헬라어 문장 검색 - Αππιαν́ΤηεΞιϝί4́01́

(아피아노스, The Civil Wars, book 4, chapter 1)

Δύο μὲν δὴ Γαϊού Καίσαροσ φονεῖσ οὕτω δίκην, ἐν ταῖσ σφετέραισ αὐτῶν στρατηγίαισ ἐκπολεμηθέντεσ, ἐδεδώκεσαν, Τρεβώνιοσ ἐν τῇ Ἀσίᾳ καὶ Δέκμοσ ἐν τῇ Κελτικῇ· ὅπωσ δὲ ἔδοσαν Κάσσιόσ τε καὶ Βροῦτοσ, οἳ καὶ μάλιστα τῆσ ἐπιβουλῆσ ἐπὶ τῷ Καίσαρι ἦρξαν, καὶ γῆσ ἐκράτουν ἀπὸ Συρίασ ἐπὶ Μακεδονίαν ἁπάσησ, καὶ στρατὸσ ἦν αὐτοῖσ πολύσ, ἱππικόσ τε καὶ ναυτικὸσ καὶ ὁπλιτῶν ὑπὲρ εἴκοσι τέλη, καὶ νῆεσ ὁμοῦ καὶ χρήματα, ἡ τετάρτη τῶν ἐμφυλίων ἥδε ὑποδείκνυσιν. ἅμα δὲ τούτοισ ἐγίγνοντο αἱ ἐν Ῥώμῃ τῶν ἐπὶ θανάτῳ προγραφέντων ἔρευναί τε καὶ εὑρέσεισ καὶ παθήματα πάμπαν ἐπαχθῆ, οἱᾶ οὔτε ἐπὶ Ἑλλήνων ἐν στάσεσιν ἢ πολέμοισ οὔτ’ ἐπὶ Ῥωμαίων αὐτῶν ἐμνημονεύετο γενέσθαι, πλὴν ἐπὶ μόνου Σύλλα τοῦ πρώτου τοὺσ ἐχθροὺσ ἐσ θάνατον προγράψαντοσ. Μάριοσ μὲν γὰρ ἐζήτει καὶ ἐκόλαζεν, οὓσ εὑρ́οι· Σύλλασ δὲ ὑπὸ μισθοῖσ τε μεγάλοισ καὶ κολάσεσι τῶν ἐπικρυψάντων ὁμοίαισ τὸν ἐντυχόντα κτείνειν προέγραφεν. καὶ τὰ μὲν ἀμφὶ Μάριόν τε καὶ Σύλλαν ἐν τοῖσ περὶ ἐκείνων προείρηται, τὰ δὲ ἑξῆσ οὕτωσ ἐγένετο. Καῖσαρ μὲν καὶ Ἀντώνιοσ ἐσ φιλίαν ἀπ’ ἔχθρασ συνῄεσαν ἀμφὶ Μουτίνην πόλιν, ἐσ νησῖδα τοῦ Λαβινίου ποταμοῦ βραχεῖάν τε καὶ ὑπτίαν, ἔχων ἑκάτεροσ ὁπλιτῶν τέλη πέντε·

Καίσαρι δὲ εἶναι Λιβύην καὶ Σαρδὼ καὶ Σικελίαν καὶ εἴ τισ ἄλλη νῆσοσ ἐνταῦθα. καὶ τάδε ἀλλήλοισ ἀντικαθιστάντεσ ἐχώρουν σὺν τριακοσίοισ ἑκάτεροσ ἐπὶ τὰσ τοῦ ποταμοῦ γεφύρασ. Λέπιδοσ δ’ αὐτὸσ προελθὼν διηρεύνα τὴν νῆσον καὶ τῇ χλαμύδι κατέσειεν ἥκειν ἑκάτερον. οἱ δὲ ἐπὶ τῶν γεφυρῶν τοὺσ τριακοσίουσ μετὰ τῶν φίλων ἀπολιπόντεσ ἐσ τὸ μέσον ᾔεσαν ἐν περιόπτῳ, καὶ συνήδρευον οἱ τρεῖσ, Καίσαροσ ἐν μέσῳ διὰ τὴν ἀρχὴν προκαθίσαντοσ. δύο δὲ ἡμέραισ ἑώθεν ἐσ ἑσπέραν συνιόντεσ τάδε ἔκριναν· ἀποθέσθαι μὲν τὴν ὕπατον ἀρχὴν Καίσαρα καὶ Οὐεντίδιον αὐτὴν ἐσ τὸ λοιπὸν τοῦ ἔτουσ μεταλαβεῖν, καινὴν δὲ ἀρχὴν ἐσ διόρθωσιν τῶν ἐμφυλίων νομοθετηθῆναι Λεπίδῳ τε καὶ Ἀντωνίῳ καὶ Καίσαρι, ἣν ἐπὶ πενταετὲσ αὐτοὺσ ἄρχειν, ἴσον ἰσχύουσαν ὑπάτοισ· ὧδε γὰρ ἔδοξεν ἀντὶ δικτατόρων ὀνομάσαι, διὰ τὸ δόγμα ἴσωσ τὸ Ἀντωνίου κωλῦον ἔτι γίγνεσθαι δικτάτορα. τοὺσ δὲ ἀποφῆναι μὲν αὐτίκα τῆσ πόλεωσ ἄρχοντασ ἐσ τὰ ἐτήσια ἐπὶ τὴν πενταετίαν, τὰσ δὲ ἡγεμονίασ τῶν ἐθνῶν νειμαμένουσ, ἔχειν Ἀντώνιον μὲν τὴν Κελτικὴν ἅπασαν ἄνευ τῆσ συναφοῦσ τοῖσ Πυρηναίοισ ὄρεσιν, ἣν παλαιὰν ἐκάλουν Κελτικήν· ταύτησ δὲ Λέπιδον ἄρχειν καὶ Ἰβηρίασ ἐπὶ ταύτῃ· Ὧδε μὲν τὴν Ῥωμαίων ἡγεμονίαν οἱ τρεῖσ ἐνείμαντο ἐφ’ ἑαυτοῖσ, τὰ πέραν ἄρα τοῦ Ιὀνίου μόνα ὑπερθέμενοι διὰ Βροῦτον καὶ Κάσσιον κρατοῦντασ ἔτι αὐτῶν, Κασσίῳ δὲ καὶ Βρούτῳ πολεμεῖν Ἀντώνιόν τε καὶ Καίσαρα·

