Xenophon, Memorabilia, Ἀπομνημονευμάτων Γ, chapter 14 5:

τί γάρ; ἔφη, ἐάν τισ ἄνευ τοῦ σίτου τὸ ὄψον αὐτὸ ἐσθίῃ, μὴ ἀσκήσεωσ, ἀλλ’ ἡδονῆσ ἕνεκα, πότερον ὀψοφάγοσ εἶναι δοκεῖ ἢ οὔ; σχολῇ γ’ ἄν, ἔφη, ἄλλοσ τισ ὀψοφάγοσ εἰή. καί τισ ἄλλοσ τῶν παρόντων, ὁ δὲ μικρῷ σίτῳ, ἔφη, πολὺ ὄψον ἐπεσθίων; ἐμοὶ μέν, ἔφη ὁ Σωκράτησ, καὶ οὗτοσ δοκεῖ δικαίωσ ἂν ὀψοφάγοσ καλεῖσθαι· καὶ ὅταν γε οἱ ἄλλοι ἄνθρωποι τοῖσ θεοῖσ εὔχωνται πολυκαρπίαν, εἰκότωσ ἂν οὗτοσ πολυοψίαν εὔχοιτο.