헬라어 문장 검색 - ΕπιξτέΩορκσ́04́02́

(에픽테토스, Works, book 2, Περὶ ἀταραξίασ.)

Ὅρα σὺ ὁ ἀπιὼν ἐπὶ τὴν δίκην, τί θέλεισ τηρῆσαι καὶ ποῦ θέλεισ ἀνύσαι. εἰ γὰρ προαίρεσιν θέλεισ τηρῆσαι κατὰ φύσιν ἔχουσαν, πᾶσά σοι ἀσφάλεια, πᾶσά σοι εὐμάρεια, πρᾶγμα οὐκ ἔχεισ.

τὰ γὰρ ἐπὶ σοὶ αὐτεξούσια καὶ φύσει ἐλεύθερα θέλων τηρῆσαι καὶ τούτοισ ἀρκούμενοσ τίνοσ ἔτι ἐπιστρέφῃ;

τίσ γὰρ αὐτῶν κύριοσ, τίσ αὐτὰ δύναται ἀφελέσθαι; εἰ θέλεισ αἰδήμων εἶναι καὶ πιστόσ, τίσ οὐκ ἐάσει σε;

εἰ θέλεισ μὴ κωλύεσθαι μηδ’ ἀναγκάζεσθαι, τίσ σε ἀναγκάσει ὀρέγεσθαι ὧν οὐ δοκεῖ σοι, τίσ ἐκκλίνειν ἃ μὴ φαίνεταί σοι; ἀλλὰ τί;

πράξει μέν σοί τινα ἃ δοκεῖ φοβερὰ εἶναι· ἵνα δὲ καὶ ἐκκλίνων αὐτὰ πάθῃσ, πῶσ δύναται ποιῆσαι; ὅταν οὖν ἐπὶ σοὶ ᾖ τὸ ὀρέγεσθαι καὶ ἐκκλίνειν, τίνοσ ἔτι ἐπιστρέφῃ;

τοῦτό σοι προοίμιον, τοῦτο διήγησισ, τοῦτο πίστισ, τοῦτο νίκη, τοῦτο ἐπίλογοσ, τοῦτο εὐδοκίμησισ.

ἵνα παρασκευάζηται πρὸσ τὴν δίκην, ἔφη "οὐ δοκῶ οὖν σοι ἅπαντι τῷ βίῳ πρὸσ τοῦτο παρασκευάζεσθαι;

" ‐ "Ποίαν παρασκευήν;

‐ "Τετήρηκα", φησίν, "τὸ ἐπ’ ἐμοί. " ‐ "Πῶσ οὖν; ‐ "Οὐδὲν οὐδέποτ’ ἄδικον οὔτ’ ἰδίᾳ οὔτε δημοσίᾳ ἔπραξα. " εἰ δὲ θέλεισ καὶ τὰ ἐκτὸσ τηρῆσαι, τὸ σωμάτιον καὶ τὸ οὐσίδιον καὶ τὸ ἀξιωμάτιον, λέγω σοι·

ἤδη αὐτόθεν παρασκευάζου τὴν δυνατὴν παρασκευὴν πᾶσαν καὶ λοιπὸν σκέπτου καὶ τὴν φύσιν τοῦ δικαστοῦ καὶ τὸν ἀντίδικον. εἰ γονάτων ἅψασθαι δεῖ, γονάτων ἅψαι·

εἰ κλαῦσαι, κλαῦσον· εἰ οἰμῶξαι, οἴμωξον. ὅταν γὰρ ὑποθῇσ τὰ σὰ τοῖσ ἐκτόσ, δούλευε τὸ λοιπὸν καὶ μὴ ἀντισπῶ καὶ ποτὲ μὲν θέλε δουλεύειν, ποτὲ δὲ μὴ θέλε, ἀλλ’ ἁπλῶσ καὶ ἐξ ὅλησ τῆσ διανοίασ ἢ ταῦτα ἢ ἐκεῖνα·

ἢ ἐλεύθεροσ ἢ δοῦλοσ, ἢ πεπαιδευμένοσ ἢ ἀπαίδευτοσ, ἢ γενναῖοσ ἀλεκτρυὼν ἢ ἀγεννήσ, ἢ ὑπόμενε τυπτόμενοσ, μέχρισ ἂν ἀποθάνῃσ, ἢ ἀπαγόρευσον εὐθύσ.

