Arrian, Anabasis, book 6, chapter 12

(아리아노스, Anabasis, book 6, chapter 12)

Ἐν ᾧ δὲ Ἀλέξανδροσ αὐτοῦ μένων τὸ τραῦμα ἐθεραπεύετο, ἐσ τὸ στρατόπεδον, ἔνθενπερ ὡρμήθη ἐπὶ τοὺσ Μαλλούσ, ὁ μὲν πρῶτοσ λόγοσ ἧκεν ὅτι τεθνηκὼσ εἰή ἐκ τοῦ τραύματοσ. καὶ τὰ μὲν πρῶτα οἰμωγὴ ἦν τῆσ στρατιᾶσ ξυμπάσησ ἄλλου ἄλλῳ παραδιδόντοσ τὴν φήμην· ̔πολλοῖσ γὰρ δὴ ἐν ἴσῳ τὰ τῆσ ἀξιώσεωσ ἐδόκει πρόσ τε αὐτοῦ Ἀλεξάνδρου καὶ πρὸσ Μακεδόνων καθεστηκέναἰ, ὅπωσ δὲ ἀποσωθήσονται ἐσ τὴν οἰκείαν, τοσούτων μὲν ἐθνῶν μαχίμων περιειργόντων σφᾶσ ἐν κύκλῳ, τῶν μὲν οὔπω προσκεχωρηκότων, ἃ δὴ ὑπὲρ τῆσ ἐλευθερίασ εἴκαζον ἀγωνιεῖσθαι καρτερῶσ, τῶν δὲ ἀποστησομένων ἀφαιρεθέντοσ αὐτοῖσ τοῦ Ἀλεξάνδρου φόβου, ποταμῶν τε ἐν μέσῳ ἀδιαβάτων τότε δὴ ἐδόκουν εἶναι καὶ πάντα σφίσιν ἄπορα καὶ ἀμήχανα ἐρήμοισ Ἀλεξάνδρου ἐφαίνετο.

ὡσ δὲ ἧκέ ποτε λόγοσ ὅτι ζῇ Ἀλέξανδροσ, τούτῳ μὲν μόγισ ξυνεχώρησαν, εἰ δὲ καὶ βιώσιμόσ ἐστιν, οὔπω ἐπιστεύετο.

ὡσ δὲ καὶ γράμματα παῤ αὐτοῦ ἧκεν ὅτι ὅσον οὔπω κατελεύσεται ἐπὶ τὸ στρατόπεδον, οὐδὲ ταῦτα τοῖσ πολλοῖσ ὑπὸ τοῦ ἄγαν δέουσ πιστὰ ἐφαίνετο, ἀλλὰ πλάττεσθαι γὰρ πρὸσ τῶν ἀμφ̓ αὐτὸν σωματοφυλάκων τε καὶ στρατηγῶν εἰκάζετο.

일치하는 문장이 없습니다.

SEARCH

MENU NAVIGATION