Epictetus, Works, book 2, Πρὸσ Ἐπικουρείουσ καὶ Ἀκαδημαικούσ.

(에픽테토스, Works, book 2, Πρὸσ Ἐπικουρείουσ καὶ Ἀκαδημαικούσ.)

Τοῖσ ὑγιέσι καὶ ἐναργέσιν ἐξ ἀνάγκησ καὶ οἱ ἀντιλέγοντεσ προσχρῶνται. καὶ σχεδὸν τοῦτο μέγιστον ἄν τισ ποιήσαιτο τεκμήριον τοῦ ἐναργέσ τι εἶναι, τὸ ἐπάναγκεσ εὑρίσκεσθαι καὶ τῷ ἀντιλέγοντι συγχρήσασθαι αὐτῷ· οἱο͂ν εἴ τισ ἀντιλέγοι τῷ εἶναί τι καθολικὸν ἀληθέσ, δῆλον ὅτι τὴν ἐναντίαν ἀπόφασιν οὗτοσ ὀφείλει ποιήσασθαι· οὐδέν ἐστι καθολικὸν ἀληθέσ.

ἀνδράποδον, οὐδὲ τοῦτο. τί γὰρ ἄλλο ἐστὶ τοῦτο ἢ οἱο͂ν εἴ τι ἔστι καθολικόν, ψεῦδόσ ἐστιν;

πάλιν ἄν τισ παρελθὼν λέγῃ "γίγνωσκε, ὅτι οὐδέν ἐστι γνωστόν, ἀλλὰ πάντα ἀτέκμαρτα" ἢ ἄλλοσ ὅτι "πίστευσόν μοι καὶ ὠφεληθήσῃ·

οὐδὲν δεῖ ἀνθρώπῳ πιστεύειν" ἢ πάλιν ἄλλοσ "μάθε παρ’ ἐμοῦ, ἄνθρωπε, ὅτι οὐδὲν ἐνδέχεται μαθεῖν· ἐγώ σοι λέγω τοῦτο καὶ διδάξω σε, ἐὰν θέλῃσ" 3· τίνι οὖν τούτων διαφέρουσιν οὗτοι ‐ τίνεσ ποτέ;

‐ οἱ Ἀκαδημαικοὺσ αὑτοὺσ λέγοντεσ; "ὦ ἄνθρωποι, συγκατάθεσθε ὅτι οὐδεὶσ συγκατατίθεται· πιστεύσατε ἡμῖν ὅτι οὐδεὶσ πιστεύει οὐδενί. ὅταν ἀναιρεῖν θέλῃ τὴν φυσικὴν κοινωνίαν ἀνθρώποισ πρὸσ ἀλλήλουσ, αὐτῷ τῷ ἀναιρουμένῳ συγχρῆται.

τί γὰρ λέγει;

"μὴ ἐξαπατᾶσθε, ἄνθρωποι, μηδὲ παράγεσθε μηδὲ διαπίπτετε· οὐκ ἔστι φυσικὴ κοινωνία τοῖσ λογικοῖσ πρὸσ ἀλλήλουσ· πιστεύσατέ μοι. οἱ δὲ τὰ ἕτερα λέγοντεσ ἐξαπατῶσιν ὑμᾶσ καὶ παραλογίζονται. " τί οὖν σοι μέλει;

ἄφεσ ἡμᾶσ ἐξαπατηθῆναι. μή τι χεῖρον ἀπαλλάξεισ, ἂν πάντεσ οἱ ἄλλοι πεισθῶμεν, ὅτι φυσική ἐστιν ἡμῖν κοινωνία πρὸσ ἀλλήλουσ καὶ ταύτην δεῖ παντὶ τρόπῳ φυλάσσειν; καὶ πολὺ κρεῖσσον καὶ ἀσφαλέστερον. ἄνθρωπε, τί ὑπὲρ ἡμῶν φροντίζεισ, τί δι’ ἡμᾶσ ἀγρυπνεῖσ, τί λύχνον ἅπτεισ, τί ἐπανίστασαι, τί τηλικαῦτα βιβλία συγγράφεισ;

