Xenophon, Memorabilia, Ἀπομνημονευμάτων Γ, chapter 11 4:

εἰπόντοσ δέ τινοσ ὅτι δίκαια λέγοι, οὐκοῦν, ἔφη, αὕτη μὲν ἤδη τε παρ’ ἡμῶν ἔπαινον κερδαίνει καί, ἐπειδὰν εἰσ πλείουσ διαγγείλωμεν, πλείω ὠφελήσεται· ἡμεῖσ δὲ ἤδη τε ὧν ἐθεασάμεθα ἐπιθυμοῦμεν ἅψασθαι καὶ ἄπιμεν ὑποκνιζόμενοι καὶ ἀπελθόντεσ ποθήσομεν. ἐκ δὲ τούτων εἰκὸσ ἡμᾶσ μὲν θεραπεύειν, ταύτην δὲ θεραπεύεσθαι. καὶ ἡ Θεοδότη, νὴ Δί’, ἔφη, εἰ τοίνυν ταῦθ’ οὕτωσ ἔχει, ἐμὲ ἂν δέοι ὑμῖν τῆσ θέασ χάριν ἔχειν.