헬라어 문장 검색 - Αρριαν́Αναβασί6́09́

(아리아노스, Anabasis, book 6, chapter 9)

Τῇ δὲ ὑστεραίᾳ διχῇ διελὼν τὸν στρατὸν τοῦ μὲν ἑτέρου αὐτὸσ ἡγούμενοσ προσέβαλλε τῷ τείχει, τὸ δὲ ἕτερον Περδίκκασ προσῆγε. καὶ ἐν τούτῳ οὐ δεξάμενοι οἱ Ἰνδοὶ τῶν Μακεδόνων τὴν ὁρμὴν τὰ μὲν τείχη τῆσ πόλεωσ λείπουσιν, αὐτὶ δὲ ἐσ τὴν ἄκραν ξυνέφευγον. Ἀλέξανδροσ μὲν οὖν καὶ οἱ ἀμφ̓ αὐτὸν πυλίδα τινὰ κατασχίσαντεσ παρῆλθον ἐσ τὴν πόλιν πολὺ πρὸ τῶν ἄλλων· οἱ δὲ ὁμοῦ Περδίκκᾳ τεταγμένοι ὑστέρησαν ὑπερβαίνοντεσ κατὰ τὰ τείχη οὐκ εὐπετῶσ, οὐδὲ τὰσ κλίμακασ οἱ πολλοὶ αὐτῶν φέροντεσ, ὅτι ἑαλωκέναι αὐτοῖσ ἐδόκει ἡ πόλισ, ἐρημούμενα τῶν προμαχομένων τὰ τείχη ὡσ κατεῖδον.

ὡσ δὲ ἡ ἄκρα ἐχομένη πρὸσ τῶν πολεμίων καὶ πρὸ ταύτησ τεταγμένοι εἰσ τὸ ἀπομάχεσθαι πολλοὶ ἐφάνησαν, ἐνταῦθα δὴ οἱ μὲν ὑπορύσσοντεσ τὸ τεῖχοσ, οἱ δὲ προσθέσει ὅπῃ παρείκοι τῶν κλιμάκων βιάσασθαι ἐπειρῶντο ἐσ τὴν ἄκραν. Ἀλέξανδροσ δέ, ὡσ βλακεύειν αὐτῷ ἐδόκουν τῶν Μακεδόνων οἱ φέροντεσ τὰσ κλίμακασ, ἁρπάσασ κλίμακα ἑνὸσ τῶν φερόντων προσέθηκε τῷ τείχει αὐτὸσ καὶ εἰληθεὶσ ὑπὸ τῇ ἀσπίδι ἀνέβαινεν·

ἐπὶ δὲ αὐτῷ Πευκέστασ ὁ τὴν ἱερὰν ἀσπίδα φέρων, ἣν ἐκ τοῦ νεὼ τῆσ Ἀθηνᾶσ τῆσ Ἰλιάδοσ λαβὼν ἅμα οἷ εἶχεν Ἀλέξανδροσ καὶ πρὸ αὐτοῦ ἐφέρετο ἐν ταῖσ μάχαισ· ἐπὶ δὲ τούτῳ Λεοννάτοσ ἀνῄει κατὰ τὴν αὐτὴν κλίμακα ὁ σωματοφύλαξ· κατὰ δὲ ἄλλην κλίμακα Ἀβρέασ τῶν διμοιριτῶν τισ στρατευομένων. ἤδη τε πρὸσ τῇ ἐπάλξει τοῦ τείχουσ ὁ βασιλεὺσ ἦν καὶ ἐρείσασ ἐπ̓ αὐτῇ τὴν ἀσπίδα τοὺσ μὲν ὤθει εἴσω τοῦ τείχουσ τῶν Ἰνδῶν, τοὺσ δὲ καὶ αὐτοῦ τῷ ξίφει ἀποκτείνασ γεγυμνώκει τὸ ταύτῃ τεῖχοσ·

καὶ οἱ ὑπασπισταὶ ὑπέρφοβοι γενόμενοι ὑπὲρ τοῦ βασιλέωσ σπουδῇ ὠθούμενοι κατὰ τὴν αὐτὴν κλίμακα συντρίβουσιν αὐτήν, ὥστε οἱ μὲν ἤδη ἀνιόντεσ αὐτῶν κάτω ἔπεσον, τοῖσ δὲ ἄλλοισ ἄπορον ἐποίησαν τὴν ἄνοδον. Ἀλέξανδροσ δὲ ὡσ ἐπὶ τοῦ τείχουσ στὰσ κύκλῳ τε ἀπὸ τῶν πλησίον πύργων ἐβάλλετο, οὐ γὰρ πελάσαι γε ἐτόλμα τισ αὐτῷ τῶν Ἰνδῶν, καὶ ὑπὸ τῶν ἐκ τῆσ πόλεωσ, οὐδὲ πόρρω τούτων γε ἐσακοντιζόντων ἑ̓́τυχε γάρ τι καὶ προσκεχωσμένον ταύτῃ πρὸσ τὸ τεῖχοσ̓, δῆλοσ μὲν ἦν Ἀλέξανδροσ ὢν τῶν τε ὅπλων τῇ λαμπρότητι καὶ τῷ ἀτόπῳ τῆσ τόλμησ, ἔγνω δὲ ὅτι αὐτοῦ μὲν μένων κινδυνεύσει μηδὲν ὅ τι καὶ λόγου ἄξιον ἀποδεικνύμενοσ, καταπηδήσασ δὲ εἴσω τοῦ τείχουσ τυχὸν μὲν αὐτῷ τούτῳ ἐκπλήξει τοὺσ Ἰνδούσ, εἰ δὲ μή, καὶ κινδυνεύειν δέοι, μεγάλα ἔργα καὶ τοῖσ ἔπειτα πυθέσθαι ἄξια ἐργασάμενοσ οὐκ ἀσπουδεὶ ἀποθανεῖται ‐ ταῦτα γνοὺσ καταπηδᾷ ἀπὸ τοῦ τείχουσ ἐσ τὴν ἄκραν.

ἔνθα δὴ ἐρεισθεὶσ πρὸσ τῷ τείχει τοὺσ μέν τινασ ἐσ χεῖρασ ἐλθόντασ καὶ τόν γε ἡγεμόνα τῶν Ἰνδῶν προσφερόμενόν οἱ θρασύτερον παίσασ τῷ ξίφει ἀποκτείνει·

ἄλλον δὲ πελάζοντα λίθῳ βαλὼν ἔσχε καὶ ἄλλον λίθῳ, τὸν δὲ ἐγγυτέρω προσάγοντα τῷ ξίφει αὖθισ. οἱ δὲ βάρβαροι πελάζειν μὲν αὐτῷ οὐκέτι ἤθελον, ἔβαλλον δὲ πάντοθεν περιεστηκότεσ ὅ τι τισ ἔχων βέλοσ ἐτύγχανεν ἢ ἐν τῷ τότε ἔλαβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 9

(아리아노스, Anabasis, book 6, chapter 9)

상위

목록

SEARCH

MENU NAVIGATION