

τοιοῦτόν τι καὶ ἐπὶ τῶν τῆσ ψυχῆσ παθῶν γίνεται.

ἴχνη τινὰ καὶ μώλωπεσ ἀπολείπονται ἐν αὐτῇ, οὓσ εἰ μή τισ ἐξαλείψῃ καλῶσ, πάλιν κατὰ τῶν αὐτῶν μαστιγωθεὶσ οὐκέτι μώλωπασ, ἀλλ’ ἕλκη ποιεῖ. μὴ τρέφε σου τὴν ἕξιν, μηδὲν αὐτῇ παράβαλλε αὐξητικόν.

τὴν πρώτην ἡσύχασον καὶ τὰσ ἡμέρασ ἀρίθμει ἃσ οὐκ ὠργίσθησ. "καθ’ ἡμέραν εἰώθειν ὀργίζεσθαι, νῦν παρ’ ἡμέραν, εἶτα παρὰ δύο, εἶτα παρὰ τρεῖσ.

" ἂν δὲ καὶ τριάκοντα παραλίπῃσ, ἐπίθυσον τῷ θεῷ. ἡ γὰρ ἕξισ ἐκλύεται τὴν πρώτην, εἶτα καὶ παντελῶσ ἀναιρεῖται. "σήμερον οὐκ ἐλυπήθην οὐδ’ αὔριον οὐδ’ ἐφεξῆσ διμήνῳ καὶ τριμήνῳ·

ἀλλὰ προσέσχον γενομένων τινῶν ἐρεθιστικῶν. " γίγνωσκε ὅτι κομψῶσ σοί ἐστιν. "σήμερον καλὸν ἰδὼν ἢ καλὴν οὐκ εἶπον αὐτὸσ ἐμαυτῷ ὅτι "ὤφελόν τισ μετὰ ταύτησ ἐκοιμήθη" καὶ "μακάριοσ ὁ ἀνὴρ αὐτῆσ"·

ὁ γὰρ τοῦτ’ εἰπὼν "μακάριοσ" καὶ " 3ὁ μοιχόσ"· οὐδὲ τὰ ἑξῆσ ἀναζωγραφῶ, παροῦσαν αὐτὴν καὶ ἀποδυομένην καὶ παρακατακλινομένην.

καταψῶ τὴν κορυφήν μου καὶ λέγω·

εὖ, Ἐπίκτητε, κομψὸν σοφισμάτιον ἔλυσασ, πολλῷ κομψότερον τοῦ Κυριεύοντοσ. ἂν δὲ καὶ βουλομένου τοῦ γυναικαρίου καὶ νεύοντοσ καὶ προσπέμποντοσ, ἂν δὲ καὶ ἁπτομένου καὶ συνεγγίζοντοσ ἀπόσχωμαι καὶ νικήσω, τοῦτο μὲν ἤδη τὸ σόφισμα ὑπὲρ τὸν Ψευδόμενον, ὑπὲρ τὸν Ἡσυχάζοντα.

ἐπὶ τούτῳ καὶ μέγα φρονεῖν ἄξιον, οὐκ ἐπὶ τῷ τὸν Κυριεύοντα ἐρωτῆσαι. Πῶσ οὖν γένηται τοῦτο; θέλησον ἀρέσαι αὐτόσ ποτε σεαυτῷ, θέλησον καλὸσ φανῆναι τῷ θεῷ·

ἐπιθύμησον καθαρὸσ μετὰ καθαροῦ σαυτοῦ γενέσθαι καὶ μετὰ τοῦ θεοῦ. εἶθ’ ὅταν προσπίπτῃ σοί τισ φαντασία τοιαύτη, Πλάτων μὲν ὅτι ἴθι ἐπὶ τὰσ ἀποδιοπομπήσεισ, ἴθι ἐπὶ θεῶν ἀποτροπαίων ἱερὰ ἱκέτησ·

ἀρκεῖ κἂν ἐπὶ τὰσ τῶν καλῶν καὶ ἀγαθῶν ἀνδρῶν συνουσίασ ἀποχωρήσασ πρὸσ τούτῳ γίνῃ ἀντεξετάζων, ἄν τε τῶν ζώντων τινὰ ἔχῃσ ἄν τε τῶν ἀποθανόντων.

ἄπελθε πρὸσ Σωκράτη καὶ ἴδε αὐτὸν συγκατακείμενον Ἀλκιβιάδῃ καὶ διαπαίζοντα αὐτοῦ τὴν ὡρ́αν.

