헬라어 문장 검색 - ΕπιξτέΩορκσ́04́26́

(에픽테토스, Works, book 2, Τί τὸ ἴδιον τοῦ ἁμαρτήματοσ.)

Πᾶν ἁμάρτημα μάχην περιέχει. ἐπεὶ γὰρ ὁ ἁμαρτάνων οὐ θέλει ἁμαρτάνειν, ἀλλὰ κατορθῶσαι, δῆλον ὅτι ὃ μὲν θέλει οὐ ποιεῖ. τί γὰρ ὁ κλέπτησ θέλει πρᾶξαι;

τὸ αὑτῷ συμφέρον. οὐκ οὖν, εἰ ἀσύμφορόν ἐστιν αὐτῷ τὸ κλέπτειν, ὃ μὲν θέλει ποιεῖ. πᾶσα δὲ ψυχὴ λογικὴ φύσει διαβέβληται πρὸσ μάχην·

καὶ μέχρι μὲν ἂν μὴ παρακολουθῇ τούτῳ, ὅτι ἐν μάχῃ ἐστίν, οὐδὲν κωλύεται τὰ μαχόμενα ποιεῖν· παρακολουθήσαντα δὲ πολλὴ ἀνάγκη ἀποστῆναι τῆσ μάχησ καὶ φυγεῖν οὕτωσ ὡσ καὶ ἀπὸ τοῦ ψεύδουσ ἀνανεῦσαι πικρὰ ἀνάγκη τῷ αἰσθανομένῳ, ὅτι ψεῦδόσ ἐστιν· μέχρι δὲ τοῦτο μὴ φαντάζηται, ὡσ ἀληθεῖ ἐπινεύει αὐτῷ. δεινὸσ οὖν ἐν λόγῳ, ὁ δ’ αὐτὸσ καὶ προτρεπτικὸσ καὶ ἐλεγκτικὸσ οὗτοσ ὁ δυνάμενοσ ἑκάστῳ παραδεῖξαι τὴν μάχην, καθ’ ἣν ἁμαρτάνει, καὶ σαφῶσ παραστῆσαι, πῶσ ὃ θέλει οὐ ποιεῖ καὶ ὃ μὴ θέλει ποιεῖ.

ἂν γὰρ τοῦτο δείξῃ τισ, αὐτὸσ ἀφ’ αὑτοῦ ἀναποχωρήσει.

μέχρι δὲ μὴ δεικνύῃσ, μὴ θαύμαζε, εἰ ἐπιμένει· κατορθώματοσ γὰρ φαντασίαν λαμβάνων ποιεῖ αὐτό. διὰ τοῦτο καὶ Σωκράτησ ταύτῃ τῇ δυνάμει πεποιθὼσ ἔλεγεν ὅτι "ἐγὼ ἄλλον μὲν οὐδένα εἰώθα παρέχειν μάρτυρα ὧν λέγω, ἀρκοῦμαι δ’ ἀεὶ τῷ προσδιαλεγομένῳ καὶ ἐκεῖνον ἐπιψηφίζω καὶ καλῶ μάρτυρα καὶ εἷσ ὢν οὗτοσ ἀρκεῖ μοι ἀντὶ πάντων" 3.

ᾔδει γάρ, ὑπὸ τίνοσ λογικὴ ψυχὴ κινεῖται , ζυγῷ ἐπιρρέψει, ἄν τε θέλῃσ ἄν τε μή. λογικῷ ἡγεμονικῷ δεῖξον μάχην καὶ ἀποστήσεται· ἂν δὲ μὴ δεικνύῃσ, αὐτὸσ σαυτῷ μᾶλλον ἐγκάλει ἢ τῷ μὴ πειθομένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 2, Τί τὸ ἴδιον τοῦ ἁμαρτήματοσ.

(에픽테토스, Works, book 2, Τί τὸ ἴδιον τοῦ ἁμαρτήματοσ.)

상위

목록

SEARCH

MENU NAVIGATION