헬라어 문장 검색 - Αρριαν́Αναβασί6́28́

(아리아노스, Anabasis, book 6, chapter 28)

Ἤδη δέ τινεσ καὶ τοιάδε ἀνέγραψαν, οὐ πιστὰ ἐμοὶ λέγοντεσ, ὡσ συζεύξασ δύο ἁρμαμάξασ κατακείμενοσ ξὺν τοῖσ ἑταίροισ καταυλούμενοσ τὴν διὰ Καρμανίασ ἦγεν, ἡ στρατιὰ δὲ αὐτῷ ἐστεφανωμένη τε καὶ παίζουσα εἵπετο, προὔκειτο δὲ αὐτῇ σῖτά τε καὶ ὅσα ἄλλα ἐσ τρυφὴν παρὰ τὰσ ὁδοὺσ συγκεκομισμένα πρὸσ τῶν Καρμανίων, καὶ ταῦτα πρὸσ μίμησιν τῆσ Διονύσου βακχείασ ἀπεικάσθη Ἀλεξάνδρῳ, ὅτι καὶ ὑπὲρ ἐκείνου λόγοσ ἐλέγετο καταστρεψάμενον Ἰνδοὺσ Διόνυσον οὕτω τὴν πολλὴν τῆσ Ἀσίασ ἐπελθεῖν, καὶ Θρίαμβόν τε αὐτὸν ἐπικληθῆναι τὸν Διόνυσον καὶ τὰσ ἐπὶ ταῖσ νίκαισ ταῖσ ἐκ πολέμου πομπὰσ ἐπὶ τῷ αὐτῷ τούτῳ θριάμβουσ. ταῦτα δὲ οὔτε Πτολεμαῖοσ ὁ Λάγου οὔτε Ἀριστόβουλοσ ὁ Ἀριστοβούλου ἀνέγραψαν οὐδέ τισ ἄλλοσ ὅντινα ἱκανὸν ἄν τισ ποιήσαιτο τεκμηριῶσαι ὑπὲρ τῶν τοιῶνδε, καί μοι ὡσ οὐ πιστὰ ἀναγεγράφθαι ἐξήρκεσαν.

ἀλλὰ ἐκεῖνα ἤδη Ἀριστοβούλῳ ἑπόμενοσ ξυγγράφω, θῦσαι ἐν Καρμανίᾳ Ἀλέξανδρον χαριστήρια τῆσ κατ̓ Ἰνδῶν νίκησ καὶ ὑπὲρ τῆσ στρατιᾶσ, ὅτι ἀπεσώθη ἐκ Γαδρωσίων, καὶ ἀγῶνα διαθεῖναι μουσικόν τε καὶ γυμνικόν·

καταλέξαι δὲ καὶ Πευκέσταν ἐσ τοὺσ σωματοφύλακασ, ἤδη μὲν ἐγνωκότα σατράπην καταστῆσαι τῆσ Περσίδοσ, ἐθέλοντα δὲ πρὸ τῆσ σατραπείασ μηδὲ ταύτησ τῆσ τιμῆσ καὶ πίστεωσ ἀπείρατον εἶναι ἐπὶ τῷ ἐν Μαλλοῖσ ἔργῳ· εἶναι δὲ αὐτῷ ἑπτὰ εἰσ τότε σωματοφύλακασ, Λεοννάτον Ἀντέου, Ἡφαιστίωνα τὸν Ἀμύντοροσ, Λυσίμαχον Ἀγαθοκλέουσ, Ἀριστόνουν Πεισαίου, τούτουσ μὲν Πελλαίουσ, Περδίκκαν δὲ Ὀρόντου ἐκ τῆσ Ὀρεστίδοσ, Πτολεμαῖον δὲ Λάγου καὶ Πείθωνα Κρατεύα Εὀρδαίουσ·

ὄγδοον δὲ προσγενέσθαι αὐτοῖσ Πευκέσταν τὸν Ἀλεξάνδρου ὑπερασπίσαντα. Ἐν τούτῳ δὲ καὶ Νέαρχοσ περιπλεύσασ τὴν Ὤρων τε καὶ Γαδρωσῶν γῆν καὶ τὴν τῶν Ἰχθυοφάγων κατῆρεν ἐσ τῆσ Καρμανίασ τὰ πρὸσ θάλασσαν ᾠκισμένα·

ἔνθεν δὲ ἀνελθὼν σὺν ὀλίγοισ Ἀλεξάνδρῳ ἀπήγγειλε τὰ ἀμφὶ τὸν περίπλουν τὸν γενόμενον αὐτῷ κατὰ τὴν ἔξω θάλασσαν. τοῦτον μὲν δὴ καταπέμπει αὖθισ ἐκπεριπλεύσοντα ἔστε ἐπὶ τὴν Σουσιανῶν τε γῆν καὶ τοῦ Τίγρητοσ ποταμοῦ τὰσ ἐκβολάσ·

ὅπωσ δὲ ἐπλεύσθη αὐτῷ τὰ ἀπὸ τοῦ Ἰνδοῦ ποταμοῦ ἐπὶ τὴν θάλασσαν τὴν Περσικὴν καὶ τὸ στόμα τοῦ Τίγρητοσ, ταῦτα ἰδίᾳ ἀναγράψω αὐτῷ Νεάρχῳ ἑπόμενοσ, ὡσ καὶ τήνδε εἶναι ὑπὲρ Ἀλεξάνδρου Ἑλληνικὴν τὴν συγγραφήν. ταῦτα μὲν δὴ ἐν ὑστέρῳ ἔσται τυχόν, εἰ[σ] ὅ τε θυμόσ [τέ] με καὶ ὁ δαίμων ταύτῃ ἄγοι. Ἀλέξανδροσ δὲ Ἡφαιστίωνα μὲν σύν τε τῇ πλείστῃ μοίρᾳ τῆσ στρατιᾶσ καὶ τοῖσ ὑποζυγίοισ καὶ τοὺσ ἐλέφαντασ ἅμα οἷ ἔχοντα τὴν παρὰ θάλασσαν ἀπὸ Καρμανίασ ὡσ ἐπὶ τὴν Περσίδα ἄγειν ἐκέλευσεν, ὅτι χειμῶνοσ ὡρ́ᾳ γιγνομένου αὐτῷ τοῦ στόλου τὰ πρὸσ τῇ θαλάσσῃ τῆσ Περσίδοσ ἀλεεινά τε ἦν καὶ τῶν ἐπιτηδείων ἀφθόνωσ ἔχοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 28

(아리아노스, Anabasis, book 6, chapter 28)

상위

목록

SEARCH

MENU NAVIGATION