헬라어 문장 검색 - Αρριαν́Αναβασί6́30́

(아리아노스, Anabasis, book 6, chapter 30)

Ἔνθεν δὲ ἐσ τὰ βασίλεια ᾔει τὰ Περσῶν, ἃ δὴ πρόσθεν κατέφλεξεν αὐτόσ, ὥσ μοι λέλεκται, ὅτε οὐκ ἐπῄνουν τὸ ἔργον· ἀλλ̓ οὐδ̓ αὐτὸσ Ἀλέξανδροσ ἐπανελθὼν ἐπῄνει. καὶ μὲν δὴ καὶ κατὰ Ὀρξίνου πολλοὶ λόγοι ἐλέχθησαν πρὸσ Περσῶν, ὃσ ἦρξε Περσῶν ἐπειδὴ Φρασαόρτησ ἐτελεύτησε. καὶ ἐξηλέγχθη Ορξίνησ ἱερά τε ὅτι σεσυλήκει καὶ τάφουσ βασιλικούσ, καὶ Περσῶν πολλοὺσ ὅτι οὐ ξὺν δίκῃ ἀπέκτεινε.

τοῦτον μὲν δὴ οἷσ ἐτάχθη ὑπὸ Ἀλεξάνδρου ἐκρέμασαν, σατράπην δὲ Πέρσαισ ἔταξε Πευκέσταν τὸν σωματοφύλακα, πιστόν τέ οἱ ἐσ τὰ μάλιστα τιθέμενοσ τά τε ἄλλα καὶ ἐπὶ τῷ ἐν Μαλλοῖσ ἔργῳ, ἵνα προεκινδύνευσέ τε καὶ συνεξέσωσεν Ἀλέξανδρον, καὶ ἄλλωσ τῷ βαρβαρικῷ τρόπῳ τῆσ διαίτησ οὐκ ἀξύμφορον· ἐδήλωσε δὲ ἐσθῆτά τε εὐθὺσ ὡσ κατεστάθη σατραπεύειν Περσῶν μόνοσ τῶν ἄλλων Μακεδόνων μεταβαλὼν τὴν Μηδικὴν καὶ φωνὴν τὴν Περσικὴν ἐκμαθὼν καὶ τἆλλα ξύμπαντα ἐσ τρόπον τὸν Περσικὸν κατασκευασάμενοσ.

ἐφ̓ οἷσ Ἀλέξανδρόσ γε ἐπῄνει αὐτὸν καὶ οἱ Πέρσαι ὡσ τὰ παρὰ σφίσι πρὸ τῶν πατρίων πρεσβεύοντι ἔχαιρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 30

(아리아노스, Anabasis, book 6, chapter 30)

상위

목록

SEARCH

MENU NAVIGATION