ἐνθυμήθητι οἱάν νίκην ποτὲ ἔγνω ἐκεῖνοσ νενικηκότα ἑαυτόν, οἱᾶ Ὀλύμπια, πόστοσ ἀφ’ Ἡρακλέουσ ἐγένετο· ἵνα τισ, νὴ τοὺσ θεούσ, δικαίωσ ἀσπάζηται αὐτὸν "χαῖρε, παράδοξε", οὐχὶ τοὺσ σαπροὺσ τούτουσ πύκτασ καὶ παγκρατιαστὰσ οὐδὲ τοὺσ ὁμοίουσ αὐτοῖσ, τοὺσ μονομάχουσ. ταῦτα ἀντιθεὶσ νικήσεισ τὴν φαντασίαν, οὐχ ἑλκυσθήσῃ ὑπ’ αὐτῆσ.

τὸ πρῶτον δ’ ὑπὸ τῆσ ὀξύτητοσ μὴ συναρπασθῇσ, ἀλλ’ εἰπὲ "ἔκδεξαί με μικρόν, φαντασία·

ἄφεσ ἴδω τίσ εἶ καὶ περὶ τίνοσ, ἄφεσ σε δοκιμάσω. " καὶ τὸ λοιπὸν μὴ ἐφῇσ αὐτῇ προάγειν ἀναζωγραφούσῃ τὰ ἑξῆσ.

εἰ δὲ μή, οἴχεταί σε ἔχουσα ὅπου ἂν θέλῃ. ἀλλὰ μᾶλλον ἄλλην τινὰ ἀντεισάγαγε καλὴν καὶ γενναίαν φαντασίαν καὶ ταύτην τὴν ῥυπαρὰν ἔκβαλε. κἂν ἐθισθῇσ οὕτωσ γυμνάζεσθαι, ὄψει, οἱοῖ ὦμοι γίνονται, οἱᾶ νεῦρα, οἱοῖ τόνοι·

νῦν δὲ μόνον τὰ λογάρια καὶ πλέον οὐδὲ ἕν. Οὗτόσ ἐστιν ὁ ταῖσ ἀληθείαισ ἀσκητὴσ ὁ πρὸσ τὰσ τοιαύτασ φαντασίασ γυμνάζων ἑαυτόν.

μεῖνον, τάλασ, μὴ συναρπασθῇσ.

μέγασ ὁ ἀγών ἐστιν, θεῖον τὸ ἔργον, ὑπὲρ βασιλείασ, ὑπὲρ ἐλευθερίασ, ὑπὲρ εὐροίασ, ὑπὲρ ἀταραξίασ. τοῦ θεοῦ μέμνησο, ἐκεῖνον ἐπικαλοῦ βοηθὸν καὶ παραστάτην ὡσ τοὺσ Διοσκόρουσ ἐν χειμῶνι οἱ πλέοντεσ.

ποῖοσ γὰρ μείζων χειμὼν ἢ ὁ ἐκ φαντασιῶν ἰσχυρῶν καὶ ἐκκρουστικῶν τοῦ λόγου; αὐτὸσ γὰρ ὁ χειμὼν τί ἄλλο ἐστὶν ἢ φαντασία; ἐπεί τοι ἆρον τὸν φόβον τοῦ θανάτου καὶ φέρε ὅσασ θέλεισ βροντὰσ καὶ ἀστραπὰσ καὶ γνώσῃ, ὅση γαλήνη ἐστὶν ἐν τῷ ἡγεμονικῷ καὶ εὐδία.

ἂν δ’ ἅπαξ ἡττηθεὶσ εἴπῃσ ὅτι ὕστερον νικήσεισ, εἶτα πάλιν τὸ αὐτό, ἴσθι ὅτι οὕτωσ ποθ’ ἕξεισ κακῶσ καὶ ἀσθενῶσ, ὥστε μηδ’ ἐφιστάνειν ὕστερον ὅτι ἁμαρτάνεισ, ἀλλὰ καὶ ἀπολογίασ ἄρξῃ πορίζειν ὑπὲρ τοῦ πράγματοσ·

καὶ τότε βεβαιώσεισ τὸ τοῦ Ἡσιόδου, ὅτι ἀληθέσ ἐστιν αἰεὶ δ’ ἀμβολιεργὸσ ἀνὴρ ἄτῃσι παλαίει.

상위

Works

목록

일치하는 문장이 없습니다.

SEARCH

MENU NAVIGATION