헬라어 문장 검색 - Αρριαν́Αναβασί6́06́

(아리아노스, Anabasis, book 6, chapter 6)

Αὐτὸσ δὲ ἀναλαβὼν τοὺσ ὑπασπιστάσ τε καὶ τοὺσ τοξότασ καὶ τοὺσ Ἀγριᾶνασ καὶ τῶν πεζεταίρων καλουμένων τὴν Πείθωνοσ τάξιν καὶ τοὺσ ἱπποτοξότασ τε πάντασ καὶ τῶν ἱππέων τῶν ἑταίρων τοὺσ ἡμίσεασ διὰ γῆσ ἀνύδρου ὡσ ἐπὶ Μαλλοὺσ ἦγεν, ἔθνοσ Ἰνδικὸν Ἰνδῶν τῶν αὐτονόμων. καὶ τῇ μὲν πρώτῃ κατεστρατοπέδευσε πρὸσ ὕδατι οὐ πολλῷ, ὃ δὴ ἀπεῖχε τοῦ Ἀκεσίνου ποταμοῦ σταδίουσ ἐσ ἑκατόν·

δειπνοποιησάμενοσ δὲ καὶ ἀναπαύσασ τὴν στρατιὰν οὐ πολὺν χρόνον παραγγέλλει ὅ τι τισ ἔχοι ἄγγοσ ἐμπλῆσαι ὕδατοσ. διελθὼν δὲ τῆσ τε ἡμέρασ τὸ ἔτι ὑπολειπόμενον καὶ τὴν νύκτα ὅλην ἐσ τετρακοσίουσ μάλιστα σταδίουσ ἅμα ἡμέρᾳ πρὸσ πόλιν ἀφίκετο, ἐσ ἣν ξυμπεφεύγεσαν πολλοὶ τῶν Μαλλῶν. οἱ δὲ οὔποτ̓ ἄν οἰηθέντεσ διὰ τῆσ ἀνύδρου ἐλθεῖν ἐπὶ σφᾶσ Ἀλέξανδρον ἔξω τε τῆσ πόλεωσ οἱ πολλοὶ καὶ ἄνοπλοι ἦσαν.

ἐφ̓ ὅτῳ καὶ δῆλοσ ἐγένετο ταύτην ἀγαγὼν Ἀλέξανδροσ, ἣν ὅτι αὐτῷ ἀγαγεῖν χαλεπὸν ἦν, ἐπὶ τῷδε οὐδὲ τοῖσ πολεμίοισ ὅτι ἄξει πιστὸν ἐφαίνετο. τούτοισ μὲν δὴ οὐ προσδοκήσασιν ἐπιπεσὼν τοὺσ μὲν πολλοὺσ ἀπέκτεινεν αὐτῶν οὐδὲ ἐσ ἀλκὴν οἱᾶ δὴ ἀνόπλουσ τραπέντασ· τῶν δὲ ἄλλων εἰσ τὴν πόλιν κατειληθέντων κύκλῳ περιστήσασ τῷ τείχει τοὺσ ἱππέασ, ὅτι μήπω ἡ φάλαγξ τῶν πεζῶν ἠκολουθήκει αὐτῷ, ἀντὶ χάρακοσ ἐχρήσατο τῇ ἵππῳ. ὡσ δὲ τάχιστα οἱ πεζοὶ ἀφίκοντο, Περδίκκαν μὲν τήν τε αὑτοῦ ἱππαρχίαν ἔχοντα καὶ τὴν Κλείτου καὶ τοὺσ Ἀγριᾶνασ πρὸσ ἄλλην πόλιν ἐκπέμπει τῶν Μαλλῶν, οἷ ξυμπεφευγότεσ ἦσαν πολλοὶ τῶν ταύτῃ Ἰνδῶν, φυλάσσειν τοὺσ ἐν τῇ πόλει κελεύσασ, ἔργου δὲ μὴ ἔχεσθαι ἔστ̓ ἂν ἀφίκηται αὐτόσ, ὡσ μηδὲ ἀπὸ ταύτησ τῆσ πόλεωσ διαφυγόντασ τινὰσ αὐτῶν ἀγγέλουσ γενέσθαι τοῖσ ἄλλοισ βαρβάροισ ὅτι προσάγει ἤδη Ἀλέξανδροσ·

αὐτὸσ δὲ προσέβαλλεν τῷ τείχει. οἱ δὲ βάρβαροι τὸ μὲν τεῖχοσ ἐκλείπουσιν, ὡσ οὐκ ἂν διαφυλάξαντεσ αὐτὸ ἔτι, πολλῶν ἐν τῇ καταλήψει τεθνηκότων, τῶν δὲ καὶ ἀπὸ τραυμάτων ἀπομάχων γεγενημένων·

ἐσ δὲ τὴν ἄκραν ξυμφυγόντεσ χρόνον μέν τινα ἠμύνοντο ἐξ ὑπερδεξίου τε χωρίου καὶ χαλεποῦ ἐσ προσβολήν, προσκειμένων δὲ πάντοθεν εὐρώστωσ τῶν Μακεδόνων καὶ αὐτοῦ Ἀλεξάνδρου ἄλλοτε ἄλλῃ ἐπιφαινομένου τῷ ἔργῳ ἥ τε ἂκρα κατὰ κράτοσ ἑάλω καὶ οἱ ξυμφυγόντεσ ἐσ αὐτὴν πάντεσ ἀπέθανον· ἦσαν δὲ ἐσ δισχιλίουσ. Περδίκκασ δὲ ἐσ τὴν πόλιν ἐφ̓ ἥντινα ἐστάλη ἀφικόμενοσ τὴν μὲν πόλιν ἐρήμην καταλαμβάνει, μαθὼν δὲ ὅτι οὐ πρὸ πολλοῦ πεφεύγεσαν ἐξ αὐτῆσ οἱ ἐνοικοῦντεσ δρόμῳ ἤλαυνε κατὰ στίβον τῶν φευγόντων·

οἱ δὲ ψιλοὶ ὡσ τάχουσ ποδῶν εἰχον αὐτῷ ἐφείποντο. καταλαβὼν δὲ τῶν φευγόντων κατέκοψεν ὅσοι γε μὴ ἔφθασαν ἐσ τὰ ἕλη ξυμφυγόντεσ. Ἀλέξανδροσ δὲ δειπνοποιησάμενόσ τε καὶ ἀναπαύσασ τοὺσ ἀμφ̓ αὑτὸν ἔστε ἐπὶ πρώτην φυλακὴν ᾔει τοῦ πρόσω·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 6

(아리아노스, Anabasis, book 6, chapter 6)

상위

목록

SEARCH

MENU NAVIGATION