헬라어 문장 검색 - ΧενοπήΜεμοραβ́3́04́

(크세노폰, Memorabilia, Ἀπομνημονευμάτων Γ, chapter 4)

ἰδὼν δέ ποτε Νικομαχίδην ἐξ ἀρχαιρεσιῶν ἀπιόντα ἤρετο· τίνεσ, ὦ Νικομαχίδη, στρατηγοὶ ᾕρηνται; καὶ ὅσ, οὐ γάρ, ἔφη, ὦ Σώκρατεσ, τοιοῦτοί εἰσιν Ἀθηναῖοι, ὥστε ἐμὲ μὲν οὐχ εἵλοντο, ὃσ ἐκ καταλόγου στρατευόμενοσ κατατέτριμμαι καὶ λοχαγῶν καὶ ταξιαρχῶν καὶ τραύματα ὑπὸ τῶν πολεμίων τοσαῦτα ἔχων ‐ ἅμα δὲ καὶ τὰσ οὐλὰσ τῶν τραυμάτων ἀπογυμνούμενοσ ἐπεδείκνυεν ‐ Ἀντισθένη δὲ, ἔφη, εἵλοντο τὸν οὔτε ὁπλίτην πώποτε στρατευσάμενον ἔν τε τοῖσ ἱππεῦσιν οὐδὲν περίβλεπτον ποιήσαντα ἐπιστάμενόν τε ἄλλο οὐδὲν ἢ χρήματα συλλέγειν; οὐκοῦν, ἔφη ὁ Σωκράτησ, τοῦτο μὲν ἀγαθόν, εἴ γε τοῖσ στρατιώταισ ἱκανὸσ ἔσται τὰ ἐπιτήδεια πορίζειν;

καὶ γὰρ οἱ ἔμποροι, ἔφη ὁ Νικομαχίδησ, χρήματα συλλέγειν ἱκανοί εἰσιν. ἀλλ’ οὐχ ἕνεκα τούτου καὶ στρατηγεῖν δύναιντ’ ἄν. καὶ ὁ Σωκράτησ ἔφη·

ἀλλὰ καὶ φιλόνικοσ Ἀντισθένησ ἐστίν, ὃ στρατηγῷ προσεῖναι ἐπιτήδειόν ἐστιν· οὐχ ὁρᾷσ ὅτι καὶ ὁσάκισ κεχορήγηκε πᾶσι τοῖσ χοροῖσ νενίκηκε; μὰ Δί’, ἔφη ὁ Νικομαχίδησ, ἀλλ’ οὐδὲν ὅμοιόν ἐστι χοροῦ τε καὶ στρατεύματοσ προεστάναι. καὶ μήν, ἔφη ὁ Σωκράτησ, οὐδὲ ᾠδῆσ γε ὁ Ἀντισθένησ οὐδὲ χορῶν διδασκαλίασ ἔμπειροσ ὢν ὅμωσ ἐγένετο ἱκανὸσ εὑρεῖν τοὺσ κρατίστουσ ταῦτα.

καὶ ἐν τῇ στρατηγίᾳ οὖν, ἔφη ὁ Νικομαχίδησ, ἄλλουσ μὲν εὑρήσει τοὺσ τάξοντασ ἀνθ’ ἑαυτοῦ, ἄλλουσ δὲ τοὺσ μαχουμένουσ. οὐκοῦν, ἔφη ὁ Σωκράτησ, ἐάν γε καὶ ἐν τοῖσ πολεμικοῖσ τοὺσ κρατίστουσ, ὥσπερ ἐν τοῖσ χορικοῖσ, ἐξευρίσκῃ τε καὶ προαιρῆται, εἰκότωσ ἂν καὶ τούτου νικηφόροσ εἰή·

καὶ δαπανᾶν δ’ αὐτὸν εἰκὸσ μᾶλλον ἂν ἐθέλειν εἰσ τὴν σὺν ὅλῃ τῇ πόλει τῶν πολεμικῶν νίκην ἢ εἰσ τὴν σὺν τῇ φυλῇ τῶν χορικῶν. λέγεισ σύ, ἔφη, ὦ Σώκρατεσ, ὡσ τοῦ αὐτοῦ ἀνδρόσ ἐστι χορηγεῖν τε καλῶσ καὶ στρατηγεῖν;

λέγω ἔγωγ’, ἔφη, ὡσ, ὅτου ἄν τισ προστατεύῃ, ἐὰν γιγνώσκῃ τε ὧν δεῖ καὶ ταῦτα πορίζεσθαι δύνηται, ἀγαθὸσ ἂν εἰή προστάτησ, εἴτε χοροῦ εἴτε οἴκου εἴτε πόλεωσ εἴτε στρατεύματοσ προστατεύοι. καὶ ὁ Νικομαχίδησ, μὰ Δί’, ἔφη, ὦ Σώκρατεσ, οὐκ ἄν ποτε ᾤμην ἐγὼ σοῦ ἀκοῦσαι ὡσ οἱ ἀγαθοὶ οἰκονόμοι ἀγαθοὶ στρατηγοὶ ἂν εἰε͂ν.