μή τισ ἡμῶν ἐξαπατηθῇ περὶ θεῶν ὡσ ἐπιμελουμένων ἀνθρώπων ἢ μή τισ ἄλλην οὐσίαν ὑπολάβῃ τοῦ ἀγαθοῦ ἢ ἡδονήν; εἰ γὰρ οὕτωσ ταῦτα ἔχει, βαλὼν κάθευδε καὶ τὰ τοῦ σκώληκοσ ποίει, ὧν ἄξιον ἔκρινασ σεαυτόν·

ἔσθιε καὶ πῖνε καὶ συνουσίαζε καὶ ἀφόδευε καὶ ῥέγκε. τί δὲ σοὶ μέλει, πῶσ οἱ ἄλλοι ὑπολήψονται περὶ τούτων, πότερον ὑγιῶσ ἢ οὐχ ὑγιῶσ;

τί γὰρ σοὶ καὶ ἡμῖν; τῶν γὰρ προβάτων σοι μέλει, ὅτι παρέχει ἡμῖν αὑτὰ καρησόμενα καὶ ἀμελχθησόμενα καὶ τὸ τελευταῖον κατακοπησόμενα; οὐχὶ δ’ εὐκταῖον ἦν, εἰ ἐδύναντο οἱ ἄνθρωποι κατακηληθέντεσ καὶ ἐπᾳσθέντεσ ὑπὸ τῶν Στωικῶν ἀπονυστάζειν καὶ παρέχειν σοι καὶ τοῖσ ὁμοίοισ καρησομένουσ καὶ ἀμελχθησομένουσ ἑαυτούσ;

πρὸσ γὰρ τοὺσ Συνεπικουρείουσ ἔδει σε ταῦτα λέγειν, οὐχὶ δὲ πρὸσ ἐκείνουσ ἀποκρύπτεσθαι, πολὺ μάλιστ’ ἐκείνουσ πρὸ πάντων ἀναπείθειν, ὅτι φύσει κοινωνικοὶ γεγόναμεν, ὅτι ἀγαθὸν ἡ ἐγκράτεια, ἵνα σοι πάντα τηρῆται;

ἢ πρόσ τινασ μὲν δεῖ φυλάττειν ταύτην τὴν κοινωνίαν, πρόσ τινασ δ’ οὔ;

πρὸσ τίνασ οὖν δεῖ τηρεῖν; πρὸσ τοὺσ ἀντιτηροῦντασ ἢ πρὸσ τοὺσ παραβατικῶσ αὐτῆσ ἔχοντασ; καὶ τίνεσ παραβατικώτερον αὐτῆσ ἔχουσιν ὑμῶν τῶν ταῦτα διειληφότων; Τί οὖν ἦν τὸ ἐγεῖρον αὐτὸν ἐκ τῶν ὕπνων καὶ ἀναγκάζον γράφειν ἃ ἔγραφεν;

τί γὰρ ἄλλο ἢ τὸ πάντων τῶν ἐν ἀνθρώποισ ἰσχυρότατον, ἡ φύσισ ἕλκουσα ἐπὶ τὸ αὑτῆσ βούλημα ἄκοντα καὶ στένοντα; "ὅτι γὰρ δοκεῖ σοι ταῦτα τὰ ἀκοινώνητα, γράψον αὐτὰ καὶ ἄλλοισ ἀπόλιπε καὶ ἀγρύπνησον δι’ αὐτὰ καὶ αὐτὸσ ἔργῳ κατήγοροσ γενοῦ τῶν σαυτοῦ δογμάτων.

