Xenophon, Memorabilia, Ἀπομνημονευμάτων Γ, chapter 4 10:

πάνυ μὲν οὖν, ἔφη. τὸ δὲ τοὺσ ὑπηκόουσ εὐμενεῖσ ποιεῖσθαι πῶσ οὐ καλὸν ἀμφοτέροισ; καὶ τοῦτ’, ἔφη. συμμάχουσ δὲ καὶ βοηθοὺσ προσάγεσθαι δοκεῖ σοι συμφέρειν ἀμφοτέροισ ἢ οὔ; πάνυ μὲν οὖν, ἔφη. ἀλλὰ φυλακτικοὺσ τῶν ὄντων οὐκ ἀμφοτέρουσ εἶναι προσήκει; σφόδρα γ’, ἔφη. οὐκοῦν καὶ ἐπιμελεῖσ καὶ φιλοπόνουσ ἀμφοτέρουσ εἶναι προσήκει περὶ τὰ αὑτῶν ἔργα;