Λέπιδον γὰρ ὑπατεύειν ἐσ τὸ μέλλον καὶ τῇ πόλει διὰ τὰσ ἐν αὐτῇ χρείασ ὑπομένειν, ἡγεμονεύοντα τῆσ Ἰβηρίασ δι’ ἑτέρων· τοῦ δὲ Λεπίδου στρατοῦ τρία μὲν αὐτὸν Λέπιδον ἔχειν ἐσ τὰ ἐπὶ Ῥώμησ, ἑπτὰ δὲ τέλη νείμασθαι Καίσαρα καὶ Ἀντώνιον, τρία μὲν Καίσαρα, τέσσαρα δὲ Ἀντώνιον, ὡσ ἂν ἐσ τὸν πόλεμον αὐτῶν ἑκάτεροσ εἴκοσιν ἄγοι. ἐπελπίσαι δὲ ἤδη τὸν στρατὸν ἐσ τὰ νικητήρια τοῦ πολέμου, ἄλλαισ τε δωρεαῖσ καὶ ἐσ κατοικίαν δόσεσι τῶν Ἰταλικῶν πόλεων ὀκτωκαίδεκα, αἳ καὶ περιουσίᾳ καὶ ἐδάφεσι καὶ οἴκοισ εἰσ κάλλοσ διαφέρουσαι ἔμελλον αὐτοῖσ ἐδάφεσι καὶ οἴκοισ αὐτῷ διανεμήσεσθαι, ὥσπερ αὐτοῖσ ἀντὶ τῆσ πολεμίασ δορίληπτοι γενόμεναι. καὶ ἦσαν αἱ πόλεισ ἄλλαι τε καὶ αἱ περιφανέσταται μάλιστα αὐτῶν Καπύη καὶ Ῥήγιον καὶ Οὐενουσία καὶ Βενεβεντὸσ καὶ Νουκερία καὶ Ἀρίμινον καὶ Ἰππώνιον. οὕτω μὲν τὰ κάλλιστα τῆσ Ἰταλίασ τῷ στρατῷ διέγραφον, ἔδοξε δὲ σφίσι καὶ τοὺσ ἰδίουσ ἐχθροὺσ προανελεῖν, ἵνα μὴ ἐνοχλοῖεν αὑτοῖσ τάδε καθισταμένοισ καὶ πολεμοῦσι πόλεμον ἔκδημον. ταῦτα μὲν ἔδοξε, καὶ ταῦτα συνεγράψαντο· καὶ αὐτῶν ὁ Καῖσαρ ὡσ ὕπατοσ ἀνέγνω τοῖσ στρατοῖσ τὰ λοιπὰ χωρὶσ τῶν ἀποθανουμένων. οἱ δ’ ἀκούσαντεσ ἐπαιώνισάν τε καὶ ἠσπάσαντο ἀλλήλουσ ἐπὶ διαλλαγῇ. Γιγνομένων δὲ τούτων τέρατα καὶ σημεῖα ἐν Ῥώμῃ πολλὰ καὶ φοβερὰ ἦν.

κύνεσ τε γὰρ ὠρύοντο ὁμαλῶσ οἱᾶ λύκοι, σύμβολον ἀηδέσ, καὶ λύκοι τὴν ἀγορὰν διέθεον, οὐκ ἐπιχωριάζον ἐν πόλει ζῷον, βοῦσ τε φωνὴν ἀφῆκεν ἀνθρώπου, καὶ βρέφοσ ἀρτίτοκον ἐφθέγξατο, καὶ τῶν ξοάνων τὰ μὲν ἵδρου, τὰ δὲ καὶ αἷμα ἵδρου, ἀνδρῶν τε μεγάλαι βοαὶ καὶ κτύποσ ὅπλων καὶ δρόμοσ ἵππων οὐχ ὁρωμένων ἠκούετο. ἀμφί τε τὸν ἥλιον ἀηδῆ σημεῖα πολλά, καὶ λιθώδεισ ἐγίγνοντο ὑετοί, καὶ κεραυνοὶ συνεχεῖσ ἐσ ἱερὰ καὶ ἀγάλματα ἔπιπτον. ἐφ’ οἷσ ἡ μὲν βουλὴ θύτασ καὶ μάντεισ συνῆγεν ἀπὸ Τυρρηνίασ· καὶ ὁ πρεσβύτατοσ αὐτῶν, τὰσ πάλαι βασιλείασ ἐπανήξειν εἰπών, καὶ δουλεύσειν ἅπαντασ χωρὶσ ἑαυτοῦ μόνου, τὸ στόμα κατέσχε καὶ τὸ πνεῦμα, ἑώσ ἀπέθανεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 1

(아피아노스, The Civil Wars, book 4, chapter 1)

상위

목록

SEARCH

MENU NAVIGATION