" εἶτα Ὀρέστην μὲν ὑπὸ Ἐρινύων ἐλαυνόμενον φῶμεν ἐκ τῶν ὕπνων ἐξεγείρεσθαι·

τούτῳ δ’ οὐ χαλεπώτεραι αἱ Ἐρινύεσ καὶ Ποιναί; ἐξήγειρον καθεύδοντα καὶ οὐκ εἰών ἠρεμεῖν, ἀλλ’ ἠνάγκαζον ἐξαγγέλλειν τὰ αὑτοῦ κακὰ ὥσπερ τοὺσ Γάλλουσ ἡ μανία καὶ ὁ οἶνοσ. οὕτωσ ἰσχυρόν τι καὶ ἀνίκητόν ἐστιν ἡ φύσισ ἡ ἀνθρωπίνη.

πῶσ γὰρ δύναται ἄμπελοσ μὴ ἀμπελικῶσ κινεῖσθαι, ἀλλ’ ἐλαικῶσ, ἢ ἐλαία πάλιν μὴ ἐλαικῶσ, ἀλλ’ ἀμπελικῶσ; ἀμήχανον, ἀδιανόητον. οὐ τοίνυν οὐδ’ ἄνθρωπον οἱο͂́ν τε παντελῶσ ἀπολέσαι τὰσ κινήσεισ τὰσ ἀνθρωπικὰσ καὶ οἱ ἀποκοπτόμενοι τάσ γε προθυμίασ τὰσ τῶν ἀνδρῶν ἀποκόψασθαι οὐ δύνανται.

οὕτωσ καὶ Ἐπίκουροσ τὰ μὲν ἀνδρὸσ πάντ’ ἀπεκόψατο καὶ τὰ οἰκοδεσπότου καὶ πολίτου καὶ φίλου, τὰσ δὲ προθυμίασ τὰσ ἀνθρωπικὰσ οὐκ ἀπεκόψατο·

οὐ γὰρ ἠδύνατο, οὐ μᾶλλον ἢ οἱ ἀταλαίπωροι Ἀκαδημαικοὶ τὰσ αἰσθήσεισ τὰσ αὑτῶν ἀποβαλεῖν ἢ ἀποτυφλῶσαι δύνανται καίτοι τοῦτο μάλιστα πάντων ἐσπουδακότεσ. Τίσ ἢ ἀτυχίασ;

λαβών τισ παρὰ τῆσ φύσεωσ μέτρα καὶ κανόνασ εἰσ ἐπίγνωσιν τῆσ ἀληθείασ οὐ προσφιλοτεχνεῖ τούτοισ προσθεῖναι καὶ προσεξεργάσασθαι τὰ λείποντα, ἀλλὰ πᾶν τοὐναντίον, εἴ τι καὶ ἔχει γνωριστικὸν τῆσ ἀληθείασ, ἐξαιρεῖν πειρᾶται καὶ ἀπολλύειν. τί λέγεισ, φιλόσοφε;

τὸ εὐσεβὲσ καὶ τὸ ὅσιον ποῖόν τί σοι φαίνεται; "ἂν θέλῃσ, κατασκευάσω ὅτι ἀγαθόν. " ναὶ κατασκεύασον, ἵν’ οἱ πολῖται ἡμῶν ἐπιστραφέντεσ τιμῶσι τὸ θεῖον καὶ παύσωνταί ποτε ῥᾳθυμοῦντεσ περὶ τὰ μέγιστα. "ἔχεισ οὖν τὰσ κατασκευάσ; ἔχω καὶ χάριν οἶδα. "ἐπεὶ οὖν ταῦτά σοι λίαν ἀρέσκει, λάβε τὰ ἐναντία·

ὅτι θεοὶ οὔτ’ εἰσίν, εἴ τε καὶ εἰσίν, οὐκ ἐπιμελοῦνται ἀνθρώπων οὐδὲ κοινόν τι ἡμῖν ἐστι πρὸσ αὐτοὺσ τό τ’ εὐσεβὲσ τοῦτο καὶ ὅσιον παρὰ τοῖσ πολλοῖσ ἀνθρώποισ λαλούμενον κατάψευσμά ἐστιν ἀλαζόνων ἀνθρώπων καὶ σοφιστῶν ἢ νὴ Δία νομοθετῶν εἰσ φόβον καὶ ἐπίσχεσιν τῶν ἀδικούντων. " εὖ, φιλόσοφε·

