헬라어 문장 검색 - Αρριαν́Αναβασί6́29́

(아리아노스, Anabasis, book 6, chapter 29)

Αὐτὸσ δὲ ξὺν τοῖσ κουφοτάτοισ τῶν πεζῶν καὶ ξὺν τῶν ἱππέων τοῖσ ἑταίροισ καὶ μέρει τινὶ τῶν τοξοτῶν ᾔει τὴν ἐπὶ Πασαργάδασ τῆσ Περσίδοσ. Στασάνορα δὲ καταπέμπει ἐπὶ τὴν ἀρχὴν τὴν ἑαυτοῦ. ὡσ δὲ ἐπὶ τοῖσ ὁρ́οισ ἦν τῆσ Περσίδοσ, Φρασαόρτην μὲν οὐ κατέλαβε σατραπεύοντα ἔτι ̔νόσῳ γὰρ τετελευτηκὼσ ἐτύγχανεν ἐν Ἰνδοῖσ ἔτι Ἀλεξάνδρου ὄντοσ̓, Ὀρξίνησ δὲ ἐπεμέλετο τῆσ Περσίδοσ, οὐ πρὸσ Ἀλεξάνδρου κατασταθείσ, ἀλλ̓ ὅτι οὐκ ἀπηξίωσεν αὑτὸν ἐν κόσμῳ Πέρσασ διαφυλάξαι Ἀλεξάνδρῳ οὐκ ὄντοσ ἄλλου ἄρχοντοσ.

ἦλθε δὲ ἐσ Πασαργάδασ καὶ Ἀτροπάτησ ὁ Μηδ[ε]ίασ σατράπησ, ἄγων Βαρυάξην ἄνδρα Μῆδον συνειλημμένον, ὅτι ὀρθὴν τὴν κίδαριν περιθέμενοσ βασιλέα προσεῖπεν αὑτὸν Περσῶν καὶ Μήδων, καὶ ξὺν τούτῳ τοὺσ μετασχόντασ αὐτῷ τοῦ νεωτερισμοῦ τε καὶ τῆσ ἀποστάσεωσ.

τούτουσ μὲν δὴ ἀπέκτεινεν Ἀλέξανδροσ. Ἐλύπησε δὲ αὐτὸν ἡ παρανομία ἡ ἐσ τὸν Κύρου τοῦ Καμβύσου τάφον, ὅτι διορωρυγμένον τε καὶ σεσυλημένον κατέλαβε τοῦ Κύρου τὸν τάφον, ὡσ λέγει Ἀριστόβουλοσ.

εἶναι γὰρ ἐν Πασαργάδαισ ἐν τᾷ παραδείσῳ τῷ βασιλικῷ Κύρου ἐκείνου τάφον καὶ περὶ αὐτὸν ἄλσοσ πεφυτεῦσθαι δένδρων παντοίων καὶ ὕδατι εἶναι κατάρρυτον καὶ πόαν βαθεῖαν πεφυκέναι ἐν τῷ λειμῶνι, καὶ αὐτὸν δὲ τὸν τάφον τὰ κάτω λίθου τετραπέδου ἐσ τετράγωνον σχῆμα πεποιῆσθαι, ἄνωθεν δὲ οἴκημα ἐπεῖναι λίθινον ἐστεγασμένον, θυρίδα ἔχον φέρουσαν ἔσω στενήν, ὡσ μόλισ ἂν εἶναι ἑνὶ ἀνδρὶ οὐ μεγάλῳ πολλὰ κακοπαθοῦντι παρελθεῖν. ἐν δὲ τῷ οἰκήματι πύελον χρυσῆν κεῖσθαι, ἵνα τὸ σῶμα τοῦ Κύρου ἐτέθαπτο, καὶ κλίνην παρὰ τῇ πυέλῳ· πόδασ δὲ εἶναι τῇ κλίνῃ χρυσοῦσ σφυρηλάτουσ καὶ τάπητα ἐπίβλημα τῶν Βαβυλωνίων καὶ καυνάκασ πορφυροῦσ ὑποστρώματα.

ἐπεῖναι δὲ καὶ κάνδυσ καὶ ἄλλουσ χιτῶνασ τῆσ Βαβυλωνίου ἐργασίασ.

