헬라어 문장 검색 - Αρριαν́Αναβασί6́25́

(아리아노스, Anabasis, book 6, chapter 25)

Τῶν δὲ δὴ ὑποζυγίων πολὺσ ὁ φθόροσ καὶ ἑκούσιοσ τῇ στρατιᾷ ἐγίγνετο· ξυνιόντεσ γάρ, ὁπότε ἐπιλίποι σφᾶσ τὰ σιτία, καὶ τῶν ἵππων τοὺσ πολλοὺσ ἀποσφάζοντεσ καὶ τῶν ἡμιόνων τὰ κρέα ἐσιτοῦντο καὶ ἔλεγον δίψει ἀποθανεῖν αὐτοὺσ ἢ ὑπὸ καμάτου ἐκλιπόντασ· καὶ ὁ τὴν ἀτρέκειαν τοῦ ἔργου ἐξελέγξων ὑπό τε τοῦ πόνου οὐδεὶσ ἦν καὶ ὅτι ξύμπαντεσ τὰ αὐτὰ ἡμάρτανον. καὶ Ἀλέξανδρον μὲν οὐκ ἐλελήθει τὰ γιγνόμενα, ἰάσιν δὲ τῶν παρόντων ἑώρα τὴν τῆσ ἀγνοίασ προσποίησιν μᾶλλόν τι ἢ τὴν ὡσ γιγνωσκομένων ἐπιχώρησιν.

οὔκουν οὐδὲ τοὺσ νόσῳ κάμνοντασ τῆσ στρατιᾶσ οὐδὲ τοὺσ διὰ κάματον ὑπολειπομένουσ ἐν ταῖσ ὁδοῖσ ἄγειν ἔτι ἦν εὐμαρῶσ ἀπορίᾳ τε τῶν ὑποζυγίων καὶ ὅτι τὰσ ἁμάξασ αὐτοὶ κατέκοπτον, ἀπόρουσ οὔσασ αὐτοῖσ ὑπὸ βάθουσ τῆσ ψάμμου ἄγεσθαι καὶ ὅτι ἐν τοῖσ πρώτοισ σταθμοῖσ διὰ ταῦτα ἐξηναγκάζοντο οὐ τὰσ βραχυτάτασ ἰέναι τῶν ὁδῶν, ἀλλὰ τὰσ εὐπορωτάτασ τοῖσ ζεύγεσι. καὶ οὕτωσ οἱ μὲν νόσῳ κατὰ τὰσ ὁδοὺσ ὑπελείποντο, οἱ δὲ ὑπὸ καμάτου ἢ καύματοσ ἢ τῷ δίψει οὐκ ἀντέχοντεσ, καὶ οὔτε οἱ ἄξοντεσ ἦσαν οὔτε οἱ μένοντεσ θεραπεύσοντεσ·

σπουδῇ γὰρ πολλῇ ἐγίγνετο ὁ στόλοσ, καὶ ἐν τῷ ὑπὲρ τοῦ παντὸσ προθύμῳ τὸ καθ̓ ἑκάστουσ ξὺν ἀνάγκῃ ἠμελεῖτο· οἱ δὲ καὶ ὕπνῳ κάτοχοι κατὰ τὰσ ὁδοὺσ γενόμενοι οἱᾶ δὴ νυκτὸσ τὸ πολὺ τὰσ πορείασ ποιούμενοι, ἔπειτα ἐξαναστάντεσ, οἷσ μὲν δύναμισ ἔτι ἦν κατὰ τὰ ἴχνη τῆσ στρατιᾶσ ἐφομαρτήσαντεσ ὀλίγοι ἀπὸ πολλῶν ἐσώθησαν, οἱ πολλοὶ δὲ ὥσπερ ἐν πελάγει ἐκπεσόντεσ ἐν τῇ ψάμμῳ ἀπώλλυντο. Ξυνηνέχθη δὲ τῇ στρατιᾷ καὶ ἄλλο πάθημα, ὃ δὴ οὐχ ἥκιστα ἐπίεσεν αὐτούσ τε καὶ τοὺσ ἵππουσ καὶ τὰ ὑποζύγια.

ὑέται γὰρ ἡ Γαδρωσίων γῆ ὑπ̓ ἀνέμων τῶν ἐτησίων, καθάπερ οὖν καὶ ἡ Ἰνδῶν γῆ, οὐ τὰ πεδία τῶν Γαδρωσίων, ἀλλὰ τὰ ὄρη, ἵναπερ προσφέρονταί τε αἱ νεφέλαι ἐκ τοῦ πνεύματοσ καὶ ἀναχέονται, οὐχ ὑπερβάλλουσαι τῶν ὀρῶν τὰσ κορυφάσ. ὡσ δὲ ηὐλίσθη ἡ στρατιὰ πρὸσ χειμάρρῳ ὀλίγου ὕδατοσ, αὐτοῦ δὴ ἕνεκα τοῦ ὕδατοσ, ἀμφὶ δευτέραν φυλακὴν τῆσ νυκτὸσ ἐμπλησθεὶσ ὑπὸ τῶν ὄμβρων ὁ χειμάρρουσ ὁ ταύτῃ ῥέων ἀφανῶν τῇ στρατιᾷ γεγενημένων τῶν ὄμβρων τοσούτῳ ἐπῆλθε τῷ ὕδατι, ὡσ γύναια καὶ παιδάρια τὰ πολλὰ τῶν ἑπομένων τῇ στρατιᾷ διαφθεῖραι καὶ τὴν κατασκευὴν τὴν βασιλικὴν ξύμπασαν ἀφανίσαι καὶ τῶν ὑποζυγίων ὅσα ἀπελείπετο, αὐτοὺσ δὲ μόλισ καὶ χαλεπῶσ ξὺν τοῖσ ὅπλοισ οὐδὲ τούτοισ πᾶσιν ἀποσωθῆναι.

οἱ πολλοὶ δὲ καὶ πίνοντεσ, ὁπότε ἐκ καύματόσ τε καὶ δίψουσ ὕδατι ἀθρόῳ ἐπιτύχοιεν, πρὸσ αὐτοῦ τοῦ ἀπαύστου ποτοῦ ἀπώλλυντο.

καὶ τούτων ἕνεκα Ἀλέξανδροσ τὰσ στρατοπεδείασ οὐ πρὸσ τοῖσ ὕδασιν αὐτοῖσ τὸ πολὺ ἐποιεῖτο, ἀλλὰ ἀπέχων ὅσον εἴκοσι σταδίουσ μάλιστα, ὡσ μὴ ἀθρόουσ ἐμπίπτοντασ τῷ ὕδατι αὐτούσ τε καὶ κτήνη ἀπόλλυσθαι καὶ ἅμα τοὺσ μάλιστα ἀκράτορασ σφῶν ἐπεμβαίνοντασ ἐσ τὰσ πηγὰσ ἢ τὰ ῥεύματα διαφθείρειν καὶ τῇ ἄλλῃ στρατιᾷ τὸ ὕδωρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 25

(아리아노스, Anabasis, book 6, chapter 25)

상위

목록

SEARCH

MENU NAVIGATION