Xenophon, Memorabilia, Ἀπομνημονευμάτων Γ, chapter 10 9:

ἐπεὶ δὲ ἀπορῶν ὁ Κλείτων οὐ ταχὺ ἀπεκρίνατο, ἆρ’, ἔφη, τοῖσ τῶν ζώντων εἴδεσιν ἀπεικάζων τὸ ἔργον ζωτικωτέρουσ ποιεῖσ φαίνεσθαι τοὺσ ἀνδριάντασ; καὶ μάλα, ἔφη. οὐκοῦν τά τε ὑπὸ τῶν σχημάτων κατασπώμενα καὶ τἀνασπώμενα ἐν τοῖσ σώμασι καὶ τὰ συμπιεζόμενα καὶ τὰ διελκόμενα καὶ τὰ ἐντεινόμενα καὶ τὰ ἀνιέμενα ἀπεικάζων ὁμοιότερά τε τοῖσ ἀληθινοῖσ καὶ πιθανώτερα ποιεῖσ φαίνεσθαι;