ἴθι δή, ἔφη, ἐξετάσωμεν τὰ ἔργα ἑκατέρου αὐτῶν, ἵνα εἰδῶμεν πότερον τὰ αὐτά ἐστιν ἢ διαφέρει τι. πάνυ γε, ἔφη. οὐκοῦν, ἔφη, τὸ μὲν τοὺσ ἀρχομένουσ κατηκόουσ τε καὶ εὐπειθεῖσ ἑαυτοῖσ παρασκευάζειν ἀμφοτέρων ἐστὶν ἔργον;

καὶ μάλα, ἔφη. τί δέ; τὸ προστάττειν ἕκαστα τοῖσ ἐπιτηδείοισ πράττειν; καὶ τοῦτ’, ἔφη. καὶ μὴν τὸ τοὺσ κακοὺσ κολάζειν καὶ τοὺσ ἀγαθοὺσ τιμᾶν ἀμφοτέροισ οἶμαι προσήκειν. πάνυ μὲν οὖν, ἔφη.

τὸ δὲ τοὺσ ὑπηκόουσ εὐμενεῖσ ποιεῖσθαι πῶσ οὐ καλὸν ἀμφοτέροισ; καὶ τοῦτ’, ἔφη. συμμάχουσ δὲ καὶ βοηθοὺσ προσάγεσθαι δοκεῖ σοι συμφέρειν ἀμφοτέροισ ἢ οὔ; πάνυ μὲν οὖν, ἔφη. ἀλλὰ φυλακτικοὺσ τῶν ὄντων οὐκ ἀμφοτέρουσ εἶναι προσήκει; σφόδρα γ’, ἔφη. οὐκοῦν καὶ ἐπιμελεῖσ καὶ φιλοπόνουσ ἀμφοτέρουσ εἶναι προσήκει περὶ τὰ αὑτῶν ἔργα; ταῦτα μέν, ἔφη, πάντα ὁμοίωσ ἀμφοτέρων ἐστίν·

ἀλλὰ τὸ μάχεσθαι οὐκέτι ἀμφοτέρων. ἀλλ’ ἐχθροί γέ τοι ἀμφοτέροισ γίγνονται; καὶ μάλα, ἔφη, τοῦτό γε. οὐκοῦν τὸ περιγενέσθαι τούτων ἀμφοτέροισ συμφέρει; πάνυ γ’, ἔφη·

ἀλλ’ ἐκεῖνο παρίησ, ἂν δέῃ μάχεσθαι, τί ὠφελήσει ἡ οἰκονομική; ἐνταῦθα δήπου καὶ πλεῖστον, ἔφη· ὁ γὰρ ἀγαθὸσ οἰκονόμοσ, εἰδὼσ ὅτι οὐδὲν οὕτω λυσιτελέσ τε καὶ κερδαλέον ἐστίν, ὡσ τὸ μαχόμενον τοὺσ πολεμίουσ νικᾶν, οὐδὲ οὕτωσ ἀλυσιτελέσ τε καὶ ζημιῶδεσ, ὡσ τὸ ἡττᾶσθαι, προθύμωσ μὲν τὰ πρὸσ τὸ νικᾶν συμφέροντα ζητήσει καὶ παρασκευάσεται, ἐπιμελῶσ δὲ τὰ πρὸσ τὸ ἡττᾶσθαι φέροντα σκέψεται καὶ φυλάξεται, ἐνεργῶσ δ’, ἂν τὴν παρασκευὴν ὁρᾷ νικητικὴν οὖσαν, μαχεῖται, οὐχ ἥκιστα δὲ τούτων, ἐὰν ἀπαράσκευοσ ᾖ, φυλάξεται συνάπτειν μάχην. μὴ καταφρόνει, ἔφη, ὦ Νικομαχίδη, τῶν οἰκονομικῶν ἀνδρῶν·

ἡ γὰρ τῶν ἰδίων ἐπιμέλεια πλήθει μόνον διαφέρει τῆσ τῶν κοινῶν, τὰ δὲ ἄλλα παραπλήσια ἔχει, τὸ <δὲ> μέγιστον, ὅτι οὔτε ἄνευ ἀνθρώπων οὐδετέρα γίγνεται οὔτε δι’ ἄλλων μὲν ἀνθρώπων τὰ ἴδια πράττεται, δι’ ἄλλων δὲ τὰ κοινά. οὐ γὰρ ἄλλοισ τισὶν ἀνθρώποισ οἱ τῶν κοινῶν ἐπιμελόμενοι χρῶνται ἢ οἷσπερ τὰ ἴδια οἰκονομοῦντεσ· οἷσ οἱ ἐπιστάμενοι χρῆσθαι καὶ τὰ ἴδια καὶ τὰ κοινὰ καλῶσ πράττουσιν, οἱ δὲ μὴ ἐπιστάμενοι ἀμφοτέρωθι πλημμελοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 4

(크세노폰, Memorabilia, Ἀπομνημονευμάτων Γ, chapter 4)

상위

목록

SEARCH

MENU NAVIGATION