Arrian, Anabasis, book 6, chapter 27 6:

οἱ δὲ σὺν Στασάνορι καὶ Φραταφέρνῃ πλῆθόσ τε ὑποζυγίων παῤ Ἀλέξανδρον ἄγοντεσ ἦλθον καὶ καμήλουσ πολλάσ, ὡσ ἔμαθον ὅτι τὴν ἐπὶ Γαδρωσίων ἄγει, εἰκάσαντεσ ὅτι τὰ αὐτὰ ἐκεῖνα πείσεται αὐτῷ ἡ στρατιὰ ἃ δὴ ἔπαθε· καὶ οὖν καὶ ἐν καιρῷ μὲν καὶ οὗτοι ἀφίκοντο, ἐν καιρῷ δὲ αἱ κάμηλοί τε καὶ τὰ ὑποζύγια· διένειμε γὰρ ξύμπαντα Ἀλέξανδροσ τοῖσ μὲν ἡγεμόσι κατ̓ ἄνδρα, τοῖσ δὲ κατ̓ ἴλασ τε καὶ ἑκατοστύασ, τοῖσ δὲ κατὰ λόχουσ, ὅπωσ τὸ πλῆθοσ τῶν ὑποζυγίων τε καὶ καμήλων αὐτῷ ξυνέβαινεν.