헬라어 문장 검색 - Αρριαν́Αναβασί6́16́

(아리아노스, Anabasis, book 6, chapter 16)

Ἔνθεν δὲ ἀναλαβὼν τούσ τε τοξότασ καὶ τοὺσ Ἀγριᾶνασ καὶ τὴν ἵππον τὴν ἅμα οἷ πλέουσαν ἐξελαύνει ἐπὶ τὸν νομάρχην τῆσ ταύτῃ γῆσ, ὄνομα δὲ ἦν Ὀξικανόσ, ὅτι μήτε αὐτὸσ ἀφῖκτο μήτε πρέσβεισ παῤ αὐτοῦ ἧκον ἐνδιδόντεσ αὐτόν τε καὶ τὴν χώραν. δύο μὲν δὴ τὰσ μεγίστασ πόλεισ τῶν ὑπὸ τῷ Ὀξικανῷ ἐξ ἐφόδου κατὰ κράτοσ ἔλαβεν, ἐν δὲ τῇ ἑτέρᾳ τούτων καὶ αὐτὸσ Ὀξικανὸσ ἑάλω.

ὁ δὲ τὴν μὲν λείαν τῇ στρατιᾷ δίδωσι, τοὺσ ἐλέφαντασ δὲ ἅμα οἷ ἦγε· καὶ αἱ ἄλλαι δὲ πόλεισ αὐτῷ αἱ ἐν τῇ αὐτῇ χώρᾳ ἐνεδίδοντο ἐπιόντι οὐδέ τισ ἐτρέπετο ἐσ ἀλκήν· οὕτω καὶ Ἰνδοὶ πάντεσ ἐδεδούλωντο ἤδη τῇ γνώμῃ πρὸσ Ἀλεξάνδρου τε καὶ τῆσ Ἀλεξάνδρου τύχησ. Ὁ δὲ ἐπὶ Σάμβον αὖ ἦγε τῶν ὀρείων Ἰνδῶν σατράπην ὑπ̓ αὐτοῦ κατασταθέντα, ὃσ πεφευγέναι αὐτῷ ἐξηγγέλλετο ὅτι Μουσικανὸν ἀφειμένον πρὸσ Ἀλεξάνδρου ἐπύθετο καὶ τῆσ χώρασ τῆσ ἑαυτοῦ ἄρχοντα·

τὰ γὰρ πρὸσ Μουσικανὸν αὐτῷ πολέμια ἦν. ὡσ δὲ ἐπέλαζεν ἤδη τῇ πόλει Ἀλέξανδροσ, ἥντινα μητρόπολιν εἶχεν ἡ τοῦ Σάμβου χώρα, ὄνομα δὲ ἦν τῇ πόλει Σινδίμανα, αἵ τε πύλαι αὐτῷ ἀνοίγονται προσάγοντι καὶ οἱ οἰκεῖοι οἱ τοῦ Σάμβου τά τε χρήματα ἀπηρίθμησαν καὶ τοὺσ ἐλέφαντασ μετὰ σφῶν ἄγοντεσ ἀπήντων·

οὐ γὰρ δὴ Ἀλεξάνδρῳ γε πολεμίωσ ἔχοντα Σάμβον φυγεῖν, ἀλλὰ Μουσικανοῦ τὴν ἄφεσιν δείσαντα. ὁ δὲ καὶ ἄλλην πόλιν ἐν τούτῳ ἀποστᾶσαν εἷλεν καὶ τῶν Βραχμάνων, οἳ δὴ σοφισταὶ τοῖσ Ἰνδοῖσ εἰσιν, ὅσοι αἴτιοι τῆσ ἀποστάσεωσ ἐγένοντο ἀπέκτεινεν.

ὑπὲρ ὧν ἐγὼ τῆσ σοφίασ, εἰ δή τίσ ἐστιν, ἐν τῇ Ἰνδικῇ ξυγγραφῇ δηλώσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 16

(아리아노스, Anabasis, book 6, chapter 16)

상위

목록

SEARCH

MENU NAVIGATION