ὠφέλησασ ἡμῶν τοὺσ πολίτασ, ἀνεκτήσω τοὺσ νέουσ ῥέποντασ ἤδη πρὸσ καταφρόνησιν τῶν θείων. "τί οὖν;

οὐκ ἀρέσκει σοι ταῦτα; λάβε νῦν, πῶσ ἡ δικαιοσύνη οὐδέν ἐστιν, πῶσ ἡ αἰδὼσ μωρία ἐστίν, πῶσ πατὴρ οὐδέν ἐστιν, πῶσ ὁ υἱὸσ οὐδέν ἐστιν. " εὖ, φιλόσοφε·

ἐπίμενε, πεῖθε τοὺσ νέουσ, ἵνα πλείονασ ἔχωμεν ταὐτά σοι πεπονθότασ καὶ λέγοντασ. ἐκ τούτων τῶν λόγων ηὐξήθησαν ἡμῖν αἱ εὐνομούμεναι πόλεισ, Λακεδαίμων διὰ τούτουσ τοὺσ λόγουσ ἐγένετο, Λυκοῦργοσ ταῦτα τὰ πείσματα ἐνεποίησεν αὐτοῖσ διὰ τῶν νόμων αὐτοῦ καὶ τῆσ παιδείασ, ὅτι οὔτε τὸ δουλεύειν αἰσχρόν ἐστι μᾶλλον ἢ καλὸν οὔτε τὸ ἐλευθέρουσ εἶναι καλὸν μᾶλλον ἢ αἰσχρόν, οἱ ἐν Θερμοπύλαισ ἀποθανόντεσ διὰ ταῦτα τὰ δόγματα ἀπέθανον, Ἀθηναῖοι δὲ τὴν πόλιν διὰ ποίουσ ἄλλουσ λόγουσ ἀπέλιπον; εἶτα οἱ λέγοντεσ ταῦτα γαμοῦσι καὶ παιδοποιοῦνται καὶ πολιτεύονται καὶ ἱερεῖσ καθιστᾶσιν αὑτοὺσ καὶ προφήτασ.

τίνων; τῶν οὐκ ὄντων· καὶ τὴν Πυθίαν ἀνακρίνουσιν αὐτοί, ἵνα τὰ ψευδῆ πύθωνται, καὶ ἄλλοισ τοὺσ χρησμοὺσ ἐξηγοῦνται. ὦ μεγάλησ ἀναισχυντίασ καὶ γοητείασ. Ἄνθρωπε, τί ποιεῖσ; αὐτὸσ σεαυτὸν ἐξελέγχεισ καθ’ ἡμέραν καὶ οὐ θέλεισ ἀφεῖναι τὰ ψυχρὰ ταῦτα ἐπιχειρήματα;

ἐσθίων ποῦ φέρεισ τὴν χεῖρα; εἰσ τὸ στόμα ἢ εἰσ τὸν ὀφθαλμόν; λουόμενοσ ποῦ ἐμβαίνεισ; πότε τὴν χύτραν εἶπεσ λο[υ]πάδα ἢ τὴν τορύνην ὀβελίσκον; εἴ τινοσ αὐτῶν δοῦλοσ ἤμην, εἰ καὶ ἔδει με καθ’ ἡμέραν ὑπ’ αὐτοῦ ἐκδέρεσθαι, ἐγὼ ἂν αὐτὸν ἐστρέβλουν.

"βάλε ἐλάδιον, παιδάριον, εἰσ τὸ βαλανεῖον. " ἔβαλον ἂν γάριον καὶ ἀπελθὼν κατὰ τῆσ κεφαλῆσ αὐτοῦ κατέχεον. "τί τοῦτο; "φαντασία μοι ἐγένετο ἐλαίου ἀδιάκριτοσ, ὁμοιοτάτη, νὴ τὴν σὴν τύχην. " "δὸσ ὧδε τὴν πτισάνην.

