헬라어 문장 검색 - Πλυταρ́Αριστιδ́17́

(플루타르코스, Ἀριστείδης, chapter 17)

ἐπελθούσησ δὲ νυκτὸσ καὶ τῶν στρατηγῶν ἀγόντων ἐπὶ τὴν ἀποδεδειγμένην στρατοπεδείαν οὐ πάνυ πρόθυμον ἦν ἕπεσθαι καὶ συμμένειν τὸ πλῆθοσ, ἀλλ’ ὡσ ἀνέστησαν ἐκ τῶν πρώτων ἐρυμάτων ἐφέροντο πρὸσ τὴν πόλιν τῶν Πλαταιέων οἱ πολλοί, καὶ θόρυβοσ ἦν ἐκεῖ διασκιδναμένων καὶ κατασκηνούντων ἀτάκτωσ. Λακεδαιμονίοισ δὲ συνέβαινεν ἄκουσι μόνοισ ἀπολείπεσθαι τῶν ἄλλων· ἀνὴρ θυμοειδὴσ καὶ φιλοκίνδυνοσ, ἔκπαλαι πρὸσ τὴν μάχην σπαργῶν καὶ βαρυνόμενοσ τὰσ πολλὰσ ἀναβολὰσ καὶ μελλήσεισ, τότε δὴ παντάπασι τὴν μετανάστασιν φυγὴν ἀποκαλῶν καὶ ἀπόδρασιν, οὐκ ἔφη λείψειν τὴν τάξιν, ἀλλ’ αὐτόθι μένων μετὰ τῶν ἑαυτοῦ λοχιτῶν ὑποστήσεσθαι Μαρδόνιον.

ὡσ δὲ Παυσανίασ ἐπελθὼν ἔλεγε ταῦτα πράττειν ἐψηφισμένα καὶ δεδογμένα τοῖσ Ἕλλησιν, ἀράμενοσ ταῖν χεροῖν πέτρον μέγαν ὁ Ἀμομφάρετοσ καὶ καταβαλὼν πρὸ τῶν ποδῶν τοῦ Παυσανίου ταύτην ἔφη ψῆφον αὐτὸσ περὶ τῆσ μάχησ τίθεσθαι, τὰ δὲ τῶν ἄλλων δειλὰ βουλεύματα καὶ δόγματα χαίρειν ἐᾶν.

ἀπορούμενοσ δὲ Παυσανίασ τῷ παρόντι πρὸσ μὲν τοὺσ Ἀθηναίουσ ἔπεμψεν ἀπιόντασ ἤδη, περιμεῖναι δεόμενοσ καὶ κοινῇ βαδίζειν, αὐτὸσ δὲ τὴν ἄλλην δύναμιν ἦγε πρὸσ τὰσ Πλαταιὰσ ὡσ ἀναστήσων τὸν Ἀμομφάρετον. ἐν τούτῳ δὲ κατελάμβανεν ἡμέρα, καὶ Μαρδόνιοσ οὐ γὰρ ἔλαθον τὴν στρατοπεδείαν ἐκλελοιπότεσ οἱ Ἕλληνεσ ἔχων συντεταγμένην τὴν δύναμιν ἐπεφέρετο τοῖσ Λακεδαιμονίοισ βοῇ πολλῇ καὶ πατάγῳ τῶν βαρβάρων, ὡσ οὐ μάχησ ἐσομένησ, ἀλλὰ φεύγοντασ ἀναρπασομένων τοὺσ Ἕλληνασ.

ὃ μικρᾶσ ῥοπῆσ ἐδέησε γενέσθαι. κατιδὼν γὰρ τὸ γινόμενον ὁ Παυσανίασ ἔσχετο μὲν τῆσ πορείασ καὶ τὴν ἐπὶ μάχῃ τάξιν ἐκέλευσε λαμβάνειν ἕκαστον, ἔλαθε δ’ αὐτόν, εἴθ’ ὑπὸ τῆσ πρὸσ τὸν Ἀμομφάρετον ὀργῆσ εἴτε τῷ τάχει θορυβηθέντα τῶν πολεμίων, σύνθημα μὴ δοῦναι τοῖσ Ἕλλησιν.

ὅθεν οὔτ’ εὐθὺσ οὔτ’ ἀθρόοι, κατ’ ὀλίγουσ δὲ καὶ σποράδην, ἤδη τῆσ μάχησ ἐν χερσὶν οὔσησ, προσεβοήθουν. ὡσ δὲ θυόμενοσ οὐκ ἐκαλλιέρει, προσέταξε τοῖσ Λακεδαιμονίοισ τὰσ ἀσπίδασ πρὸ τῶν ποδῶν θεμένουσ ἀτρέμα καθέζεσθαι καὶ προσέχειν αὐτῷ, μηδένα τῶν πολεμίων ἀμυνομένουσ, αὐτὸσ δὲ πάλιν ἐσφαγιάζετο.

καὶ προσέπιπτον οἱ ἱππεῖσ· ἤδη δὲ καὶ βέλοσ ἐξικνεῖτο καί τισ ἐπέπληκτο τῶν Σπαρτιατῶν. ἐν τούτῳ δὲ καὶ Καλλικράτησ, ὃν ἰδέᾳ τε κάλλιστον Ἑλλήνων καὶ σώματι μέγιστον ἐν ἐκείνῳ τῷ στρατῷ γενέσθαι λέγουσι, τοξευθεὶσ καὶ θνήσκων οὐκ ἔφη τὸν θάνατον ὀδύρεσθαι, καὶ γὰρ ἐλθεῖν οἴκοθεν ὑπὲρ τῆσ Ἑλλάδοσ ἀποθανούμενοσ, ἀλλ’ ὅτι θνήσκει τῇ χειρὶ μὴ χρησάμενοσ. ἦν οὖν τὸ μὲν πάθοσ δεινόν, ἡ δ’ ἐγκράτεια θαυμαστὴ τῶν ἀνδρῶν.

οὐ γὰρ ἠμύνοντο τοὺσ πολεμίουσ ἐπιβαίνοντασ, ἀλλὰ τὸν παρὰ τοῦ θεοῦ καὶ τοῦ στρατηγοῦ καιρὸν ἀναμένοντεσ ἠνείχοντο βαλλόμενοι καὶ πίπτοντεσ ἐν ταῖσ τάξεσιν. ἔνιοι δέ φασι τῷ Παυσανίᾳ μικρὸν ἔξω τῆσ παρατάξεωσ θύοντι καὶ κατευχομένῳ τῶν Λυδῶν τινασ ἄφνω προσπεσόντασ ἁρπάζειν καὶ διαρρίπτειν τὰ περὶ τὴν θυσίαν, τὸν δὲ Παυσανίαν καὶ τοὺσ περὶ αὐτὸν οὐκ ἔχοντασ ὅπλα ῥάβδοισ καὶ μάστιξι παίειν·

διὸ καὶ νῦν ἐκείνησ τῆσ ἐπιδρομῆσ μιμήματα τὰσ περὶ τὸν βωμὸν ἐν Σπάρτῃ πληγὰσ τῶν ἐφήβων καὶ τὴν μετὰ ταῦτα τῶν Λυδῶν πομπὴν συντελεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 17

(플루타르코스, Ἀριστείδης, chapter 17)

상위

목록

SEARCH

MENU NAVIGATION