καὶ ἀναξυρίδεσ Μηδικαὶ καὶ στολαὶ ὑακινθινοβαφεῖσ λέγει ὅτι ἔκειντο, αἱ δὲ πορφύρασ αἱ δὲ ἄλλησ καὶ ἄλλησ χρόασ, καὶ στρεπτοὶ καὶ ἀκινάκαι καὶ ἐνώτια χρυσοῦ τε καὶ λίθων κολλητά, καὶ τράπεζα ἔκειτο. ἐν μέσῳ δὲ τῆσ κλίνησ ἡ πύελοσ ἔκειτο ἡ τὸ σῶμα τὸ Κύρου ἔχουσα. εἶναι δὲ ἐντὸσ τοῦ περιβόλου πρὸσ τῇ ἀναβάσει τῇ ἐπὶ τὸν τάφον φερούσῃ οἴκημα σμικρὸν τοῖσ Μάγοισ πεποιημένον, οἳ δὴ ἐφύλασσον τὸν Κύρου τάφον ἔτι ἀπὸ Καμβύσου τοῦ Κύρου, παῖσ παρὰ πατρὸσ ἐκδεχόμενοσ τὴν φυλακήν.

καὶ τούτοισ πρόβατόν τε ἐσ ἡμέραν ἐδίδοτο ἐκ βασιλέωσ καὶ ἀλεύρων τε καὶ οἴνου τεταγμένα καὶ ἵπποσ κατὰ μῆνα ἐσ θυσίαν τῷ Κύρῳ. ἐπεγέγραπτο δὲ ὁ τάφοσ Περσικοῖσ γράμμασι·

καὶ ἐδήλου Περσιστὶ τάδε· ὦ ἄνθρωπε, ἐγὼ Κῦρόσ εἰμι ὁ Καμβύσου ὁ τὴν ἀρχὴν Πέρσαισ καταστησάμενοσ καὶ τῆσ Ἀσίασ βασιλεύσασ. μὴ οὖν φθονήσῃσ μοι τοῦ μνήματοσ. Ἀλέξανδροσ δὲ ἑ̓πιμελὲσ γὰρ ἦν αὐτῷ, ὁπότε ἕλοι Πέρσασ, παριέναι ἐσ τοῦ Κύρου τὸν τάφον̓ τὰ μὲν ἄλλα καταλαμβάνει ἐκπεφορημένα πλὴν τῆσ πυέλου καὶ τῆσ κλίνησ· οἱ δὲ καὶ τὸ σῶμα τοῦ Κύρου ἐλωβήσαντο ἀφελόντεσ τὸ πῶμα τῆσ πυέλου καὶ τὸν νεκρὸν ἐξέβαλον·

αὐτὴν δὲ τὴν πύελον ἐπειρῶντο εὐόγκόν σφισι ποιήσασθαι καὶ ταύτῃ εὔφορον τὰ μὲν παρακόπτοντεσ, τὰ δὲ ξυνθλῶντεσ αὐτῆσ. ὡσ δὲ οὐ προὐχώρει αὐτοῖσ τοῦτο τὸ ἔργον, οὕτω δὴ ἐάσαντεσ τὴν πύελον ἀπῆλθον. καὶ λέγει Ἀριστόβουλοσ αὐτὸσ ταχθῆναι πρὸσ Ἀλεξάνδρου κοσμῆσαι ἐξ ὑπαρχῆσ τῷ Κύρῳ τὸν τάφον.

καὶ τοῦ μὲν σώματοσ ὅσαπερ ἔτι σῶα ἦν καταθεῖναι ἐσ τὴν πύελον καὶ τὸ πῶμα ἐπιθεῖναι, ὅσα δὲ λελώβητο αὐτῆσ κατορθῶσαι· καὶ τὴν κλίνην ἐντεῖναι ταινίαισ καὶ τἆλλα ὅσα ἐσ κόσμον ἔκειτο κατὰ ἀριθμόν τε καὶ τοῖσ πάλαι ὅμοια ἀποθεῖναι καὶ τὴν θυρίδα δὲ ἀφανίσαι τὰ μὲν αὐτῆσ λίθῳ ἐνοικοδομήσαντα, τὰ δὲ πηλῷ ἐμπλάσαντα, καὶ ἐπιβαλεῖν τῷ πηλῷ τὸ σημεῖον τὸ βασιλικόν. Ἀλέξανδροσ δὲ ξυλλαβὼν τοὺσ Μάγουσ τοὺσ φύλακασ τοῦ τάφου ἐστρέβλωσεν, ὡσ κατειπεῖν τοὺσ δράσαντασ, οἱ δὲ οὐδὲν οὔτε σφῶν οὔτε ἄλλου κατεῖπον στρεβλούμενοι, οὐδὲ ἄλλῃ πῃ ἐξηλέγχοντο ξυνειδότεσ τῷ ἔργῳ·

καὶ ἐπὶ τῷδε ἀφείθησαν ἐξ Ἀλεξάνδρου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 29

(아리아노스, Anabasis, book 6, chapter 29)

상위

목록

SEARCH

MENU NAVIGATION