헬라어 문장 검색 - Αρριαν́Αναβασί6́03́

(아리아노스, Anabasis, book 6, chapter 3)

Ὡσ δὲ ξύμπαντα αὐτῷ παρεσκεύαστο, ὑπὸ τὴν ἑώ ὁ μὲν στρατὸσ ἐπέβαινε τῶν νεῶν, αὐτὸσ δὲ ἔθυε τοῖσ θεοῖσ ὡσ νόμοσ καὶ τῷ ποταμῷ τῷ Ὑδάσπῃ ὅπωσ οἱ μάντεισ ἐξηγοῦντο. καὶ ἐπιβὰσ τῆσ νεὼσ ἀπὸ τῆσ πρώρασ ἐκ χρυσῆσ φιάλησ ἔσπενδεν ἐσ τὸν ποταμόν, τόν τε Ἀκεσίνην ξυνεπικαλούμενοσ τῷ Ὑδάσπῃ, ὅντινα μέγιστον αὖ τῶν ἄλλων ποταμῶν ξυμβάλλειν τῷ Ὑδάσπῃ ἐπέπυστο καὶ οὐ πόρρω αὐτῶν εἶναι τὰσ ξυμβολάσ, καὶ τὸν Ἰνδόν, ἐσ ὅντινα ὁ Ἀκεσίνησ ξὺν τῷ Ὑδάσπῃ ἐμβάλλει. ἐπὶ δὲ Ἡρακλεῖ τε τῷ προπάτορι σπείσασ καὶ Ἄμμωνι καὶ τοῖσ ἄλλοισ θεοῖσ ὅσοισ αὐτῷ νόμοσ σημῆναι ἐσ ἀναγωγὴν κελεύει τῇ σάλπιγγι.

ἅμα τε δὴ ἐσημάνθη καὶ ἀνήγοντο ἐν κόσμῳ. παρήγγελτο γὰρ ἐφ̓ ὅσων τε τὰ σκευοφόρα πλοῖα ἐχρῆν τετάχθαι καὶ ἐφ̓ ὅσων τὰ ἱππαγωγά, ἐφ̓ ὅσων τε τὰσ μαχίμουσ τῶν νεῶν, ὡσ μὴ συμπίπτειν ἀλλήλαισ κατὰ τὸν πόρον εἰκῇ πλεούσασ· καὶ ταῖσ ταχυναυτούσαισ φθάνειν οὐκ ἐφίετο ἔξω τῆσ τάξεωσ. ἦν δὲ ὅ τε κτύποσ τῆσ εἰρεσίασ οὐδενὶ ἄλλῳ ἐοικώσ, ἅτε ἀπὸ πολλῶν νεῶν ἐν ταὐτῷ ἐρεσσομένων, καὶ βοὴ ἀπό τε τῶν κελευστῶν ἐνδιδόντων τὰσ ἀρχάσ τε καὶ ἀναπαύλασ τῇ εἰρεσίᾳ καὶ τῶν ἐρετῶν ὁπότε ἀθρόοι ἐμπίπτοντεσ τῷ ῥοθίῳ ἐπαλαλάξειαν·

αἵ τε ὄχθαι, ὑψηλότεραι τῶν νεῶν πολλαχῇ οὖσαι, ἐσ στενόν τε τὴν βοὴν ξυνάγουσαι καὶ τῇ ξυναγωγῇ αὐτῇ ἐπὶ μέγα ηὐξημένην ἐσ ἀλλήλασ ἀντέπεμπον, καί που καὶ νάπαι ἑκατέρωθεν τοῦ ποταμοῦ τῇ τε ἐρημίᾳ καὶ τῇ ἀντιπέμψει τοῦ κτύπου καὶ αὗται ξυνεπελάμβανον· ἐσ ὅσουσ δὲ τῶν ἤδη Ἀλεξάνδρῳ προσκεχωρηκότων Ἰνδῶν ἡ βοὴ τῶν ἐρετῶν ἢ ὁ κτύποσ τῆσ εἰρεσίασ ἐξίκετο, καὶ οὗτοι ἐπὶ τῇ ὄχθῃ κατέθεον καὶ ξυνείποντο ἐπᾴδοντεσ βαρβαρικῶσ.

φιλῳδοὶ γάρ, εἴπερ τινὲσ ἄλλοι, Ἰνδοὶ καὶ φιλορχήμονεσ ἀπὸ Διονύσου ἔτι καὶ τῶν ἅμα Διονύσῳ βακχευσάντων κατὰ τὴν Ἰνδῶν γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 3

(아리아노스, Anabasis, book 6, chapter 3)

상위

목록

SEARCH

MENU NAVIGATION