" ἤνεγκα ἂν αὐτῷ γεμίσασ παροψίδα ὀξογάρου. "οὐκ ᾔτησα τὴν πτισάνην; "ναὶ κύριε· τοῦτο πτισάνη ἐστίν. " "τοῦτο οὐκ ἔστιν ὀξόγαρον; "τί μᾶλλον ἢ πτισάνη; "λάβε καὶ ὀσφράνθητι, λάβε καὶ γεῦσαι. " "πόθεν οὖν οἶδασ, εἰ αἱ αἰσθήσεισ ἡμᾶσ ψεύδονται; " τρεῖσ, τέσσαρασ τῶν συνδούλων εἰ ἔσχον ὁμονοοῦντασ, ἀπάγξασθαι ἂν αὐτὸν ἐποίησα ῥηγνύμενον ἢ μεταθέσθαι.

νῦν δ’ ἐντρυφῶσιν ἡμῖν τοῖσ μὲν παρὰ τῆσ φύσεωσ διδομένοισ πᾶσι χρώμενοι, λόγῳ δ’ αὐτὰ ἀναιροῦντεσ. Εὐχάριστοί γ’ ἄνθρωποι καὶ αἰδήμονεσ. εἰ μηδὲν ἄλλο καθ’ ἡμέραν ἄρτουσ ἐσθίοντεσ τολμῶσι λέγειν ὅτι "οὐκ οἴδαμεν, εἰ ἔστι τισ Δημήτηρ ἢ Κόρη ἢ Πλούτων"·

ὅτι νυκτὸσ καὶ ἡμέρασ ἀπολαύοντεσ καὶ μεταβολῶν τοῦ ἔτουσ καὶ ἄστρων καὶ θαλάσσησ καὶ γῆσ καὶ τῆσ παρ’ ἀνθρώπων συνεργ[ε]ίασ ὑπ’ οὐδενὸσ τούτων οὐδὲ κατὰ ποσὸν ἐπιστρέφονται, ἀλλὰ μόνον ἐξεμέσαι τὸ προβλημάτιον ζητοῦσι καὶ τὸν στόμαχον γυμνάσαντεσ ἀπελθεῖν εἰσ βαλανεῖον.

τί δ’ ἐροῦσι καὶ περὶ τίνων ἢ πρὸσ τίνασ καὶ τί ἔσται αὐτοῖσ ἐκ τῶν λόγων τούτων, οὐδὲ κατὰ βραχὺ πεφροντίκασι·

μή τι νέοσ εὐγενὴσ ἀκούσασ τῶν λόγων τούτων πάθῃ τι ὑπ’ αὐτῶν ἢ καὶ παθὼν πάντ’ ἀπολέσῃ τὰ τῆσ εὐγενείασ σπέρματα· μή τινι μοιχεύοντι ἀφορμὰσ παράσχωμεν τοῦ ἀπαναισχυντῆσαι πρὸσ τὰ γινόμενα·

μή τισ τῶν νοσφιζομένων τὰ δημόσια εὑρεσιλογίασ τινὸσ ἐπιλάβηται ἀπὸ τῶν λόγων τούτων· μή τισ τῶν αὑτοῦ γονέων ἀμελῶν θράσοσ τι καὶ ἀπὸ τούτων προσλάβῃ. τί οὖν κατὰ σὲ ἀγαθὸν ἢ κακόν, αἰσχρὸν ἢ καλόν; ταῦτα ἢ ταῦτα;

τί οὖν; ἔτι τούτων τισ ἀντιλέγει τινὶ ἢ λόγον δίδωσιν ἢ λαμβάνει ἢ μεταπείθειν πειρᾶται; πολὺ νὴ Δία μᾶλλον τοὺσ κιναίδουσ ἐλπίσαι τισ ἂν μεταπείσειν ἢ τοὺσ ἐπὶ τοσοῦτον ἀποκεκωφωμένουσ καὶ ἀποτετυφλωμένουσ.

상위

Works

목록

일치하는 문장이 없습니다.

SEARCH

MENU NAVIGATION