μή σοι γένοιτο πληγὰσ πολλὰσ λαβεῖν καὶ ὕστερον ἀπαγορεῦσαι. εἰ δ’ αἰσχρὰ ταῦτα, αὐτόθεν ἤδη δίελε "ποῦ φύσισ κακῶν καὶ ἀγαθῶν;

οὗ καὶ ἀλήθεια. ὅπου ἀλήθεια καὶ οὗ φύσισ, ἐκεῖ τὸ εὐλαβέσ· ὅπου ἡ ἀλήθεια, ἐκεῖ τὸ θαρραλέον, ὅπου ἡ φύσισ". Ἐπεί τ οι δοκεῖσ, ὅτι τὰ ἐκτὸσ τηρῆσαι θέλων Σωκράτησ παρελθὼν ἂν ἔλεγε "ἐμὲ δ’ Ἄνυτοσ καὶ Μέλητοσ ἀποκτεῖναι μὲν δύνανται, βλάψαι δ’ οὔ"; οὕτω μωρὸσ ἦν, ἵνα μὴ ἴδῃ ὅτι αὕτη ἡ ὁδὸσ ἐνταῦθα οὐ φέρει, ἀλλ’ ἄλλῃ;

τί οὖν ἐστιν, ὅτι οὐκ ἔχει λόγον καὶ προσερεθίζει;

ὡσ ὁ ἐμὸσ Ἡράκλειτοσ περὶ ἀγριδίου πραγμάτιον ἔχων ἐν Ῥόδῳ καὶ ἀποδείξασ τοῖσ δικασταῖσ ὅτι δίκαια λέγει ἐλθὼν ἐπὶ τὸν ἐπίλογον ἔφη ὅτι "ἀλλ’ οὔτε δεήσομαι ὑμῶν οὔτ’ ἐπιστρέφομαι, τί μέλλετε κρίνειν·

ὑμεῖσ τε μᾶλλον οἱ κρινόμενοί ἐστε ἢ ἐγώ. " καὶ οὕτωσ κατέστρεψε τὸ πραγμάτιον.

τίσ χρεία; μόνον μὴ δέου, μὴ προστίθει δ’ ὅτι "καὶ οὐ δέομαι". εἰ μή τι καιρόσ ἐστιν ἐπίτηδεσ ἐρεθίσαι τοὺσ δικαστὰσ ὡσ Σωκράτει. καὶ σὺ εἰ τοιοῦτον ἐπίλογον παρασκευάζῃ, τί ἀναβαίνεισ, τί ὑπακούεισ;

εἰ γὰρ σταυρωθῆναι θέλεισ, ἔκδεξαι καὶ ἥξει ὁ σταυρόσ·

εἰ δ’ ὑπακοῦσαι λόγοσ αἱρεῖ καὶ πεῖσαι τό γε παρ’ αὐτόν, τὰ ἑξῆσ τούτῳ ποιητέον τηροῦντι μέντοι τὰ ἴδια. Ταύτῃ καὶ γελοῖόν ἐστι τὸ λέγειν " 3ὑπόθου μοι". τί σοι ὑποθῶμαι; 3.

ἂν γὰρ εἴπω ὅτι Δίων, εἶτα παρελθὼν ἐκεῖνοσ αὐτῷ προβάλῃ μὴ τὸ Δίωνοσ ὄνομα, ἀλλὰ τὸ Θέωνοσ, τί γένηται; τί γράψῃ;

ἀλλ’ εἰ μὲν μεμελέτηκασ γράφειν, ἔχεισ καὶ παρασκευάσασθαι πρὸσ πάντα τὰ ὑπαγορευόμενα· εἰ δὲ μή, τί σοι ἐγὼ νῦν ὑποθῶμαι; ἂν γὰρ ἄλλο τι ὑπαγορεύῃ τὰ πράγματα, τί ἐρεῖσ ἢ τί πράξεισ; τούτου οὖν τοῦ καθολικοῦ μέμνησο καὶ ὑποθήκησ οὐκ ἀπορήσεισ.

ἐὰν δὲ πρὸσ τὰ ἔξω χάσκῃσ, ἀνάγκη σε ἄνω καὶ κάτω κυλίεσθαι πρὸσ τὸ βούλημα τοῦ κυρίου. τίσ δ’ ἐστὶ κύριοσ;

ὁ τῶν ὑπὸ σοῦ τινοσ σπουδαζομένων ἢ ἐκκλινομένων ἔχων ἐξουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 2, Περὶ ἀταραξίασ.

(에픽테토스, Works, book 2, Περὶ ἀταραξίασ.)

상위

목록

SEARCH

MENU NAVIGATION